Oct 24, 2020
Luana’
kipiakna sumpi
“ Ka sangkahna-ah kei kia bek in phone
nei lo hing,’ ci-in, kum 15 a pha luana Bomfim in phone a deihna a pa tungah
pulaak hi. A pa in a deih in lei lecin
hi ve, ci-in dawng kik a, a tanu in ka lei nading sum nei lo, ci-in tua bangin
kiho uh hi. A pa in sangkhak ciangin laibu zuak in. Tua hileh Pasian nasepna
lah hi, sum zong ngah ding hi, ci-in hanthawn hi.
A pa gen bangin Luana in zong laibu zuak
a, tua panin a sumte tawh a deih phone lei hi. A sum ngahte lak panin sawm-ah
khat leh sumpite zong khia hi. Sangkhak hong tun kik ciangin laibu zuak kik
hi. Tua bangin kum khat khit kum khat a
laibu zuakna pan a ngah sumte a pa in sumkhol dingin hanthawn hi. Ahi zongin
Launa in a sum ngah khempeuh tawh biakinn puahphat nadingin pastor pa pia hi.
Thuumna: Sawm-ah khat leh sumpite Topa tungah ap
dingin Lai Siangtho in hong hilh hi. Tua bangin Topa tungah a citakte tungah
vantung kamciam tangtung ding hi. Topa
in citpiakna sumpi zong a pia dingin hong hilh hi. Eima deihnate zatna-ah sum
beisak lo-in leitung nate deihna nial a, Topa gam adingin kipiak ding kisam hi.
Thungetna:
Topa aw pilna tawh nungta-in nangmah kong muan theih nadingun hong makaih in.
Nang mah in na khempeuh hong PIA PA nahihna hong phawksak in. Leitung nate muan
le suan a nei lo-in nang mah a hong muangte hong hi sak in. Amen.
