Oct 17, 2020
Tua
a lamdang mahmah Lengmaw-kung
Angelo Danaldo in “ Kituiphum dingte Lai
Siangtho sinna-ah sawm-ah khat tawh kisai bang mah hong kihilh lo hi,”ci-in gen
hi. 1977 lai-in a pa zong Adventist pastor khat hi. Ahi zongin a huan sungah lingmaw kung 10 bang
nei uh a, a kung khat pen lawn khak loh ding, tua kung tung pan a gahte neh loh
dingin hong kihilh hi, ci-in a lawmte tungah pulaak hi.
Guta-te in a guk loh nadingun khat
veivei a pa in tua lingmaw kung vil thapaai hi. A pa tungtawnin sawm-ah khat
leh sumpi tungah cihtak ding thu theihtelna ngah hi. Angelo pa bangin vantungah
om i PA in Adam leh Eve tungah huan sung
singgahte nek ding pia a, ahi zongin a nek loh ding uh singkung khat gen hi. I
nulepa masa-te in Topa tungah a lungdam ding thu tampi a om bangin Pasian
thupiak a zuih ding uh kisam hi. Amaute nuntakna leh a teenna uh Eden huan in
Topa neihsa hi; tua bang mahin tuhunin zong sawm-ah khat in Topa neihsa hi.
“Na neihsa leh na anpalte tawh Topa
zahtak in” (Pau. 3:9). “Pasian in hong
PIA PA hi; Amah i piakkik ding hong deih hi. Tua hong nget i ap kikna in Amah i
zahtakna ahi hi.” Ellen G. White, Counsels on Stewardship, 65.
Thuumna:
Pasian in na khempeuh tungah thu nei ahihna phawk in. Sawm-ah khat leh sumpite i khiat ciangin
Pasian hoihna, vangliatna tawh kidim ahihna phawk in.
Thungetna:
Kote kong it uh PIANGSAK PA leh HONPA aw, sawm-ah khat leh sumpite hong sang
in. Amen.
