Oct.
10, 2020
Topa
ading Vei-na lianpi
Pavel Goia in Ministry Magazine endik a
sep kawmin innlam nasep khat tawh thuah hi.
Amah pen Romania gamah om hi. Adventist upna sungah lawp mahmah mi khat
hi. Thuhilh thugen a kiseh ciangin nial ngei lo hi. Biakinn zong tampi lamkhin
hi. Yugoslavia gamah Lai Siangtho hawm
ding kiphal lopi mah a mawtaw sungah selsim a,
bu tampi hawmkhia khin hi.
Tua bang a nasepna hangin thongkia ngei
hi. Palikte in Lai Siangtho na hawm laileh hong kaplum ding hi ung, kong cih
uh, thumang lo na hih manin, tu-in hong kaplum ding hi ung,”ci-in a tau tawh
Pavel maitang ngim hi. Tua leh Pavel in, “ khawl phot dih un, ci-in a khut
lamto hi. Palik pa in bang mah pau ken,
nungta kei niteh cihsan hi.
Palik pa in na sihma-in thungen nuam
maw, ci-in dong hi. Hi kei, thu ka
ngetkhitsa hi, ci-in Pavel in a puan suah khia-in, puan nei lote hih ka puan na
piaksak un, ci-in dawng kik hi. Ahi zongin palik pa in bang mah cih lo-in
Pavel khahkhia hi.
Khristian taktakte in Jesuh nungzui ahih
mah bangun amau ading sangin midangte adingin nungta uh hi. Sawm-ah khat leh
sumpi khiat in zong, mite in hotkhiatna thu a zak nading uh ahi hi.
Thuumna:
Hamsat hun ciangin Pavel bangin puansuah khia-in mite huh dingin thu hong kipia
hi lo hi. Ahi zongin mi huh theihna
lampi tuamtuam om hi. Sawm-ah khat leh sumpi in tua bang huhna lampi khat hi
pah hi.
Thungetna:
Vantung kote Pa aw, tuni kote biakpiakna hong sang in. Cimawh dongtuakte, kitasam mite nangma min
hangin nopna ngah ciat ta uh hen. Amen
