Nov. 7, 2020
Sabbath
Nisial Biakpiakna
Luis Augusto in guihtheih khamtheih tawh
kidim hi. Inn a ciahsial zu kham, za kham hi den hi. Amah bek gim kipia hi lo-in
ama hangin a innkuanpihte zong genthei uh hi.
Ni khat khua dang khatah va pai a, hih khua-ah a om sungin TV panin
Pasian thugenna khat va ngai kha hi. Hope Channel pan a thuzakte in a lungsim
su-kha ahih manin Adventist biakinn hong zong hi. Ama omna nai 4 sung bang hong
pai-in Adventist biakinn khatah hong kikhawm hi.
Luis in a nunzia kikhel a, tui kiphum
hi. Ama kituiphum nungah a innkuanpihte zong kituiphum uh hi. Khat le khat
tungah ki-itna nei-in kihuh diamdiam ding, Pasian deihna hi (Heb. 10:24). “ Mi
kimkhatte bang hi lo-in kikhop thadah lo-a,
Topa hong nai-ta ahih manin khat le khat tha kipia ding hong deih hi.
Thu-um mite tawh biakpiak khopna-ah
thungetkhopna, lasa khopna, Topa kammal
sinkhopna leh sawm-ah khat leh sumpi tawh Topa biakpiak khopnate in manpha hi.
Thuumna:
Sawm-ah khat leh sumpite Topa i ap ciangin, Ama hong piak thupha, a nasepte
phawk ciat ni.
Thungetna:
Na khempeuh a PIANGSAK PA Pasian, kote lungsim leh kong kipiaknate uh hong sang
in. Hong siangthosak in. Nangma aa hong hisak in. Amen.
