Nov 28, 2020
Kikholhkhopna
Ni
Pasian
in ki-itna hi. Tua hi-in Khristian biakna in itna tawh khat le khat kizopna hi.
Pasian tawh kizopna in mi tawh kizopna hoih hong nei theisak hi. Khat le khat
ki-itna tawh kizopna in Jesuh nungzui hihna hi (Jn. 13: 35).
Topa in amah tawh a tuam vilvel kizopna
i neih nadingin Sabbath hong pia hi. Sabbath in Pasian tawh kizopna banah
thu-um mite khat le khat kizopna ni ahi hi. Ahi zongin tua dingin mihing in
kipiakna kisam hi. Mun khat khatte-ah Sabbath ni kikhopna mun gamla ahih manin,
Friday ni-in biakinn ah va giak khol, ahih keileh pawlpi mite inn ah giakin
Sunday niteh inn zuan kik uh hi. Tua in Pasian tawh kizopna leh thu-um mite
tawh kizopna kip piangsak hi.
Sawltakte hunlai-in zong thu-um mite
kikaikhawm uh a, Pasian biakpiak khopna nei uh hi. Tua bang kikhopnate ah
thadah lo dingin sawltakte in hong hilh hi (Heb. 10: 25). Sabbath ni-in biakpiak khopna thupi hi, ci-in
Pasian in Moses tungah gen hi (Siam. 23:3).
Ni guk sung nasem ding a, a ni
sagih ni-in ahihleh biakpiakna ni ding hi.
Sawm-ah khat leh sumpite i khiatna
tungtawnin thu-um mite tawh kizopna kip hong om to to thei hi. Khat le khat
ki-itna, kideihsakna, leh muanna tawh mun khempeuhah hotkhiatna thu tangkote
ihi hi.
Pasian in mimal in nasem ding banah
kipawl khawm a nasem dingin hong sawl hi. Tua in Khrih hong piak nasep kizo
baih ding hi. Kipawl khawm a nasepna in nasep mavangsak hi.
Thuumna:
Tuni Topa i biakpiak khopna-ah khat le khat kizopna banah Topa tawh kizopna
hong kipsak hi. Sawm-ah khat leh sumpite khiatna tungtawnin tua kizopna in kip
semsem hi.
Thungetna: Kote in nangma neihsa ka hi uh hi. Tuni kote
kong biakpiakna uh hong sang in. Amen.
