Nov 21, 2020
A
ol nunna
Pavel Goia’ pa in nasep lianpi nei hi
mah taleh mawtaw nei lo hi. Nasepna pan
a ngah uh sumte Pasian nasepna dingin zeek khia uh hi. Leitung nate vantungah
kikeng thei lo ding hi. Pasian nasepna kizang khempeuh bek tawntung kimang ding
hi, ci-in a neih khempeuh uh Pasian nasep nadingin pia khia uh hi.
Ni khat a ngah uh sum Kawl gam sum a
tengh 300 pha ding a, a nu in 10% sawm-ah khat pia ding hi, ci hi. A pa in hi lo
ee, a vekin pia ding ci-in dawng kik hi. Tua leh a nu in i zat ding Ks. 20000
koih ni ci hi. Goia’ pa in khat veivei
ciangin a ngahna pan a lang bang sawm-ah khat khia hi. Kitangsapna zui-in pia
hi. Pasian in i kitangsap khempeuh hong pia hi. Cidamna hong pia hi. I neih
khempeuh Amah i piak ding hi,ci hi.
Thuumna:
Huaiham lo-in kitangsapte i neih nakleh nate deih tuahtuah ding hi lo hi. I
gamtatzia in piakna hamsa sa lo-in kingei-na seh hi lehang, nate itsikna om lo
ding a, phaltakin i pia ding hi. Ngahna
panin sawm-ah khat a kipan sumpite khia masa-in,tua khit ciangin i kisapna bangin zeek ding kisam hi. I
neihsa, sum le paaite i koihna mun-ah i lungsim zong om hi (Matt. 6:21).
Thungetna:
Topa aw, tuni-in sawm-ah khat leh sumpi tawh nangmah kong biak uh ciangin,
nangma vangliatna banah nangmah in kote hong makaih, nong hilhna in, nangmah
nungzuihna-ah a kip tawntung ding hong hi sak in. Amen
