March
7, 2020
Kum 10 sung tawntung mangmat
Laurentiu
Stefan Druga, 35
Romania khuapi Bucharest ah om sangah
Adventist naupang 3 bek kah uh hi. A thum-un Druga hilhna Tan 8 vive hi.
Laurentiu in Jesuh itna nei-in kituiphum khin hi. Pastor suak dingin lunggulhna nei hi.
Bucharest ah om Adventist sangah naupang 20 bek om hi. Laivuanna-ah Laurentiu
in a 21na ngah hi. Mai kum ciangin tu a sangin hanciam zaw ning, ci-in a nute
tungah pulaak hi.
`Sangkah kipan kik a, laisin thadah hi.
A gamtat zia le tong zong siatna lam manawh hi. Laivuan ciangin ni kum a mun
mah lut kik a, laidal a et ciangin a
nunzia kiphawk kik a, a cih nading thei lo hi.
A tutna pan ding khia-in a pua-ah pusuak khia hi.
Kum sawtpi khitteh Laurentiu in Spain gamah va zin a, innlam
nasepna khatah nasem hi. Zi nei hi. Pasian tawh kigamla hi. Kum 23 a phak
ciangin Adventist thuzui pa no khat tawh kimu uh hi. A pa no in Laurentiu neulai-a pastor a utna, a
geelnate pulaak kik hi. A nunzia uh kikhelin tui kiphum dingin a innkuan-un
hong khensat uh hi.
Kituiphum ni ma-in Laurentiu in a
nunzia-te ngaihsun kik-in Pasian in a nuntakna sungah nasem ahihlam phawk thei
hi. Pasian tungah thungen-in, “ka
nuntakna-ah bang sem dingin hong deih na hiam, ci-in thungen hi.
A kituiphum khit uh ni nih khit ciangin
Laurentiu in mangman hi. Sanginn sung khatah lut-in tutphah gol mahmah khat
tungah tu-in laidal en en hi. Tua laidal in Maths laivuan hi-in a lungmang
mahmah hi. A cih nading thei lo hi. A mangmatna pan khanglo-in zingsang nai 3
hi pan hi.
Ihmu kik a, mangman leuleu hi. A masa a
mangmat bang lo-in a mangmat kikah maitai-in Madrid biakinn ah thugen-in om hi.
Mite in ama thunge zaknopsa-in thungai ciat uh hi. Pasian ompihna phawkin a
lungmuang hi.
A zingsang ciangin a mangmatte ngaihsun
nawn lo-in, Topa aw ka nuntakna bang hong deih na hiam, ci-in thungen kik hi.
Zan ciangin a mangmat ngei-sa teng mah hong suak kik hi. A mangmat masak om
bangin sanginn sung khatah om-in a lungmang hi. A mangmat kik ah biakinn sungah
thugen-a om-in mite in a thugen zaknopsa uh hi. Tua bangin zan ciangin mangman
den a, kha thum khit ciangin Pasian in
pastor dingin hong deih hi ding hi,ci-in ngaihsun hi. Ahi zongin bangci bangin
pastor sem ding cih pen ngaihsun thei lo hi. A nasep lah nusia thei lo hi. Tua
bangin kum 4 sung bang hong sawt to hi. A nute a kipan a lawm a gualte tungah a
mangmat pulaak thei zel hi. Tua bangin a pulaak ciangin khiatna nei khol kenteh
na cihsan uh hi.
Ka nuntakna in koi lam zuan ding hiam
ci-in thungen tawntung hi. Kum 10 bang hong cingto hi. Laurentiu in a zi tungah
a mangmat pulaak hi. Nitak khat a zi tawh khangno 250 val kikhopna khawmpi
khatah va kikhawm uh hi. Thugen pa in
Laurentiu nunzia su-kha hi. Pastor sem
ding a ngaihsut khak ciangin a zi in Lai Siangtho sangkah kik lecin hoih inteh
ci-in hanthawn hi.
Kha 3 khit ciangin Laurentiu in a zi leh
kum 9 a pha a ta uh tawh Sagunto Adventist College ah hong pai uh hi. Tua ni a
kipan Laurentiu sungah a mangmat hong kilang nawn lo hi.
Tu-in
college kum nihna sin ta hi.
Tu
quarter leitungbup Sabbath 13na sumpi in Sagunto Adventist sanginn adingin
kipuak ding hi. Ei conference in MUC kisapna dung zui-in kizeek ding hi.
