March
28, 2020
Roma
khua panin Sabbath thuman mu
Peter
Mizigar, 44
Slovakia gam Roma khua –ah mi 2000 val
khawng teeng hi. A vekun Khristian hi napi uh biakinn kikhawm ngei lo uh hi.
Lai Siangtho sim ngei lo uh hi.
Slovakia in suahtakna a ngah 1993 kum a
kipan mun tuamtuam panin missionary va pai hi. A masa pen missionary a pai nupa
khat in lampi dungah thugen uh hi. A gen thute kuamah in telzo lo uh hi.
Peter Mizigar in tua khua sung a teeng
khat hi-in thungaih sangin tumging tum, lasakna (band) tawh nuamsa zaw hi.
Mopawi, sihna cihte ah guitar bass tum hi. Amah tawh kipawl a nau pa in tua
bangin tumging tu, lasakna pan a ngah sumte zu dawnna-in zang hi. Peter in
ahihleh zu dawn ngei lo hi. Tua bangin lasakna, tumging tumna a neih uh ciangin
mipi lakah pawl khat in hoih tak ngai uh a, mi kimkhat in ahihleh muh thadah
huai-in om uh hi.
Tua bangin a omna panun Pavol in hih
bang nunzia nusia-in Pasian adingin kipia ning, ci-in ngaihsun hi. Paval in
Khristian lasakna ngai ngei hi. A sawt lo-in Peter, Paval in Pasian min phat lasakna,
tumging tumna khat hong kipan khia uh
hi.
Ni khat
Peter in sabuai tungah Lai Siangtho bu khat mu hi. Pavel in sim dah in,
ci hi. Bang hang hiam cihleh Pavel in a sim hangin tel zo lo hi. Pavel in a lawmte tawh tumging tum a, lasak
laitakin Peter in tua Lai Siangtho tawh inn ciahsan hi.
Ni khat Peter in Mark 16:16, Jesuh in, kei hong um a kituiphum mi in hotna
ngah ding hi,cih sim kha hi. Lai Siangtho khup-in sim dingin leem kik a, Mark
16:16 sim kha kik hi. Tua bangin thum vei vilvel hih a, a thum vei mahin Mark
16: 16 mah sim kha den hi. A sanggam pa inn ah tai vingveng-in “tui hong phum
in,” ci-in ngen hi. Tuiphum tawh kisai bang mah thei lo hi. Jesuh thupiak um
cih sim loh thudang peuhmah thei lo hi.
Pavol in “Kituiphum ding lunggulh takpi
mah na hiam, ci-in dong kik hi. Peter in, kituiphumte in hotkhiatna ngah ding
hi, Jesuh in ci, ka ut mah hi, ci-in dawngkik hi.
Mawhmai-na ngen uh a, thungen-in a
kituiphum khit ciangin nuamna tawh kidim uh hi. Tua ni a kipan hamsiat zatna
kampau kiza nawn lo, zatep nawn lo,zu dawn nawn lo uh hi. A kim a paam mite in
lamdangsa uh hi. Tua ma-in ahihleh mite patau linglawngsak den uh hi.
Khat veivei ciangin zan tawntung Lai
Siangtho thusinna leh thungetna nei zel uh hi. Mi 50, 100 cih bangin Lai
Siangtho thusinna nei khawm theizel uh hi. Tua bangin a thusinna un panin Mark
16:9 sim uh a, nipi kaal sung ni masa ni-in Jesuh in sihna pan tho kik hi, cih
simkha uh hi. Ahi zongin a ni sagih ni
in tawlngak ni hi napi, bang hangin missionaryte in ni masa ni tawlnga dingin
hong hilh uh hiam, ci-in lamdangsa uh hi.
Tua bangin Lai Siangtho thusinna panin
Thukham 4na thupiak mu tel uh a, Sabbath ni tawlnga uh hi. Ni khat Peter in a
inn ah hong hawh Josif tungah Sabbath thuman hilh hi. A taktakin Josif pen
Adventist thu-um mi khat gige hi. Josif in Adventist biakinn ah kikhawm dingin
Peter va zawn hi.
Peter inn ah lengla innkhan pen kikhopna
biakinn dingin zang uh hi.
Peter’sanggampa a kipan mi 24 in Lai Siangtho thusinna nei uh a, 2015
kumin kituiphum uh hi. Kum nih khit ciangin mi 10 kibehlap uh hi. 2018 kumin
khua nawl mun khatah biakinn khat lam uh hi. Sabbath kikhop ciangin mi 100 bang
pha thei uh hi.
Tu quarter leitungbup Sabbath 13na
sumpiin Slovakia gam Rakusy khua ah biakinn lam nadingin kipuak ding hi. Ei conference
in MUC kisapna dung zui-in kizeek ding hi.
Nung
Sabbath a kizaksak om bangin, tu ni Sabbath 13na sumpi, khiat ngei ii zah thum
khiat ciat ni. Na khiat bangin Topa’n hong din kik ding hi.
