March
21, 2020
Thonginn
sungah Pasian
Elena,
20
Kei pen kum 20 ka pha a, kamtam lo
khangno khat hing. Mite teci panna lai tuamtuam ka sim nuam hi. Adventist
pastor khat tawh ka kimuh masak pen-un “ bang laibute sim na hiam, ci-in hong
dong hi. Khristian khat ii teci panna laibu khat ka sim hi, ka ci hi. Kaal khat
khit ciangin pastor khat in teci panna laibu honpi khat hong puak hi. Ni khat
ni ciangin keima teci panna laibu khat bawl dingin ngimna ka nei hi. Tua bangin
laibu khat gelh ding hi leng, ka neutung kum 4, 5 ka phak a kipan ka tuah khak
thute ka gelh ding hi. Ka pi in a hong pantahnate sangkahna-ah amah mah in hong
kha hi.
Thonginn sung zong ka tung ngei hi.
Adventist pastor khat hong hawhin Pasian thu hong hilh a, Lai Siangtho sinna
zong ka nei uh hi. Tan 8 ciang bek sang ka kah hi. Kum 17 ka phak ciangin thong
ka kia hi. Kum 12 sung thongkia dingin thu hong kikhen hi. Kei kia bek ka hi
hi. Ka innkuanpihte a kipan kuamah mah in hong veh lo hi. Kei tangding thu sung
ding sitni khat zong hong cialsak ding
om lo hi.
Ka pi hong nusiat zawh ciangin thongkia
ka hi hi. Thonginn ka om sungin kam hoih ka za ngei kei hi. Ahi zongin thonginn
sung pan ka nunzia hong kikhel hi. Adventist sia pawl khat hong pai uh a, thu
hong hilh uh hi. Thong sungah ka om zawh kum 3 leh kha 7 khit ciangin ka nunzia
kikhel a kimuh ciangin thong pan ka suakta hi. Ka pi in hong nusia lo hileh
thonginn sung ka tung kei ding hi. Ka pi hong nusiat khit ciangin siatna namcin
tawh ka kidim hi.
Thong pan ka suahtak khit ciangin zi nei-in,
uham picing khatin ka nungta hi. Tu-in kum 20 ka pha pan a, a kamtam lo mi khat
ka hi hi.
Ka nuntakna in siatna tawh kidim khin hi
taleh Topa hoihna in hong bawlpha-in tu-in Ama nasem khat ka suak hi.
Mai
Sabbath in Sabbath 13na ahih manin sumpi khiat
ngei a zah thum khia dingin kiging ciat ding hi hangh.
