March
14, 2020
Khentatna
Lianpi
Paula Cristina Ghibut, 18
Khentatna lianpi na neih nadingin bang
na sem ding hiam?
Paula Cristina Ghibut in khensatna
lianpi khat nei hi. Kum 14 bek pha pan a, Tan 8 a zo ding hi ta hi. Tan 10 a
kah nading mun a tel kul ta hi. Paula in sangsia sem ding mungtup nei hi. A
teenna khua gei khatah sangsia sin dingin va kah thei hi. Ahi zongin Adventist
sangkah dingin khentat hi.
Paula in Lai Siangtho sim-in thungen hi.
Ellen G. White laibute zong sim-in a innkuanpihte kiangah zong pulaak kik zel
hi. A laisimna tungtawnin kumpi sangte ah sangkah Adventist thu-um khangnote in
mite adingin khuavak hi ding cihte thei khia hi. Ellen G. White in hih bangin
hong hilh hi: “ Khrih nungzui mite in leitung mite bangin nungta lo-in leitung
mite tawh kilamdang ding uh hi. Ahi zongin amaute in leitung mite kiang panin
tuam om tuan lo ding uh hi, Counsels to Parents, Teachers and Students., 323. Kum
zalom 13 hunlai-a Waldensiante in amau upna in a kim a paam uh huzaap hi.
Paula in kumpi sang khatah sangkah a,
tua mun panin thuman khuavak tangsak thei dingin lametna nei hi. Kumpi sang a
kah dingte in laiphi masa phot uh hi. Topa aw nong phal leh ka lai hong ongsak
in, ci-in thungen hi. A laiphi-na uh panin Paula in a 7na ngah hi. Ahi zongin a
lungnuam thei lo hi. Adventist sang
panin kumpi sangah a kah ding hamsa sa hi. Bang hang hiam cihleh kumpi sangah
Pasian minphatna lasa lo, thungen lo, Jesuh thute kigen lo ding cih thei khol
hi.
Sanghon ding kaal nih bang kisam lai-a,
zan khat a mang sungah kumpi sang ah sangkah mangman hi. Sangsia-te in gilo,
kiphasak uh hi. Siatna khempeuh Paula tungah mawhsiat uh hi. Sangtuah ciangin
awging khat in “ tai meng meng in, hong pai kik nawn kei in,” cih aw khat za
hi. A nung-et hangin kuamah mu lo hi. A zingsang ciangin Paula in a ihmutna pan
khanglo hi.
A mangmat ngaihsun sun hi. Tua a mangmat
pen Pasian kiang pan hiam, cih pen theihcianna nei lo hi. Bang hang hiam cihleh
Satan in mang guan thei hi. “ Topa aw, ka mangmat pen nangma kiang pan hong pai
ahihleh lampi dang khat tawh hong kitheisak kik in,” ci-in thungen hi.
Paula in a nu le pate dong hi. A nute’n
nangma khentatna bang bang hi, ci uh hi. Anngawl-in thungen hi. Lai Siangtho
leh Ellen G. White laibu zong sim hi. Hihte tungtawnin a lungsim ah Adventist
sangah sangkah ding ngaihsutna hong nei hi.
Kumpi sangsia-te in sangnaupangte Pasian
thu tawh pantah lo uh hi. Adventist sangsia-te in Pasian koih hi-in naupang,
khangnote Pasian thu tawh pantah uh hi. Counsels
to Parents and Teachers, 176.
Kumpi sangah kah-in sangsia ding ngimna
nei a, ahi zongin Adventist sangah sangkah ding pen hoih zaw hi, cih ngaihsun
hi. Ellen G. White, Child Guidance sungah “Naupangte mailam pilsin nadingin
kumpi sangte in mun muanhuai hi nawn lo hi. Tawntung nuntakna thu tawh
kipantahna pilsinna mun sangin muanhuai zaw om lo hi,’ 304.
Paula in Adventist sangah sangkah
hi. A sangkahna panin Jesuh ading a
nuntakna kipia hi. Kum 16 a cin ciangin kituiphum hi. Tu-in kum 18 cingkhin hi.
A sawt lo-in Tan 10 zo ding hi ta hi.
Guihtheih khamtheih tawh kipelh hi. Ni
khat khit ni khat Topa tawh kinai zaw semsem a, a nuntakna khempeuh Topa kisam
ahihna tel semsem hi. Tuma kum 3 lai-in Sabbath sumpi in Romania a om pawlpite
huhna kipia hi.
Ei conference in MUC kisapna dung zui-in
kizeek ding hi.
