Jan.
4. 2020
Kum
Thak a Nalamdang
Maria
Bachvavora, 73 |
Kum thak nitakin teekpi thum in thu-um
nai lo a sanggamte uh adingin thungen khawm uh hi. Zan 11:30 khat vei, 12:15
khat vei cih bangin thungen uh hi.
Maria Bachvarova in a pasal leh a tate
in Kum Thak bawlna panin mundang khatah paikhia-in, a pasal leh a tapa ding thu
a nget laitakin a sanggam pa Nikolai phawkin ama ading zong thungen hi.
A sanggampa Nikolai pen kum 66 cingkhin
a, thudik mi khat hi. Ahi zongin gentheihna tampi thuak kha hi. A nasepna hoih lo-in, a zi in taisan hi. Bang mah nei
lo ahih manin inn kilamna mun khatah inncing nasep sem hi.
Maria in Nikolai ading minutes 25 sung
bang a thungetsak khit ciangin, a pasal leh a tate Kum Thak bawlna ah hong
kihel kik hi. Hih munah a sanggampa Nikolai zong a sap ahih hangin hong pai lo
hi.
A zingciangin Nikolai hong pai-in
zanni-a a tuah khak thute hong pulaak hi. A nasepna-ah midang nasem khat in
Nikolai aw, nang inn ah va ciah in. Kum Thak muakna bawl dingin na innkuanpihte
in hong ngak uh hi, ci-in gen hi. Nikolai zong a sanggamnu kiang va hawh dingin
hong pai khia hi. Zan 10:30 bang sat
khin hi. A va pai-na munah mi kuamah om lo, nai nih sung bang a ngak hangun kuamah hong pai lo hi. Tua leh
thakhatin kongkhak hong kihong a pasal khat leh numei khat hong lut uh hi.
Nikolai zong inn sung hoih khat mahmah, tutna nuam mahmah sungah va lut
suk hi. Nek theih tuamtuam a lim nono zong ne-in, ama la zaknop Macedonian zong
va ngai kha hi. Hih inn ah zan giakin zingsang ciangin inntek nu in phong a,
inn pua-ah taxi in hong ngak hi, ci-in gen hi. Inntek in taxi tuanman ding a
piaksak a, Bulgarian sum 50 zong piakbeh hi.
Nikolai a pai khiat khit nungah Pasian
ompihnate a ngaihsut khak ciangin Maria in a khitui luang hi. 2012 kum a
kipanin Nikolai in a sanggamnu tawh Sabbath kikhawm uh hi. Sanggam, tanau-te
adingin deihsakna tawh thu i nget ciangin Pasian in tua thungetnate hong dawng
hi.
Tu quarter Sabbath 13na sumpi in,
Bulgaria gam, Sofia khua-a Maria kikhopna biakinn lam nadingin kipuak ding hi. Ei
Conference in MUC in a kisapna dung zui-in kizeek ding hi.
