Jan 25, 2020
Meileng,
Mawtaw-pi leh Sabbath
Rosen
Nakov, 48
Kum 10 a pha naupang khat in biakinn
sungah thu kigen a zak lamdangsa mahmah hi. Laihawm pa in Santa Claus omna mun
laitungthuh va pia hi. Naupang pa in zong a kimawl pih ding meileng lim khat a
deihna thu laikhak hi.
Laihawmpa in tapa nei lo ahih manin hih
naupang pa laikhak bangin meileng lim khat leisak pah hi.Naupang pa zong
lungdam mahmah hi. Naupang pa in Sabbath kik ciangin biakinn ah hong kikhawm
kik hi.
Tan 10 a zawh khit ciangin, gam thukhun
tawh kizui-in galkap lut loh phamawh ahih manin, galkap a lut leh kum nih
peuhmah galkap ding, ahih keileh nasepna set-zung ah nasem hileh kum 5 sung
nasem ding, khat zaw zaw a tel kul hi ta hi. Sabbath ni tawlngak ding lunggulh
ahih manin set-zung ah nasem dingin hong tel zaw hi.
Hih
a nasepna-ah Adventist thu-um mi 10 om hi. Rosen in mawtaw tawh kisai
nasepna-ah sem dingin va ngen hi. Mawtaw tawh kisai nasem ngei khat ahih manin
a nasep nget ngah pah hi.
A lawmdangte in lamdangsa uh hi. Ahi
zongin Rosen in Sabbath ni nasepna pan tawlnga nuam ahih manin tua nasep a ngen
hi zaw hi.
A naseppihte in hih nasep na ngah
theihna pen ulian kitheihpih nei na hiam, ci-in dong uh hi. A naseppih a lawmte
in ahihleh ulian makai-te tawh kimeltheihna hangun nasep ngah thei uh hi. Ahi zongin Rosen in tua bangin nasep a guan
ding ulian khat tawh zong kitheihna neilo-in Pasian in lampi honsak ahihna thu
phawk pha semsem hi.
Tu-in Rosen in kum 48 cingkhin a, ama
nasepna tungtawnin mi tampi in Sabbath thuman thei uh hi.
Tu quarter leitungbup Sabbath 13na sumpi
in Rosen pianna khua Sofia ah biakinn lam nadingin kipuak ding hi. Ei
conference in MUC kisapna dung zui-in kizeek ding hi.
