MUC

Print Friendly and PDF

Wednesday, January 1, 2020

Jan 11, 2020 | A Lamdang Biakinn


Jan. 11, 2020
A Lamdang Biakinn
Stoyan Petkov, 48

        Pastor Stoyan Petkov in biakinn a din zawh nadingin kum 2 sung thungen hi. A lamet het lohlaitakin tu quarter Sabbath 13na sumpi in huh ding cih a zak ciangin Topa tungah lungdamko lo-in om thei lo hi.

        Stoyan in Sofia pawlpi ah 2015 kum a kipan pawlpi kem a om hi. Biakinn nei lo uh ahih manun pawl dang biakinn khatah kikhawm uh hi. Khua sung biakinn ah a kikhawm ding om nawn lo uh a, biakinn awng ahih manin Sabbath kikhop nadingin sap dingin a va gen uh ciangin kiphal lo hi. A cih nading uh thei lo uh ahih manun Pasian tungah thungen uh hi. Biakinn ding zong kawikawi uh a, 2017, March kha  a kipan biakinn zon khawl phot uh hi.

        Easter Sunday ni a tun madeuhin lasakna, concert khat nei dingin geelna nei uh hi. Khangnote kikaikhawm uh a,  mi 50 khawng a ta ding hall khat kawm uh hi. Concert bawl ni ding a zan niteh inn nei pa in, hih hall pen midang khat in hong kawm khin hi; no zang thei lo ding ci-in gen hi. Stoyan zong lunghimawh lua, cih nading dang theilo khua sung lampi dungah kileh kawikawi-in inn kawm ding zong hi.

        Mun khatah inn awng khat mu a, a va dawp ciangin, inn nei pa in biakpiak nadingin kawm ding phal lo hi. Ahi zongin pastor Stoyan tawh kiho uh a, lamet het lohin tua munah concert nei dingin kithukim uh hi.

        Concert mankhit ciangin niinteng hemkhia uh a, inn nei pa in, “no pen midang tawh kibang lo, na biakpiak dan uh tuam diak hi. Midangte bangin kuu gawp, diang gawp cihte hi lo-in, Pasian zahtakna tawh Amah bia uhteh,” ci-in pulaak hi.

        Hih pawlpite in biakinn nei lo uh cih a theih ciangin inn nei pa in a huang umna phel khia-in a inn dang khat tawh gawmin biakinn dingin kawm ding hong kikum uh hi. A inn tungah zong Sabbath School naupangte thusin nading mun dingin hong geel uh hi.

        Shopping center ah a kikhop uh a kipan kikhawm mi hong tam semsem hi. Tua kimah zong mi tampi in inn sap kibehlap ahih manin inn nei pa zong lungdam mahmah hi. Pawlpi in anhuanzia teentaan, naupang kipantah zia teentaan cihte nei uh hi. Kum khat sungin pawlpi mi hong kibehlap hi. Tu-in pawlpi mi  120 bang pha uh hi. Kikhop nading mun kawm nawn lo-in biakinn nei thei dingin Topa mapi ahih manin Sofia khua ah Adventist biakinn khat a sawt lo-in a ding thei ding hi ta hi.

        Bulgaria gamah gammi 7,076,000 val om a, gammi 999 ciangin Adventist thu-um mi khat cihna hi. Ei Conference in MUC kisapna dung zui-in kizeek ding hi.

To get the latest update of me and my works

>> <<