Feb.
8, 2020
Khuano
panin kumpi inn-ah
Vincenzo Mazza, 70
Kum
6 a pha Vincenzo Mazza in Adventist pawlpi-ah tui kiphumna pan inn a tun
ciangin Carmelo Mazza in heh mahmah hi.
Pastor sem ding a gen ciangin Carmelo Mazza in heh semsem hi. Adventist pawlpi
zui ding na hihleh inn hong ciah nawn ken, kici uh hi. A pa pen Leitung Galpi
Nihlai galkap hi-in ta nga nei a, inn sung a uk zo mahmah khat hi.
Vincenzo Mazza in Villa Aurora khua-ah
sangkah dingin hong pai khia hi. Sang a tun hangin sangsum ding nei lo, nasep
ding lah om lo hi. Lungkia-in sanghuang sungtengah kileh kawikawi-in inn a ciah
kik ding lah ngaihsun thei lo hi. Inn ciahleh a pa in Adventist a suah phal lo
ahihlam zong phawk hi.
Sangkah theih nading thungen a, a
thunget laitak mahin na ip sung sawk in cih hopihna aw khat za hi. Vincenzo Mazza in a ip a sawk sukleh Florence
khua-ah a va pai lai-a a kimuhpih ngei German innkuan khat ii address mu hi.
Hih German innkuante in Karlsruhe, Germany ah hawh dingin sam ngei hi.
A
sum neihteng a et ciangin meilengsap khom ding neilai ahih manin Karlsruhe ah
pai dingin khensat hi. Karlsruhe lamzuan-in hong pai a, tua German innkuante
inn ah zan khat giakin Darmstadt ah sangkah dingin va pai suak hi.
Vincenzo Mazza in German pau thei lo,
sangkah nading sum zong nei lo hi. Sanginn gei tengah vak kawikawi a, a sawtteh
gamlak tungin, nitum ta, gammang hi. A cih nading thei lo,thunget kawmin ap
khia hi.
“Bang hih na hiam? ci-in hopihna awging
khat za hi. Puteek samkaan khat in a hopih hi gige hi. Adventist sangkah nuam hi veng aw, ci-in kiho
uh hi.Vincenzo in sanginn hong tun ciangin sum nei lopi mah sangkah nuam
ahihna, inn pan kihawl khia ahihlam sia-te tungah pulaak hi. Sangsia-te in
sangkah dingin gen uh hi.
Vincenzo Mazza in sangkah khit ciangin
Germany, Italy mun tuamtuamah pawlpi makai-in hong om hi. 1995 kum a kipan
nasem a, 2000 kumin pension hi.
A pa tawh kithu za zel uh a, a pa in
mawhmaisak ding ngen hi. Italy ah a om sungin Italy President Oscar Luigi
tungah Protestant pawlpi tawh kisai lungdamkohna laikhak hi. A sawt lo-in Italy
President Scalfaro in a kumpi innah hawh dingin sam hi. Vincenzo zong lungdam
mahmahin kumpipa inn ah va hawh a, tua a kipan kumpipa tawh kimeltheih uh hi.
Kumpipa in Vincenzo Mazza ah thu hong ngetsak in, ci-in thungen dingin sawl,
Lai Siangtho sinpihnate nei khawm uh hi.
1998 kumin Adventist pensionte om nading
inn hon pawi-ah Italy president pa in honna nei a, tu a kipan mi tampi in
Adventist pawlpi thu hong theihlawh uh hi. Tua ma-in Italy mi tampi in
Adventist za ngei lo uh hi.
Tu-in Vincenzo in kum 70 cingkhin hi.
Parkinson natna nei hi taleh a lungsim in Pasian nasepna tawh ngaihsun tawntung
hi.
Tu quarter leitungbup Sabbath 13na sumpi
in Germany gam, Darmstadt khua-ah Adventist sanginn lamna dingin kipuak ding
hi. Ei conference in MUC kisapna dung zui-in kizeek ding hi.
