Feb 29, 2020
Kisil
bukah thungen
Dante
Marvin Herrmann, 36
Spain gam Adventist College kum khatna a
kah Dante Marvin Herrmann in hamsa sa hi. Euros 5000 val bang piak kul hi. Hun
awng a neih ciangin nasem a, a zi, a tate zong a et kul hi. Khal sangkhak sung
laibu zuak hi. A ngah sumte tawh sangkah zom kik hi.
Dante in nasep ding thadah lo hi.
Sangkhak kik ciangin laibu zuak nawn lo-in khua khat khit khua khat zin a, a
kikhelna thute gen kawikawi hi. Nidangin zu, khamtheih guihtheih tuamtuam tawh
nungta ngei khat hi.
Tua bangin a khualzin kawmin thungen a,
daileen buk sungah thungen zelzel hi. Pasian pen “Papa,” ci-in sam a, kum khat
sangkahna kisam sum ngah nading thungen hi. Sum zonna-in laibu zuak nuam nawn
keng, ci-in thungen a, tawl khat khitteh, ‘ bangzah kisam na hiam,ci-in hopihna
dan aw khat za hi. Kum nga sung sangkahlai ding, kum khatin euros 10000 val
kisam, kum 5 ading 50000 kisam ing, ci-in pulaak hi.
Minutes 10 khit ciangin Dante in euros
50000 ngah hi. Thunget a man khit ciangin a nu tungah kua in hih sum hong pia
hiam, ci-in dong hi. “ Mi khat hong pai-in hong pia” ci-in a nu in dawngkik hi.
A nu in Germany gam a ka inn ka zuak kum 10 val khin. Ka phone panin mi khat in
ka inn hong lei nuam, euros 50000 hong pia ning, hong ci. Kei zuakna sangin tam
zaw, ci-in a nu in pulaak hi.
Dante in lamdangsa hi. Ka thunget Pasian
in hong dawng hi. Hih sum pen ka sangkah nading hi, ci-in gen hi. A thungetna
kisilbuk ah pai kikin thungen a, Papa aw, euros 100000 hong ngen hi leng, nong
pia ding hi. Tu’n 50000 hong ngen ka hih manin 50000 nong pia hi. Euros 100000
kong ngen thei diam, ci-in pulaak kik a, awging khat in tua bang hi thei nawn
lo ee, ci-in dawng kik hi.
Tu-in Dante in kum 36 cingkhin hi.
Pasian makaihna, huhna hangin a sangkah zom suaksuak thei hi. Thu i nget ciangin Pasian in na khempeuh hong
lak lo hi. A hong hilh ding zong kisam
lo hi. Amah i muan ding kisam hi.
Tu quarter leitungbup Sabbath 13na sumpi
in Sagunto Adventist College ah kipuak ding hi. Sanginn thak khat lam nadingin
kizeek ding hi. Ei conference in MUC kisapna dung zui-in kizeek ding hi.
