Feb 15, 2020
Sabbath
Thuman Langpan
Vincenzo
Gallina, 29
German mi IT siamna nei Vincenzo Gallina
in a tuahkhak thute telzo lo hi. 9/11 a thupiang in Europe gam sung khempeuh
huzaap a, sumbawl nasep tampi kiamsak hi. Leitung
thupiangte hangin lamet bei kisa-in a om laitakinYoutube a etna panin a neulai
a thute va ngai kha hi.
Vincenzo in Sunday ni kikhawm lo-in,
Saturday leh Wednesday ni kikhawm hi.
Pawlpi makaite in biakna kin ahihlam thei uh a, siampi sem dingin hanthawn uh
hi. Vincenzo in nial hi. Nuntak siangtho ding bek lunggulh hi.
A
mannei nuntakna ding a zon laitakin hih thu thum mu khia hi. Bang bang hi taleh
thuman zui ding, citak ding, limtak nungta ding hi. Lai Siangtho a sim thute
theitel lo ahih manin a lungkia hi. Lai
Siangtho a hilhsiam ding mi khat Pasian in a sawl dingin thungen hi. ‘ Topa aw,
nangma thu telthei lo ka hih manin hai lua mahmah ing, ci-in thungen hi.
Ni khat Youtube a etna panin Adventist
thugenna khat ngai kha hi. Tua thugen pa in a gen khempeuh Lai Siangtho
siksanin thugen a zak ciangin, Vincenzo in theihnopna khang semsem hi.
Ni sagihna in Sabbath hi, cih thuman pom
thei a, Adventist biakinn ah kikhawm hi. Pasian thukham kizui zo lo hi, cih pen
upkhialhna ahihlam zong phawk thei hi. Vincenzo in a nu le pa tawh omkhawm ahih
manun biakna sungah a lungsim bangin suakta thei nai lo hi.
Annek ma-in a nu le pa in thungen lo
hi. Ahi zongin a lungsimah Sabbath
thupitna phawksan hi. Matt. 2: 27 a, mihingte adingin Sabbath kipiangsak hi,
Sabbath adingin mihing kipiangsak hi lo hi, cih Jesuh kammalte zong ngaihsun
thei zel hi.
Paul kammal Romans 6:14, note in thukham
nuai-ah na om kei uh a, hehpihna nuai-ah na om uh hi, cih thu zong phawk zel
hi. Tua a kipan Sabbath tawlnga nawn lo hi.
Friday ni khat, nitum khit a computer
tawh nasem-a a om laitakin ‘ bang hangin ka thupiak zui lo na hiam, cih aw khat
za hi. Vincenzo in hun khatlai-a a kamciam, thuman ding cih phawk kik hi.
Bang hangin Sabbath tawlngak thupi hi
ding hiam cih ngaihsun zel hi. A gei-a om Lai Siangtho khat sim kipan kik hi.
Mihing ading Sabbath kibawl hi, cih Jesuh kammal phawk kikkik hi. A
thungetna-ah, Topa aw, Sabbath tawlnga dingin hong deih na hiam ci-in thungen
hi. Sabbath in nangma adingin thupi hiam, ci-in dong hi.
Mitsi kawmsa-in Lai Siangtho mun khat
sim ding kipan a, Isa. 58: 13, 14 sung sim hi. Sabbath ni in note in nasem
lo-in, a siangtho Ni-in ngaihsun a, Sabbath ni nopsak ni-in na ngaihsut uhleh
no-mau ut bang sem lo-in, no mau deih bangin gamta lo-in no ut bang kampau lo
hi le uh cin, Keima sungah nopsakna tawh na kidim ding uh hi.
Vincenzo in a khitui luang hi. A nasep
nusia-in Lai Siangtho sim kipan hi. Tua a kipan Sabbath tawlngak ding lunghiang
nawn lo hi. Tu-in Vincenzo Gallina in kum 29 pha-in Sabbath nuamsa mahmah hi.
Tu quarter leitungbup Sabbath 13na sumpi
in Germany, Darmastadt khua ah sanginn lam nadingin kipuak ding hi. Ei
conference in MUC kisapna dung zui-in kizeek ding hi.
