Feb.
1, 2020
Sicily khua-ah denna thuak
Salvatrice Salvina Mazza, 85
Kum
13 a pha pan Salvina Mazza, a pa in set-bing (bicycle ) tawh tai 33 val paipih
hi. Rosolini khua ah om innkuan khat in Lai Siangtho thusinna nei nuam uh ahih manin tua dingin
Carmelo Mazza tawh va pai uh hi.
Carmelo Mazza in mawtaw nei lo-in
bicycle tawh a a suk, a to lampi-ah
hamsapi-in tua khuano va tung thei hi. A
lawm pa khat uh Giovanni Giallanza in zong hong zui hi. Amah pen Ragusa ah
Adventist suak masa pen hi. Giovanni in a pawlpi tungah ‘Carmelo Mazza’ thu
pulaak hi. Tawlkhat khit ciangin pasal nih leh numei khat in Rosolini khua-a
innkuante kiang va tung uh hi. Veng, kim le paamte in hih khual mite
lamdangsa-in mu nuam thei mahmah uh hi. Hih khual mite in bang hong hih ding uh hiam, ci-in khat le
khat kidong uh hi. Khua sung mite in hih khual zintunna-ah va zui uh hi. Tua
inn a va tun uh ciangin inndim a mi kikhawm va tuak uh hi. Inntek pa in Lai
Siangtho sung thute Carmelo Mazza dong
hi.
Tua
mi nihte in Mazza dawnkiknate lungkim lo uh a, pusuak khia uh hi.
Minutes 20 khitteh mi nih in laibu honpi khat tawh inn sung hong lut kik uh hi.
Tawl khat thungai-in a om khit uhteh hotkhiatna thu sim loh thu dang gen kei uh
ee, ci-in tua mi nihte zong pusuak khia uh hi. Thu kigente lungkim lo-in palik
va ko uh hi-in, palikte mat leh hen theih nading thu bangmah gen lo uh ahih
manin palikte zong ciah kik uh hi.
Nai thum khitteh thugen mansiang thei uh
hi. Cycle nawhsa takin sik uh a, lampi
dungtengah mi dim a, tua mite in hih bang thugen deih nawn lo, za nuam nawn lo
ci-in awng ngeei-ngaai uh hi. Protestant pawlpi deih lo ci-in nakpi pi-in awng
uh hi. Mi kimkhat heh mahmah uh a, suang tawh den ding sawm uh a, Pasian kepna
hangin bangmah ci lo uh hi. Carmelo
Mazza in a nasepna-ah langpanna tampi thuak hi.
Leitung galpi Nihna khit ciangin maan zaih kawikawi-in khualzin
thei a, Pasian thu a genna-te ah suang tawh kidenna thuakin, hamsatna tuamtuam
nawktan zo hi. Ragusa khua-ah 1952 kumin a masa pen Adventist pawlpi phut hi. A
dang biakinn thum – Mazzarrone, Modica, leh Vittoria khua-ah zong pawlpi
pankhia hi.
Tu-in Salvina in kum 85 pha a, a
khualzinlai thute gen kik thei-lai hi. Tua bangin kum tampi bei khinsa thute a
ciapteh theihna pen lamdang hi. Langpanna thuak uh hi taleh Jesuh thugen ding
lau nawn lo hi.
Tu quarter leitungbup Sabbath 13na sumpi
in Ragusa khua-ah biakinn kilam nading
hi-in, ei conference in MUC kisapna dung zui-in kizeek ding hi.
