Dec. 26, 2020
Pasian
masak zawkna hangin suahtakna
Adventist pastor Edison leh a
innkuante in Peru gam, Trujillo khua pan
kituahkhia ding hun hong tungta hi. Dec.26, 1999 kum,zingsang tungin a
innkuante kiangah, “tho un, tho un, kinawh, kinawh’ ci-in phong hi. A zan
nitakin lumhak uh ahih manun zingthawh ziakai uh hi. Inn pan pusuak khia ding
hita, a tanu khatin a pa tungah zingsang biakpiakna nei nawn lo ding maw, ci-in
a pa dong hi. A pa in mawtaw sungah nei mai ni. Zekai ta hang, ci-in dawng kik
hi.
A tanu in a pa tungah “ biakpiakna nei lo-in inn pan pusuak khia ngei lo ding , na ci ve leh, ci kik hi. A nu le pa in zong hi sa pah uh a, biakpiakna neih ding thupi masa zaw mah hi, ci-in biakpiakna nei phot uh hi.
Biakpiakna a man khit uhteh mawtaw tuan
nading mun a va zuat uhleh mawtaw paikhia khin hi. Sumngah kik lo uh hi. Ahi zongin tua mawtaw in lampi
ah tuahsia-in mi 16 in sihlawh hi, cih za uh hi. A innkuan-un tuahsiatna thuak
mite ading dah uh a, amau innkuan suahtakna hangin Topa tungah lungdamna ko uh
hi.
Thuumna:
Tu kumthak a kipan na khempeuh ah Topa masak ding kisam hi. Sum le paai
zatna-ah zong na dangdangte ading na zat ma-in sawm-ah khat leh sumpi khia masa
in.
Thungetna:
Vantung Pa aw, tuni sawm-ah khat leh sumpite hong sang in. Na khempeuh ah
nangmah kong masak zawk nadingun hong huh in. Amen.
