Dec. 17, 2020
Christmas
Aktui Tangnih bek omlai
Romania gamah Christmas ciangin moh
tuamtuam bawl uh a, ne khawm theizel uh hi. Barna Magyrosi in a nu kiangah
Christmas ading bang bawl na hiam, ci-in dong hi. A nu in aktui om nawn lo,
bang mah bawl lo ahih manin Magyrosi a hehsuak hi. A nu zong a cih nading thei
lo-in inn sung kongkhakin amah kia-in kapkawm-in thungen hi. Sawm-ah khat leh
sumpite ah citak mahmah nupi khat ahih manin Topa kamciamte muanna tawh thungen
hi.
A sawt lo-in a vengte khat in kongkhak
va kiu a, moh bawl nadingin kisam aktui tangnih va pia hi. A tate adingin Christmas moh bawl thei suak hi. A dendeuh ciangin kongkhak kikiu leuleu a, mangbuh,
sathau hong pia leuleu hi. Hih nate hong puak pa pen Barna’pa nasepna nei pa
hi-in, a pa in a nasepna-ah nasep hanciam, citak ahih manin a nasepna pu in
pakta ahih manin tua bangin nate va puak hi.
Thuumna:
Pasian in vantung kongkhakte hong hon-in a thupha tampi hong pia thei hi. Ama i
up ding, i muan ding kisam hi.
Thungetna:
Topa aw, tuni-in nong piaksa thupha tampi lak pan a na mai-ah hong kiluui
sawm-ah khat leh sumpite hong sang in. Amen.
