Dec 12, 2020
Khat
guak a om sawm-ah khat khia nupi khat
Pawlpi mite a kikhop kim loh uh ciangin
kikhopna bangci bangin na ngaihsun hiam? (Heb. 10:24, 25). Ahih keileh pawlpite tawh kizopna nei lo
thu-um mi khat in upna sungah zungkha-in a kip zo ding hiam?
Meropi Gjiki in Albania gam a teeng nupi
khat hi. Albania mi USA ah a va peem
Daniel Lewis in Pasian thu a kuppihna panin, 1940 kum sungin Meropi in
Adventist thute sang thei hi. Ahi zongin tuikiphum nai lo hi. Leitung Galpi
nihna khit ciangin communist kumpi in uk a, Khristian biakna kiphal nawn lo hi.
Lewis in mat le hen thuak hi. Kum 50 val sung tawntung Meropi in Adventist
pawlpi tawh kizopna nei thei lo hi. 1991 kum ciangin General Conference zumpi
panin Ray Dabrowski in Albania gamah va zin a, Meropi
tawh va kimu thei hi. Meropi in a
lunggulh thu thum pulaak hi. (1) Kituiphum ding, (2) kum 40 sung tawntung a
ngahna pan a khol khol sawm-ah khat khia ding leh (3). Adventist biakinn khat
neih zawh ding pulaak hi.
Meropi in kum 97 a phakin si a ( Feb. 17, 2001) a sihma-in a
lunggulh 3 lak pan thu nih a tangtunna mu kha man hi. Kum 46 sung tawntung a
kholkhol sumte cimawh genthei-te huhna-in zeek leh thupha om zaw lo ding hiam?
Thuumna:
Sawm-ah khat khiatna leh sumpi piakna in Topa tungah ki-apna, kipiakna khat hi.
Ama deihna bangin sawm-ah khat leh sumpi zat ding kisam hi.
Thungetna:
vantung Pa aw, sawm-ah khat leh sumpite zeekna-ah vantung pilna hong guan in.
Amen.
