Mang S. Lian
Apr 16, 2007
Eite-in kisiktheih hun ihneilai a,
zong ih kikhel theilai hi. Bangzahta in hampha ihihiam? Abawlsa te a-it
mahmah Ih Topa'n Amah amasak dingin hong kun in.
Kawlgam Zogam ah SDA sungthu te leh tuucing gina
citak thukhual a, nasem cih te hongkilatkhiat nadingin, Ih gam ah Conference
hong piankhiat pen Pasian in kisamsa hunsa ta hidingin lamen ingh.
Topa Zeisu in Mark 7:7,8 sungah "Amau
te in Pasian thukhunsangin Mihingte bawltawm thukhun thupi sak zaw uh
ahihman un kei hong biakna uh amawkna hi acih" pen tu hun in ei
te sungah hong tungta hidingin ngaihsun ing, Sawl bangin Khasiangtho in
avangtawh hongkap kei leh dahhuai mahmah kha in um ing, akua mapeuh
i-up ihzuih thu banghiam ci'n lungngai pha in kikhel huai aom te ikikhel theih
nang in khasiangtho huhna ngentek ni.
LST in "GAL na nei ken hong cilo a, nagal
te na-it in" hong ci hi. Akilemlo akitawng te aki-itlo
hizenzenlo a, akigal te aki-itlo hibek hi tua nangawn LST in nagal te na-it in
hongci hi. Leitungah thukhending mangpipa Pasian bek mah thukhen dingin
ineih ding hongbawl Ihbiak Pasian in hong genkhinzo hi. Ih sepna
ihbawlna tungtawn in midang te-in ihsungah Khazih amudiam? cih zong kingaihsut
huai mahmah sa ing.
Alungbawk akikhelnuamlo, kilemna ding azonglo
a, ahihtheihna apilna athupisak te gamtat te hangin Ih upna thanem in
ihkhauhsuah loh na dingin nakpi in ki-aap ni, thuhkikna in Pasian aa hi.
Kamsangnu'n Vantunggam ah tua Siapipi te Ulianpipi te mukeng
acih te laklah akihello dingin ih Upna tungtawnin Pasian Thukhun bek mah
abulphuh dingin hanciam ni. kitawthun om a, kilemhun om hi.
Lungkham hun om a, lungdam hun om hi.
Conference hongpiankhit pen tampi tak pawlpi mite
theihna M / C cih omlo khangto mahmah
hihang, Ih pawlpi sungthu zong kiteltuam mahmah a, agina lo teng amau
leh amau tuisa kibuak hong hile dinga, athukkik te ihi kei dinghi. Pasian
zia ngak hithiat dinga kiniamkhiat in lungduai na tawh sepna khempeuh ah
itna bulphuh ciatni ci'n hong phawksak phapha nuam ing.
Hihpen kei lungsim sunga hongsuak thu hi a, Nang
zong naveina thu hongsuaksak in. Nagelh laimal in Pasian kamtaii pi zong hikha
thei hi.
Mi kitawng akilemsak thei te-in Thupha angah
dinghi cihi LST in.
Kilemna lunggulh
Mang S. Lian
