MUC

Print Friendly and PDF

Wednesday, November 6, 2019

Mi 12 ten Canaan gam en




Moses in Canaan gam en dingin mi 12 te sawl hi (ava vil  leh a thu avakan). Tua gam pen a et uh ciangin thupi mahmah in nop ci mahmah hi. Mite lah an Khamtui kham ahihmanin gol in lianin anteh singgahzong lim ci mahmah hi. Tua banah tua mite pen suakta thei mahmah in kulh lianpi te leh neih leh lam kinm pikpek in om cih ong mu uh hi.


Ong ciah uh in mi 10 te in ong gen na vuah

1) Ei bang mah hi lo hi hang amau gol mahmah uhi, ei pen kau phe(grasshoppers) tawh ki bang hihang.

2) amau pen kulh tawh neih leh lam tawh ki cing pikpek in zo ngeilo ding hi hang....ci uh hi.

3) Ih minam leh amau minam mahmah ki lamdang lua hi, amau bangin lianlo, pil lo etc....hihang ci uh hi.

Khat veivei teh ei zong ih Pasian muangzolo miliatna, mihauhsakna, mi pilna mi neihlehlam en in lungkiatna om hi. Amau ei sang hatzaw, amau ei sangin pilzaw, sawtpi pekpan thuthei leh makai hi, gamlian hi, amau cihbangbang manding hi cihlungsim tawh kibang hi. Mite muansangin Topa muan ding hi a mi cih peuhpeuh hikhin lo thei, mi gen peuhpeuh aw cihcihna zong kikhial thei veve hi.

Joshua leh Caleb in pai in la ding hi hang, nop ci mahmah hi, Pasian in
ei khut sungah ong pia khin hi lau kei un ci uhi. Khuaizu leh bawng
nawi luanna hi in, tua tengah ih gilkial ngei nawn lo ding hi ci in ong
hanthawn uh hi.

A tung a report nih te pen ngaihsut huai mahmah hi, mi 10 ten a report uh hi bang hi, a mau tam zaw ahih teh a tam zaw report aman zaw tam cih huai mahmah hi. a mau reportna bang khial tuan ahi hiam? man veve hi lo hiam? Thei kei leng man veve tawh ki bang hi. Tua leh mi nih bek in a report uh man zaw mawk ding maw, mi nih cih sang mi 10 cih man zaw lo ding maw?

Mipi te in Moses leh Aron mawh sak uh hi, Egypt zong nuam mahmah lel hi lo Hiam? ci in Moses langpan uh hi. Pawl Khat te bang hehlua ki sa in ha gawi in pawl khat te bang heh lua leh thangpai lua in kap liang uh hi. (Numbers 14:1-5) Pasian in ih hihna ciang tawh aom ding in ong deih hiam? banghangin mi 10 te Pasian in that lum hiam? Topa in hi bangin ci hi..hih mi te in ka vangliatna tam vei pi mu uh hi, na lamdang zong tampi amau mai ah ka bawl zo hi, ahih hangin kei ong muanglo in ong langpanpan uh hi ci hi.

Pasian in a tam zaw te banghang gum lo hiam? hih nih te hanciam na banghang thukim pih hiam? Banghang galsim dingin Gideon galkap tawm cikte bek tel hiam? Pasian in a tam a tawm tawh thu khen lo hi, lei tung hauhna liatna te tungah ki nga lo hi. leitung na te suan/muan na in Pasia gal hi (depend on flesh/carnal mind is enmity against God). Pasian in sep theihloh bangmahmah nei lo hi, ci leh sa leh neih leh lam tawh Pasian mai ki mu zo lo ding hi.

Thahat inla hangin cih tawh ki sai in Joshua tungah Pasian in gen a na Pu uh Moses ka ompih bangin no zong kong ompih ding hi cih kamciam apiak pen ei khempeuh aa ding hi in lau lo in mai nawt ngam ding Pasian deihna ahihi.

Ongit khazihsungah
Khenno

To get the latest update of me and my works

>> <<