Kenzong kangaihsutna tawm honggelhsuk nuam ing.
Pawlpi thu tawh kisai-in eikhomtek in kivei mahmaha, ihihtheih zahtek
tawh ihanciam hi. Pasian in ei leitung Policy te hongzui tangtang dingin khatveivei
kanangaihsun zokei hi, Pasian pen diktat in thumaana,
teltheihna(understanding) nei hi. David in Biakbuk sunga
"Anlum" te banghangin ne ngam maw hiam? anekna tungtawn in Pasian in
dik asa/lo hiam? cih khawng kalungsim sungah hong suak theizel hi, banghangin
hongsuak hiam cihleh.....
Tulai tak a Conference deiha maa anotnot te'n "C" ngah na dinga
nidangin leitung Policy tawh kizui-a akisawmlai in Union te kamneilo abatlam....
thu te-uh atheikhin uhtam? theikhin uh ahihleh Biakbuk
sunga anlum nengam mahlo ding maw.... Pasian gamzai nang kacih khazel
hi. Hizahciang nangawn a kisatsuaha nakpi-in ihanciamna tawh
akingah zawhnai kei leh khawlmawk zuzena acikciang kipan kik mawk
ding? Topa zeisu leitungah eite hong tatkhiat dingin aneu
tu'ng in athahsawm Kumpipa ka phawk kha hi. Tua kumpipa asihkhit ngaksak
hi. Tulai tak a, GC, Division, Union ate'n hongsan zawh naikei uhleh
khang hong kikhelkhel lel lo dinghiam? "C" te Pasian in
nusia-in nungngatsan phau pah ding hiam? Ihkawlgam Mission
sungah zong C adeih mahmah aminam a-it mahmah zomi tampi omlai hi, Tuate
lungsim Pasian in khoih dinga honggawmtuah ding migina hong
kahto dinghi. Tungsiah uliante-in laisiangtho honglemlem ding uha
Pasian in Ama gamzai nading anawngkaisak thei leitung policy te letteta
keei ding hikhinlo asaklam hong theih uhteh alungdam semsem ding kuate hiam?
Laisiangtho sungah Pharisee te beisiangkhin hi cihna namukha ngei hiam?
Atawpna ah kacihnop in C ngahleng Pasian gam azaizawk ding
nakleh Pasian in mite lungsim nalawng dinghi, Herod kumpipa banga Pasia'n
lawntheiloh uliante ahih uhleh lah Asih dongmah uh ngak zong kulkha
dinghi. Vantunggam ah katonpihnop masak pen kazomi pihlo kuadang tawh ton
masa nuam dingkahiam? Ihmipih te acing/akemding Pasian in ihmipih te
mah hong deih masa lo dinghiam? Dekte nacihcih un' banglungsim pua cih
itheitek hi, " Tate nekding ui ki-pia masa dinghiam" cihlungsim anei
te uhhi, Topa zeisu kammal mah hiveve hi. En "Sabuai tung pan akia
annengte"dawldawl peuh lel dingin lungkim khinlo pipi a, sabuai kiimteng
kiimvelvel in tutphahnuai-ah kunkheukheu intunglam dakdak lailai lel ding
ihihiam? Kua-in ei annengkia dawlnuam mah ding uhhiam?
Nang leh kei-in minam iveiloh hangin Mite-in minam kamipih nacih
uh ahihmanin iminam te thuakna imuhciangin ikhasiat hongsuaknuam hi. Zomi
sungah Topa itna hongkidimhenla mimal kim lungsim khatsungah honggawmtuahciat
tahen.Amen.
Zeisu itna sungah Nang leh Kei
Mang S. Lian
