THANGTHU
PAWLKHAT
LEITUNG PILNA TUNGTAWNIN KIVAKNA
(Kalaigelhte pen vantung mitsuan kawmkawm a kagelh hi. Kammal
zatzia, a khumzaw, aneemzaw, a khauhzaw cih omthei ding hi. Ahih hangin a thu
vaalgen omlo ding hi. Family pen Satan leh Jesu kidona gal-tualpi ahi hi. Tua
tawh hong to ngam na om uleh, kithawi un. Hih Lungdamnathu hangin kamaizum kei
hi.)
Laisinna
sang pan kingah pilna, pianpih pilna, experience kici nawkkhakna tungtawn a
kingah pilna tuamtuam om hi. Bang bang hileh tua pilna khempeuh zangsiam leng
hoih a, pianpih pilna tawphah aa sinnasaang neite picingzaw hamtang
hi. Degree kibangciatciat gamneu-mite leh Europe khangto masate phylosophy pen
van leh leizahin kikhai hi. Gam leh minam leh Pawlpi aadingin pilna i kisam lua
hi.
Pilna
kaneihlo nasa lua kahihmanin, Upper Myanmar president tavuan hong kisuat
ciangin, Khangnote aading khualna tawh, Church Scool 28 kihong a, "Upper
Burma ah, sang aatheih patungpo bang" ci-in, hong langpangte in
siakaihin lipkhap gen mahmah se uh hi. Tua pen pilna
kadeihluatna tungtawn a, khangkikte kakhualna ahi hi.
US itun semsem ciangin,
Kawlgam
khawngah pilna kisam icihcih pen gentham nahilo hi. US itun semsem
ciangin pilna kinaksap tetek hi. Kawlgamah bel pilna degree omlopi mahin
president khawng, Department Secratary khawng a sem thei tamlel hi. US
itun ciangin gamdangmi ahihnakleh Phd, Medical Doctor, Master talpai vauvaute
kuaman credit pialo hi. A kibangin a tawpan kipanciat a, ekbuklam dak khekhe
ngentang ahi hi. Kumpi sponsor hilo khempeuh ekbuuk sawkkhalo omlo ding hi. Zum
a kici khempeuh ekbuuk omlohna omlo ding hi. Kawlgam aa paite kuakua hileh
mikangten ekbuuklam nadeihsak mahmah selai ding hi.
Dr Thiha
tawh ka-omkhawm ngei uh hi. Ekbuuk sildan, moptaih dan ama hong hilhsa ahi hi.
Amah pen pilna saang eite bang hilo-in kiniamkhiat mahmah hi. Medical lammah
zomnuam ahihmanin, Nursinghome ah naseem hi. Piteek-puteek cilkai demdam ui
dada te taw vasil hi. Mailam aading ngimna tawh phunlo taulo-in sem hi. Degree
neite pen thuakzo peuh leh, ama Line tawnkhate vacancy omsimin interview
kisamin tawmtawmin khangkhang thei uh a, koikoi-ah degree mah kisam . Dr Thiha
pen American Medical Doctor kician mahmah suak ta hi.
Degree
neilote pen ciangtanna om zelzel hi. Lawmte MA certificate tawite mah tawh
ekbuuk mah kasem khawm uh hi. Amau kum-10 bang hongcin ciangin ahoih khomkhat
hong tung uh-a nuamsa mahmah uh hi. Degree neilo ciangtan omte pen a tuamvilvel
Pasian hehpihna longal lamet ding bangmah omlo hi.
Pilna lunggulh luatmanin
Khuapih
pasal khat phone kahopih hi. Bangthu lamdang om hiam? Nadam uh hiam? kacih
ciangin," Mopawi tutpihna an siimin napai ungh. Eimi SDA a
omsunsun zong kimtek. Anneek kipat ciangin nupi khat hong hangziahziah. No gampua pial a sangkah
numeite, pumpi zuak ngentang hi uteh. "Kua..
makai. Kua in bangzah khawng." ci-in siit lo-in hong awngkek mawk. Kaneek
kadawn laitak uh, sung leh lai-zh a tumlam zong phawklo-in kikhen ung, ci
hi. Phone tawh ka kiho sungmahin kalungsim hong vut mahmah khat hong om
hi. Kua in zuak, kua in kua customer nei, kua in bangzah khawng, zumhuai si,
cihlam hilo-in, " Ih tate in pilna adeihluat man un, pumpi nangawn pia
ngam ahi ve maw? ci-in kakhasiat hong suak hi.
Aban zomin
kalungsim hong phongkik khat omleuleu hi. Upper Myanmar aadingin Boarding High
Scool nih kihong a, Kawlpi leh Tedim ah kikoih hi. Tuate gel sangnaupang ding
kaihkhop nang ci-in Middle School gamkiu tata ah kihong hi. Kachin State ah
Wymaw, Lusei Hualngo lak Tuingo, Zampi Anlangh cih bang ahi hi. Tuate pan a
hong khangkhiate Boarding High School nihte ah kahsak ding. Tuate hong picin
settle khit ciangin Sing uunau pen Degree piaknasaang, MA dong a ki promote
thei dingin University a suak dong damdam in kalsuan ding cih ngimna kanei hi.
Eimi natna hoihlo khat pen vision saupi khuanglo-in kihazaatna, tawh tungdian
pahpah namte ihi hi.
Division
Feild Secratary Bocolar, ka plans te kalah ciangin, Hanciam un.
Conference pan bek hilo, mihau naseem nuam tammahmah hi. Muanhuai takin om un.
hong ci hi. Keizong huhtheihna om zahzah kong huh ding hi, hong ci hi. Ahih
hangin Union panin plan khempeuh a susia ding thacial honkhat hong khah mawk a,
hong saatcip hi. Bocala in, a subject zui-in Pilnalam sia a kisapluatna munah
gamdang panin Tourist Visa tawh nipi nih, khakhat cih bang lecture pia hong
kilaih thei lel hi. Education Department pan hong geelsak thei hi, hongci
sawnsawn hi.
Pumpi zuak
dong a pilna zong i tate mawhna hilo hi. Eimau mah a nu a pate mawhna hi. Min hong deihsak lo ahizongin, en bang hangin, tate kizuak ciang atun
na dingin khanglamte panpi mawk i hiam? Sanggamte aw mailam saupi en un.Na
khepi leh naluzang ciangbek en buang kei un. Ih tate dinmun tu-in namu uh hiam?
Cikha pan aa Myangmya tunna ding sumbei pen eikiangah kahleh kumkhat phial
kikahzo ding ahi hi.
Phone kiho
kaman ciangin nakngawhin, " Kei sangkah theilai-in, su nei hileng, sangkah
na din zuak tektek ning," kacih leh, paulo aa kagei aa tu nupinu
in," Zakmah thadah " hong ci hi. Ei leh ei i kisualsualmanin i
tu i tate ngawnngawn in, suzuak suak lawh," cihpen amaan a maan keizongin,
nasa ingh. Na sa ingh. Mawhsak kei un. Zahpi kei un. Nu leh Pate mawhna
himawklo hiam?
Family pen
Satan leh Jesu kidona gal-tualpi hi, ci-in hong gen ing. Mikhempeuh tua vangik
pan suakta ding omlo hi. Hong kawkkawk a om hang kathuk kei ding hi. Zong
kalaupah kei ding hi. Khangno te leh Pawlpi kakhualna leh kaphulkhak
haksaatnate aban zomin kong suttoto ding hi. Lakllaak'lo-in, abul adawn
khenlo-in, enkhawmin saikakin nasim ciat un.( Mi
kiphasak te thuhilh dingin Pasian in hong nungta sak hi, cih ka-um hi.)
Pr Thang
Siangh, zogampalpi@...
( Conferencemovement kipat leh tu kikal kum-20
bang hito ta hi. Tu aa thu kinialnialte a
suaknailo e, nawinelai e, sangkah nailo e, himai ding hi. Upmawh kinial tamzaw
hi. Kei Victim khatna pa nungtalai kahihmanin tawm kongsut ding hi. Panna neite aadingin kilamdang lo hi.
Amaan theinuamte aading cihna hi.)
Lammaan tawh kingen(Legal Filing)
Kum-1989
kumpawl aa kipan Conference- Status tawh dinding kingen hi. Conference
Status ngen cihpen thusia hipeuhmah lo hi. Union
tenbel Conference-movement ci
uh hi. Division panin O.T.Edward (president) hong pai hi.
Delegate teng in Signature piakim ciatin Division ah
kipuak hi. Tua laitakin kei UET tavuan tawh Mandalay om kahi hi. President
kasepma ahi hi. Kiteelna lungkimlo-a Conference-move cih pen maanlo hi. Tua pen tellohman hiam bang hang hiam
khat hiding hi.
Ngetna
lai Filing a kibawl khit aa kipan, Division lampanin Field Secratary Bocala in
hong vaan tawntung a, kei president sepsungin, " Conference Status tawh na
om ciangun, Tithe Sharing percent bangzah Union puak ding, Union in GC bangzah
puak ding " ci-in hong hilh hi. GC in hong piaktheih benefit teng khawng
zong hong hilh hi. Maymyo tektekah, Division Departmental Secratary ten
seminar-workshop hong bawlsak tawntung hi. Division tawh kikholhna hong
tamsimsim ahih ciangin, khanglam-a sianeu pawlkhat ten, UMM in hong khengvalh
khin uh ei, ci uh hi. A kingah khin bangpianin Division tawh direct kizopna
ompian khin hi. Ahih hangin Conference hong delair dingpen Union ahi hi.
Madalay
meetingah bel, Union panin, Elder Kyaw Balay, Sia Sydney Gyi hong pai hi.
Division mai-ah thusia hetlo hi. Pau zong khum thei mahmah uh hi. Kumkhat sung
dinzawh ding leh dinzawhloh ding sittelna-in Tithing
Goalhong koihsak hi. Tua laitak aa kingah tithes sumpi pen
kumkhat Ks 800,000/ kim ahi hi. Amau a zahnih, Ks 1,400,000/- goalin hong
koihsak hi.
Tua
laitak pen Sia Pau Za Khan business ahoihpen laitak ahi hi. Member sumbawlte
leh, khuatual pan aa kipia sumpi hanciamna tawh midyear pawlin Ks 800,000/-
kingah to pah mawk hi. Kumbei ciangin Ks 2,000,000/- kingah hi. Pasian
deihsakna om hi, ci-in kangaihsun hi. Pasian pen mithahaat khat tungah
kingalo hi, ci-in ka um hi. Tithes tawmlua paulap tawh khaktan pen
pianglo mawk hi. Nasum
ngahna uh pen Regular Source Income hilo hi, hong ci leuleu hi. Tua bang
ahihleh ci-in President tavuan hong kisuat ciangin, Global Mission
Strategy tungtawnin Regular income neihna ding lampi kizong kawmkawm hi.
Projects khempeuh zunglot sawm
Conference
movement pen 1989 kum hi. Kei president kah ciangin Global
Mission bulphuhin kalsuan kipat laitak ahi hi. Tua Strategy hih ding pen
Union Secratary U Thein Shwe supervise khutnuai-ah kibawl hi. Amah dot
kawmkawmin ko Section president teng in, utbang ciatin kageel uh hi. Conference
support zo ding plan pawlkhat neih kul hi. Sanpya Clinic , Mobile Clinic
kageel hi. Zintun buuk Inns, Hotels cihte Kalewa khat, Monywa khat,
Mandalay khat kacih leh, division aaten tun hihnai ken. Tha nangah khit ciangin
damdamin zom in. Tu-in Sanpya Clinic leh AWR leh Saangte hanciam in hong ci hi.
Sanpya Clinic bek inzong Conference buppi hong support zo ding ahi hi.
Pr
Kyaw Balay leh Pr Thein Shwe hun hong bei hi. Pr Ba Hla Thein leh Pr Ba Khin
hong hileuleu hi. Pr Kaw BaLay te omlai hileh C tawh hong dingsak lian kei
zongin tu-a dinmun tungin ka-um kei hi. Bang hong paulamto leuleu hiam,
cihleh, " No
pen makai cinglo, Mature nailo hong ci leuleu hi. Tua
tawh kisai-in Pasian mai-ah kicing ing kaci kei hi. Amau tawh khalam dinmun
kilamdang peuhmah kei ning kaci ngam hi. Amau Union a lead theihleh eizong
lead zawhlohna ding omkei kaci hi. Committee meeting sungah, "Conference
Status tawh hong koih le-ucin, Upper Burma ah mi a om keileh zong Union
sungah khatpeuhpeuh teel leng hithei hilo hiam. Ahih keileh zong gamdang aate
tawlkhat kawmleng zong hilel lohiam?" kaci ngei hi. Tua lah Conference
System kiteelna pen Union in hong supervise theilo ding a, hong observe thei
bek cihpen thei ahihmanin paulo hi.
Conference deih Mipum Zunglot Kipan.
Project
Plan pen Division in hoih cikhin mawk ahihmanin thakhat aa beisak
dinglah etlawm lo hi. Division te gullukin thumuam man nailo uh hi.
Eimi sungah kuateng khutzat ding, ci-in zong pah uh hi. Chance tuamtuam
piak dingin promise pia uh hi. Conference movement pen a zungin kilong ding,
hita mawk hi. Union power zang ding hita hi.
Upper
Myanmar workers kici Conference deih khatzong omnawnlo uh hi. Conference
deih keibek hongsuak sak uh hi. Kei leh, kei hong support teng longkhia
ding cih hitamawk hi. Zomi worker khempeuh Union tawh kop-a zunglot nuam
lamah pangkhin uh hi. Ka deklam tuktum khempeuh gaal hikhinzo hi. Vantunglam
ento aa khuadak omlo hi. Union uliante maiteng bek ki-en hi. Section president
kikaikhia ngawngaw ding kua a kiguangtam, ci-in kilamenin, uliante maivil in
nuisiaisuai uh hi. Kei aadingin tua nuihmai pen lipkhap huai mahmah
hi. Mrs White Satan anuih ciang a lipkhap huai agendan kamitkha in
mu hi.
Pawlkhat
in mual hong liamsan ta hi. Pawlkhat omlai. Tua hunlai-in kabilbul aa hong
nawksuk nawkto Ba Khin kikoppihte pen tudongmahin ih thuaklah pen
geelmah zong hilai hi. Union makai deekte aading tawlnga lo-in advocate
sepsak hi. Union uliante maitang enin a pau
uh ciangin, " Conference zunglot ding," ci uh a, Eimite lak hong pai
ciangin, lampimaan tawh lading,"ci uh hi. Lammaan tawh kingen hong khaktan
hitasop. Lammaan
cihpen, kipatcil taangthu theilo, tuhun khangthakte khemna thuzuau ahi hi. Tua
laitakin ei Zomi lakah khutzat ding omkei leh, hong deihsak loh hangin nawlkhin
ciang omngeilo ding hi.
Naseppih
lawmte bek hilo hi. Pau kibanglo sanggam member khat leh khat hong sutuah hi.
Nam kibangte lakah position leh phattuamna zongte hong teelkhia
hi. Angsung khualte aadingin, khamangthang cih khawng, sanggam uu leh nau,
minampih cih khawng pen thu-in sehtham hilo hi.
UMM
lay representative U Kan Ngunt khawlnuam hi. Ama munah converted nailo Naw
Tritoo pasal Soe Win tuiphum dingin sawl uh hi. Upper Myanmar Chin
khut sungah tui kiphum nuam kei ung, cihzah dongin khauhsetsetin pau
hi. Tuiphum dingin Toungoo nai uh hi. Lampi ah mawtaw kibungin sikhin
uh hi. Union te khalam thanemna hangin bangmah theilo member nangawn sihlawh uh
hi. Bang hang hiam cihleh Chin te mudahna tawh Tougoo nai ahi hi. Mandalay ah
Chin pastor khat in phumleh tuaklo ding hi. Tua muhdahna lungsim aguan pen
Union officer te ahi hi.
Union khutzatte Lungsim puak
Conference
langpangte in ngaihsutna tuamtuam nanei uh hi. Si leh sa tawh nadinglua uh hi.
1.
Pawlkhat in, amau support ding member tawmsa.
2.
Pawlkhat in, member om napi, member te favour ngahngaaplo.
3.
Pawlkhat talented kisalo, maivil tawh kingaap zaw, lay representative
te favour ngah ngaaplo.
Khalam meidawina namkhat ahi hi.
Jesu gaalkapte leh Myanmar Union khutzatte paizia hong keelki mahmah
mawk hi. Tuhun ciangin Pawlpi mite in, amau
kemsiam akhoisiam bek deih uh hi. Pulpit tung sumpi ngetna azangte
kikihta hi. Pasian tate aadingin kha tawh kidim siate mah kideih a,
Kawl maw, Zo maw, cih omlo-in mihoihte kingai ciat hi. Khalam makaihoih
leh neihsa sumpi ciangtan omlo-in kipia nuam hi.
( Egypt kumpi in Israel te nasep azawhloh ding
a piak hangin Pasian in zosak hi. Tuamah bangin zawhloh ding Goal hong koihsak
nangawn kikhengsat mang hi. Tua ciangin aana tawh zunglot ding sawm tamai uh
hi. Zunglotna policy hong zat aa kipan tudongnuntakna-kha tampi in gentheih
lawh hi. Amau naseemte zong tudongmah a pute tungah citak bilbel uh hi. Lammaan
zanglo-a khaktanna hangin thongsung dong kitung hi.)
Bang Hangin Tuam Om uh
Conference
move pen 1989 kumpawl hi a, tua zawh kum-14 pawlin sumpi kipuak nawnlo hi.
Kum 1995 kumin Kawlgam khutlapsanin US kapai hi. Union tawh
naseemkhawmte lah khauhpai tektek, member telah khasia tektek hi. Kiteel
na omnawnlo-in Union seh bangbangin makai hong guan hi. Khalam makai dinmun
zong niam semsem hi. Zun ding puah ding lamsang hilo-in daanpiak ding leh
suksiatlam ngentang hong hi hi. Member ten amau neihsunsun tawh asep Sangte
buaisak hi. Exam lut theilo ding khawngin hong bawl mawk uh hi. Tua in Sia Kai
Dal ii Saangpi hong sukha hi.
Mission
naseemte in Lungdamnathu pulpit tungah gennawnlo uh hi. Makaite pen Pasian teel
ahihna leh a langpangte kisusia ding cihbek gen uh hi. Pastor khat bang in,
"Ka Pastor za respect lo hi,"
ci-in zumah tazasuai thei mawkta hi. Sumbei khempeuh Union treasury panin ki
support sawnsawn hi. Tudongin tua bangdanin kikalsuan paisuak Mission inei hi.
Kawlgamah Khalam kipawlna Pawlpi leh Mission omnawn lo hi.
Karen minam uk Monopolism tawh kalsuan Mission bek om hi.
Hizah
ciang lawmlawm gentham takeileh sumpi puaknawn kei ni, ci-in member te
thukim uh hi. Lungkham luatna hang aa hong piang ahi hi. Member tungpanin
buaina khatbeek kipan lo hi. Sumpi a puakloh ciangin Siapite galhang
hong kuanto leuleu hi. Conference deih kuateng ci-in khutlaam sak hi. Disfellowship
pia uh hi. Ei aapen Zunglot ding policy himawk ahihmanin Keivom leh tuuno thu
kinial tawh kibang ihi hi.
Conference
in GC body tawh kikhen ding kampau ngeilo hi. Tuam om ding sawm ngeilo hi. Upna
nusiat ding sawm ngeilo hi. Conference status ngen hibek hi. Tithe Sharing puak
a sawm hang saanglo hi. Koihkhiat acih aa kikoih khia ahi hi. Sabbath School
leisak lo hi. Biakinn tawh khai hi. Kikhawm nuamte Singuunau sangnaupang cialin
singkhuahtawh pang hi. Utlopipi aa tuam omloh phamawh hi.
Nidangin
Pawlpi Administration hoihlai-in, makai peuhmah Ministerial panin kiteel a,
service leh experiance nei kingaihsun masa hi. Tua te mah in khalam thupiseh
masa uh hi. Accountant lam leh office staff tuam khen vilvel uh hi. Zum
naseemte leh Sanglam leh Accountant lampen amau Line ciatah credit ngahsak bek
a, Administration position alut tawm mahmah hi. Tua hunlai pen Pawlpi
ki-ukna nakpitakin hoih hi.
KA MIDIK IN SAGIHVEI A TUK HANGIN THOKIK
( Jesu leh Satan kidona sungah Christian mimal
khatbeek penglo hi. Hih taangthute pen lesson hoih ingah nangaa kagelh ahi hi.
Kei computer in laituisan neilo hi. Tamlua a sate aading A, B ci-in khenbawl
pong)
A
Khalam
tukna pen mikhempeuh sukkhak ahi hi. Mikhempeuh muh-a tuk om hi. Mi
muhloh-a tuk zong a tamzaw hikha ding hi. Pukna pen nakpi-in
puktawh kibang napi puahkikna ol pawlkhat om hi. Mawhna pen ngeina bang aa
nei Christian kitam mahmah hi. A thokiklo pukna khempeuh sihna Hell sung
tunna ngentang ahi hi. SDA Signboard liimbel napi Vantung Pawlpi laibu sazianah
omlo tamzaw hi.
Ko
kiangah 6:00AM simin Amazing Facts sermon Doug Batchelar in nei tawntung
hi. Biakinn sung sangin kitelzaw ahihmanin kha-an kivakna-in kanei den
hi. Jesu pen Biakna makai khempeuh muitum ahi hi. Ama-thuhilhna a ngaite
nangawn in mudahna thuaklawh hi. Ama teelsa Pawlpi or Minam sungah tazo lo
hi. A gamtatna khempeuh kizuizen hi. Singlamteh atun dong khawllo hi. Mawhzong
siamte pen Satan khutzat hi-a, mawhna teti pangngam thalakik ngamte pen
Pasian tate ahi hi.
Kawk
baanglo vantung panin hong pai Pasian tapa ahi hi. Tua ahihmanin tua
mipa kamuh kanuam a, kei thanemna kicinlohna , pholakin teti pang dingin
kamaizum kei hi. Tua mipa khahsuah lo-in kadelh tawntung hi.
Laisiangtho
pen Pasian leh satan kidona taangthubu cileng khiallo ding
hi. Satan lungsim zuauthu leh angsung khualna tawh minam khempeuh huzaapin
a suksiatna thu hong lak hi. Alanglam panin Pasian sianthona, thumaanna,
itna leh hehpihna kidim a dikna tawh hong gualzawhpihna hong lak hi.
Lamkhat panin mihingte hoihna pen leikaang kizuut hankhuk bangin
genteh hi. Mihingte siatna thaman pen lipkhaphuai Calvary singlamteh sihna
tawh Jesu in hong lak hi. Jesu omlo hizenzen leh mikhempeuh Calvary sihna a
thuak ding ihi hi. Eitaangin tua sihna kizozo hi. Tua thu simloh leitung nate
EEK bangin kangaihsun hi, cise hi.
Paul
in ama thanemna panin Jesu hangaa gualzawhnate muibuntakin teti pang
hi. Misiangthote kilamkikna hanthotna hoihpen suak hi. Khalam thuthuk theilote
in mawhna alian leh aneu khen thei uh hi. Pasianmai-ah mawhna neulua omlo hi.
Sawpsiang zawhloh ding mawhna lianlua zong omlo hi. A kisel khinkhian mawhna
khempeuh Hell sungtunna hikhin siksek hi. C sungah bangzah M sungah bangzah
ci-in ganaan tawh simtheih zong hizenzen lo hi.
Pasian maitang mutawh kibang
Cimawh
zawngkhal takin kakawivak hi. Kei kawivak sungin kasanggam nihte pen
Pasian naseem dingin na kicial khin uh hi. Ka khalam dinmun hong muh uh
ciangin lungnuamlo-in lai hong khak uh hi. Lawm aw, lungneu kei in.
"Mithumante in sagihvei a tuk hangin sagihvei thokik hi," kici
hi, hongci den uh hi. Lungsim ut mahmah napi leitung silehsa in hong mengcip ta
ahihmanin katho zo mahmah kei hi. Tua hanthotna awgingte zaza kawmmahin Lawki
gualnopna sungah nuamtakin ka om hi. Zolaam kici khempeuh kalaam thei hi.
Khuangtum cileng Lawki pupa ngeina khuangtum namkim katum loh omlo hi.
Zupi
nunna munah khuangtumin laamin, lasa-in pukngaiingaii--in ka om laitakin,
huansak lampi panin, Sia Elisha leh Pr Rualchina hong dingin kigal etkawmin kanui
uh hi. Pasian maitang bangin kamu
hi. Kagei
aapa kakhuang pia-in kadelh hi. " Pasian in naseem din hong deih hi,
zingciang hong kikhawm in," ci-in hongzol hi. Ka kikhawm pah hi. Nipi kik
ciangin, tui kiphum in, hong ci ngiau leuleu hi. Ka kiphum pah hi. Laisiangtho
sangkah in hong cileuleu hi. Ka kithawi pah hi.
B
KIHEHNEPNA HOIHTAWH.
Laisiangtho
Saang katuak ngawngaw hi. Kasep nang munpen Yangon Alone ahi hi. Lawmte Yangon
omnuam kituh uh hi. Keipen laucihtakin kalau hi. Amaute in Yangon thupina
leh omna-nuam en uh hi. Ken kanasep masuan ding ka-en hi. Minam-neu,
pilna neu Kawlkam nalzalzal lo khatpen bang suak ding citawh himawk. Pastor
haute pen member khat cina-zatolum cihkhat omleh, neektheih cikhum bawngnawi
tawi litliatin hawh uh. Thungetna sangin cinate lungsim malhsak zaw u. Ken
bangtawh mai mu ding, ci-in kadah hi.
SDA
sung katun aa kipan, Sia Phung Kai pen, Pa bang, Sanggam bangin thukohpen leh
dotpen hong suak hi. Yangon paiding Tedimah kabang hi. Kikhop khit ciangin,
hong ciahpih hi. Vaimiim hawp masa-in kaman uh ciangin thu hong ngetsak hi. Ama
naseplai taangthu hong sutpih hi. A photo suante hong etpih hi. " Kei
kipatna hibang hi ei. Hun khat ciangin kataten taangthu a mangngilh khak ding
kalauna tawh hibangin a suang kahi hi," cingiat mawk hi. Midangte in,
ahauh aliatna uh suang, aman kiniamkhiatna limte suang hi. A zi damlo hi. nau
nih leh thum tawh hi. Vaimiim amahman su hi. Bawmlang tawh sing pua hi. Sunin
kuan khia in Pasian naseem hi. Tudongin haksatna zawnna cihmawhna, simmawhna
kathuak ciangin, tua hanthotna hangin khamuangtakin ka om hi. Christian te
gualzawhna pen hibang hi hi.
Khalam thu-ah Layman leh Pastor kibang
Si
leh sa tawh omlaiteng mikhempeuh thanemna kibang ciat lel hi. A tukte phong
dingin atuktheite mah Pasian in zang zel hi. Kei thonuam aa kithawi
laitakin, kalawmpa pen nasep nakhawl leuleu hi. Leilet-in buantang lakah lawi
nungzui-in na om hi. Sanggamte nih in a huhnuamin lampi zongzong uh hi.
Haksaatna huntaktak ciangin sanggam silehsa kinaite mah lunggim masa teitei hi.
Minamdangte lakah minampihte mah lunggim masa hi. Koikoi-ah gam leh minam tawh
mapangin Pasian lungdamnathu taangko leeng muibunpen hi.
Tedim
Circle Leader in Pr Kipzanang a omlaitakin sanggam nihte mahtawh kikumin nasep
guankik hi. Pr Kip mahin Ordination hong forward ahihmanin Ordained Pastor
kanih un kangah veva uh hi. Section Committee members in hong kikoih hi. Circle
leader, Departmental Cih bangin kakhangto to uh hi. Pasian nasepna-ah
thasiallo-in, kiseem a, Pasian ompihna leh hehpihna kangah tawntung uh hi.
Hehpihna tam ngahte in Hehpihna thu taangko leh muibun zaw hi. A tukngeilo,
hehpihna tawh a kiphongkik ngeilote teti pan ding omlo hi. Satan deih
mithahaatte pen Pasian aadingin zong mithahaat ahi hi.
Section
meeting hongsam uh hi. Union panin ulian nih tawh committee meeting katu uh hi.
Sia KIpzanang Chairperson ahi hi. Kei aadingin sia dangte sangin amah zahtak
piakhuai tampi om hi. Evangelist nasep leh thunget hanciamna kasim etteh
tawntung ahi hi. Ordination zong ama hong forward hang aa ngah kahi uh hi.
Meeting man ciangin sumkeempa innah zingan-nitakan kine tawntung hi. An pen a
lim thei bel dingin kibawl a, lungdamtakin ciakhethaatin kane uh hi.
Awi,
ci-in numei khat patau hong kiko hi. Pastor khat namsau tawi-in hehlua in muk
lingdaldalin hong diang khia hi. Ko sanggam tengin a temsutin kalai lunglung uh
hi. Sanggam tengmah kikham ngam hi. Kuamah a khongam omlo hi. Innteknu bang a
kawngah luai-in a khut lang khat tawh atem sutvanvan hi. Thupi kasa mahmah hi.
Siapite a mai-ah sisan teenglo uh hi. Committee pen eideih banglo thei a,
guallelh hunin na kisa mahmah theimah hi. Siapite Yangon a tunsuk ciangin, SDA
thuthang ci-in tua bekbek gen belin nei uh hi. " Da-mah-sia" acihleh
amah kicihna hisese hi.
Kum
kiheihei aa tua bang nangawn Pasian hehpihna lianzaw ahihmanin, Section officer
ngentang, Union Departmental secratary dongah hong domto zel hi. Thanem
thokikte aading teti panna khaupai semsem hi. Athokik thanemte hangin midangte
in Pasian hoih telmuh thei semsem hi. "Hih
Lungdamnathu hangin kamaizum kei hi."
Conference move kipathun.
Sumbawlte
hong tuahpha-hon laitak ahi hi. Degree kiteh bang hielh 100* khawng hiding hi.
Keizong evangelist kathahaat hunsung ahi hi. Tua hunin member hong mungeilo
tawm mahmah kha ding hi. Laymember te khanlawh lawp mahma hunsung zong hipah
hi. RB makaite nak thahaat mahmah uh hi. Conference utna pen mikhat bek
hangtawh hitheilo hi. Khat leh khat kimuan laitak, kihuzapin ki-itna leh
kimuanna tawh nopmahmah laitak ahi hi. Kithutuak takin Conference Move
ding kipankhawm ahi hi.
