9. Nov 30 2019 | Khristian biakna hi lote Lai
Siangtho hangin Hotna ngah
Elijah, 50
East Africa gamah mi tampi in Lai
Siangtho sinna tungtawnin SDA pawlpi sung hong lut uh hi. Ahi zongin Elijah in
Khristian biakna hi lote lai siangtho simna panin Adventist hong suak hi.
Elijah in Khristian hi lo innkuan sung pan khangkhia hi. A sangkahna-ah lai hat
mahmah khat hi. Biakna kin mahmahin, Middle East gam uni-versity 3 panin degree
ngah hi. Gam makai minthang khat suakin, missionary nasep a hat mahmah khat hi.
Ahi zongin Italy gamah nasemin a om
sungin a ngaihsut thu khat hong om hi. Rome khuapi-ah a vak kawikawi-na panin
Pasian in Sabbath ni tawlnga dingin a thupiak va mu hi. Lai Siangtho hong hilh
mah bangin Sabbath ni in Saturday hi, cih theitel hi. Ahi zongin Rome mite in
Sunday ni nasepna pan tawlnga-in kikhawm uh mu hi.
Tua thu hangin a lungsim hong buai
hi. Italy gamah Jesuh in Jor-dan gunah a kituiphumna cihte a kipan Sawltakte
nasepna munte va en kawikawi hi. Tu-in kituiphum nawn lo-in tuitheh kizang hi,
ci-in kigen za hi. Lai Siangtho sungah tuitheh ding thupiak om lo ahihlam thei
napi, pawlpi tampi in tuitheh zang uh a, tua hangin Elijah lungbuai hi.
Inn a tun ciangin a lai siangtho sim
kipan hi. A laisimte leh Ellen G. White gelh Khangcin Lungdeih laibu tawh
kitehkak thei hi. Elijah in kum 40 bang val khinin, Jesuh min za ngei lo hi.
Jesuh pen mihing mah hi-in kamsang lian khat hi, ci-in ciamteh hi. Ahi zongin
tu-in a sim laibu tungtawnin Jesuh nunzia, a sihna, nate Piangsak Pa, a na
lamdang bawl cihte pulaak hi. Jesuh in Pasian takpi hi, cih hong mu thei hi.
Isaiah 9:6 sunga mah bangin eite adingin naungek khat hong suak hi. Ama min in Lamdang Thulak Pa, Thuhilh Pa, Vanglian Pasian, Tawntung Pa,
Kilemna Kumpi cih thute hangin Elijah in Jesuh bia dingin khentat hi.
“A siangtho ka laisim bu in Jesuh in
Pasian hi, Piangsak Pa, Honpa leh Topa-in ka sang hi. Hih thu kuamah in hong
hilh ngei lo hi,”ci-in pulaak hi. Jesuh thu theihbeh nuam a, koi-ah pai ding ka
hiam ci-in a pai nading mun ngaihsun sun hi. A sawtteh lampi khatah Adventist
makaite a kipan biakna dangdang pan makaite kikupna khat om hi, cih hong phawk
kik hi. Adventist pawlpi simloh pawlpi dangte in Jesuh in Pasian ahihna a
pulaak om lo ahihlam mu khia hi. Tua panin Saturday ni ciangin biakinn ah
kikhawm dingin hong pai hi.
A sawt lo-in a veng a paam, a
sanggamte in Elijah leh a innkuan un Khristian pawlpi thu um ahihlam a theih uh
ciangin bawlsiat ding kipan uh ahih manin Elijah le a innkuante in mundang khatah
kihemkhia uh hi.
Hih khua-ah Adventist pawlpi in Kaal
nih sung Pasian thugenna nei uh a, Elijah leh a innkuanpihte in zong Sabbath
masa ni-in va kikhawm uh hi. Hih thugenna kizawh ciangin Elijah leh a
innkuanpihte in kituiphum uh hi. Tu-in Elijah in kum 50 cingkhin hi.Jesuh hong
hotkhiatna thu gen nuamsa mahmah hi. Pasian thugenna leh laibu zuakin om a, ama
nasepna tungtawnin mi tampi in Adventist sung hong lut khin uh hi. A pawlpi-ah
deacon khatin om hi.
Elijah in hamsatna lianpi kantanin Adventist
thuman mu hi. A muh thuman taisan lo hi. Phillipine 3: 7-14 Khrih adingin
leitung hamphatna, nopsakna in a mawkna bangin ngaihsun thei hi. “ Thuman
thutak sungah a nuntak nadingin Elijah in a beh leh phung, university sangkah
theihnate, a degree, minphatnate nusia hi. Kumpi khasum tampi ngah ding
dinmunte zong nusia ngam hi. Khrih bek mitsuanin nungta hi.” A paipai-na ah
Elijah in tecipang a, Khrih bek mitsuan ding hanthawn hi. Tu quarter sung
Sabbath School 13na sumpi in Ethiopia gam sung khua li -ah Sabbath School
naupang note ading inn lam nadingin kipuak ding hi. MUC in Tongsial biakinn leh
huang puah nadingin kipuak ding hi.
