5. Nov. 2, 2019 | A Gilo Galkap khat ii mangmat
Daniel Deng Machiek in a tunsang, a
gilo mahmah galkap khat hi-in, galkuan nuam lo hi. African Nisuahna lam munte
in tualgal tawh kilawi ngei lo hi. Daniel in a mipihte sih ding mu nuam lo hi.
2013 kum sung, ni khat gam sungah gal a bei nadingin Daneil in ni thum sung
antangin thungen hi. “ Topa aw, Pasian man taktak, pasiante Pasian na hi hi.
Galkap khat ka hi hi. Ka gam mite tawh ka kido nuam kei hi. South Sudan mite
hong kepsak in,” ci-in thungen hi.
A ni thum ni ciangin Daniel in mang
khat man hi.Vantungmi 3 hong kilang hi. Tua mun pen ama pianna khua, South
Sudan khuapi Juba khua hi. “ Tho in. Ko tawh kibangin lasa in,” ci-in vantungmi
khat in phong hi. Daniel in lamdangsa-in “ Koi panin hong pai na hiam, ci-in
dong hi. Vantungmi in “ antangin na thunget nang hong Piangsak Pa in za khin
hi.Tua hangin nang hong tuiphum dingin kong pai uh hi,” ci-in dawng kik uh hi.
A mang sung mahah Daniel in
vantungmite tawh Pasian minphat khawm uh hi.Tua khit ciangin vantungmi khat in
Daniel paikhiat pihin khua nawl a om, Yirol bual khatah koih hi. Vantungmi khat
in Daniel puankaang khat silhsakin,tua bual sungah tuiphum hi.A dang vantungmi
nihte in bual gei panin en uh hi.
Tua khit ciangin vantungmi khat in
Lai Siangtho Bu khat pia-in, Daniel kikhopna mun dingah paipih hi. “ Hih
biakinn ah kikhop nuamsa mahmah niteh,” ci-in hopih hi. Tua khit ciangin
vantungmite kimu nawn lo hi. Daniel in tua biakinn sungah lut hi. Hih biakinn sungah
kikhawm mite sual tungah a si-sa a om mu hi. Naupang kum 2 gual ding khat bek
si lo hi. Daniel in tua naupang tawh thungen khawm uh hi. A nihun a thunget
laitak un tua biakinn sunga a si mite hong nungta kik uh hi. Tua khitteh Daniel
in a ihmutna pan khanglo hi.
Kum thum sung tawntung tua a mangmat
in bang hi peuh mah ding hiam, ci-in Daniel lungmang hi. 2017 kum ciangin
Sunday ni khat a kikhopna-ah nidang a amah tuiphum a pia pastor tawh kimu hi.
Daniel in a kituiphum lai-in, tui sung pan hong pusuah khiat takteh kapkhia-sa
paikhia hi. Hih thu phawk lai ahih manin Daniel in amah tuiphum a pia pastor
tungah “Bang hangin kapsa-in tui sung pan paikhia ka hiam? ci-in dong hi.
Pastor in tua pen Kha Siangtho nasep hi, ci-in dawng kik hi. Daniel in lamdangsa-in
a hehsuak hi. A hehna hangin kahnopna lungsim hong om semsem hi. Ahi zongin a
maizum hi. South Sudan gamah pasalte kap khol lo uh hi. Galkap gilo mahmah khat
kap cih pen maizum vai sa hi. Daniel in ni nih sung kap hi.
Tua leh kum 22 a pha khin Daniel
sanggamte khat Abraham in Daniel kiang va hawh hi. A kituiphum a kipan a
kahkahna a thu
Imcip zo lo ahihna a sanggam tungah pulaak
hi. Abraham in Daniel tungah “ bang hangin tua pawlpi ah kituiphum na hiam.Tua
pawlpi in pawlpi man hi lo hi, ci-in paupih hi. Abraham in Lai Siangtho bu khat
pia-in Sabbath in ni sagih ni hi, ci-in Daniel hilh hi. Aman zong ni sagih ni
Sabbath thuman hong telthei hi.
Sabbath hong tun kik ciangin Daniel
leh a zi in Juba Sev-enth-day Adventist biakinn ah va kikhawm uh hi. Kha 3 val
bang a kikhop khit uhteh Jan. 10, 2018 in kituiphum uh hi. Daniel in tui sung a
pusuah khiat ciangin a khitui luang lo hi. “ Ka lunggulh lianpi pen ngah ta
ing,” ci-in lungdam mahmah hi. Daniel lungdamna a mu Daniel sanggamte nupa leh
a nu uh zong kituiphum ding khentat uh hi.
Tu-in Daniel in kum 39 cingkhin hi.
Daniel in a thungette Pasian in a donzia a ngaihsut ciangin lamdangsa mahmah
hi. South Sudan gam sungah gal a veen nadingin Daniel in thungen hi. Jesuh in
Daniel nuntakna sungah lungnop khamuanna guan hi.
Daniel in, “ Ka lungdam hi. Ka dah
nawn kei hi. Ka kituiphum a kipan ka lungnuam tawntung hi,” ci-in pulaak hi.
Tu quarter Sabbath 13-na sumpi in
South Sudan gam Juba khua-ah sanginn kilam ding hi. MUC in Tongsial biakinn leh
huang puah nading in kipuak ding hi.
