3. October 19, 2019 | Samkil Samsau tapa leh Pa
Michael Kujjoo in a pa a ngaihsut
khaksialin mudahna tawh kidim den hi. Na pa koi-ah om hiam, ci-in a kidot
ciangin Michael in “ ka pa si khin hi” ci-in dawng hi. Tua zahin a pa mudah hi.
Michael in kum 9 a phakin a pa le a nu kikhen uh hi. A pa kiangah a vahawh
ciangin a pa in nasep hamsa semsak den hi. Michael in nasep a pa sawlnasep a
zawh khitteh a pa in bang mah nek ding pia lo hi. Nisimin tua bangin nasemsak
hi. Michael in a pa bawlzia lungkim lo hi.
A nu kiangah va hawhin a nu kiangah
“ ka pa tawh om nuam nawn keng” ci-in a pa omna lokhawhna munah pai kik nawn lo
hi. A pa tungah a hehnate mangngilh thei lo hi. A pa nusiatna hangin inn sung
nuntak hamsa semsem hi, ci-in ngaihsun hi. A pa in nusia keileh tu-a sangin
innkuan nuam zaw ding hi, ci hi. Sum nei
lo ahih manin Tan 3 a kah khit ciangin sangkah zo nawn lo hi. Uganda gam panin
Kenya gamah va pai-in rapper ( lam nam khat) khat hong suak hi. Nightclub ah
kum nih sung rapper hi-in, hih sungin a sam sau mah mah hi. A pa neu-te khat in
South Sudan ah hawh dingin zawn hi. Sudan gam Juba khua-ah zong hip-hop cihte
tawh a hun beisak hi.
Ni khat khua sung a vakna-ah vanzuak
mi khat in, “ Koi ah kikhawm na hiam? ci-in Michael dong hi. Michael in koi mah
ah kikhawm keng. Ka sam hong en ve, hih bang mi kikhawmin um na hiam” ci-in
dawngkik hi. Tua pa in Michael tungah “ phamawh lo hi; kikhawm pai thei veve
hiteh” ci-in dawngkik hi. Vanzuakpa tawh a kiho-na panun vanzuakpa in Juba
Central Adventist Church ah kikhawm ahihlam thei hi. Michael in biakinn ah a
pai paite Pasian thu-um taktak uh hi kei. A kineih uh hi” ci-in dawng kik hi.
Vanzuakpa in Michael zong kikhawm
dingin zawn hi. Ahi zongin Michael in nial hi. Michael in khua sung a vak
ciangin tua vanzuakpa gei a tun ciangin, Michael in vanzuakpahopih nuam lo ahih
manin mundanglam ngatsan hi. Ahizongin vanzuakpa in Michael hopih teitei hi. “
Mai kaal a kipan Pasian thugenna om ding hi, hong pai in” ci-in tua pa in zawn
hi.
Michael zong Pasian thugenna-ah va
kikhawm hi. A zak thute hoihsa mahmah hi. Thugen siapa in Sabbath thu zong
limtak hilh hi. Michael in inn a tun ciangin Lai Siangtho sim a,Sabbath thuman
hi, cih a theih ciangin, Nile Gun-ah tui kiphum hi. Kuamah in ama samsau paupih
lo hi. Ahi zongin Sabbath ni ciangin biakinn ah a kikhop ciangin miten a samsau
paupihna aw tua tuamtuam za hi. “ Kituiphum khin hi lo na hiam, bang hangin na
sam met lo ding na hiam,” ci-in pawlpi mite in hopih hi. Michael in Samson zong
samsau hi, ci-in dawng kik hi. “ Ahi zongin na samsau ahih manin mitdong hi;
sammet dingin gen uh hi.
Michael in phamawh kei, mite tungah
thukhen lo ding,” ci-in dawng kik hi. Ahi zongin Michael in a kisam khat om hi,
cih phawk hi. Thugenin a pai-na munte-ah ka samsau hangin hong kihta kei un.
Note tawh kibang hi ing,” ci-in gen den hi. A lungsimah SDA pawlpi in hong deih
takpi mah hi ding hiam, ahih keile a pa bangin tate itna nei lo-in van zat khat
bangin hong kikoih hi lel hi ding hiam, cih pen ngaihsun hi. Kum khat khit
ciangin pawlpi mite in amah a itlam uh Michael in theitel hi. Tua a kipan a sam
met hi.
A pa zong hong phawk kik hi. Mite
mawhna maisak kei le-uh cin, note mawhna zong hong kimaisak lo ding hi (Matt.
6:15) cih siksanin a pa mawhna zong maisak hi. A pa tawh kiho ding hanciam a,
kha 3 khit ciangin a pa phone number ngah thei pan hi. Michael in a pa tawh a
kiho ciangin, nidang a bangin a pa heh dingin ngaihsun hi. A pa tawh nuam tak
kiho thei uh a, a pa in “ Lunghimawh kei in. Hong ciah in. Nang pen ka ta
hiteh” ci-in vaikhak hi.
Kum 30 sung tawntung a pa a muhdahna
khempeuh tu-in beisiang hi. Tu-in Michael in kum 38 cingkhin hi. Juba khua-ah
teengin mawtaw hawl nasep leh muh bang bang nasem hi. “ Adventist biakinnah a
va kikhopna panin ka zak thute in ka nunzia hong khel hi. Hih pawlpi in
tawntung nuntakna sung lut ding mite puahpha hi,” ci-in pulaak hi.
Tu quarter Sabbath 13-na sumpi in
South Sudan gam Juba khua-ah sanginn kilam ding hi. MUC in Tongsial biakinn leh
huang puah nadingin kipuak ding hi.
