2. Oct 12, 2019 | Kum 32 a pha mi khat hangin mi 800 kituiphum

2.    Oct 12, 2019 | Kum 32 a pha mi khat hangin mi 800 kituiphum

 Kenya | Francis Ndacha, 32

Francis Ndacha in pawlpi khasum sanglo hi. Ahi zongin ama hangin mi 800 val in tui kiphum khin hi. Amah pen kum 32 hi pan hi. Bangci bangin tua bangin nasem thei hiam?

Francis in Kenya gam, Nyeri khuapi panin khangkhia-in, biakinn tung ngei lo hi. A pa biakna a tuam, a nu zuih biakna a tuam, Francis a hihleh koimah kikhopna nei lo hi.

Kitale khua-ah second khedap zuakna sai khat nei hi. Khristian lo thugensia tuamtuam tawh kimel theih hi. Biakna dang zui ding ngaihsun hi. Ahi zongin koi bangin Khristian biakna pan biakna dang zui ding cih pen ngaihsun thei lo hi.

Ni khat mipi kikhopna khatah va pai hi. Hih munah Khristian thugensia mi 5 leh biakna dang pan thuhilhsia 3 in thugenna nei uh hi. Khat le khat kikupna, dotna leh dawnna nei uh hi. Tua bangin thugenkhopna-ah vantungmi hoih leh , vantungmi hoih lo thute kigen a zakteh Francis in lamdangsa hi. Khristian biakna a zuite a hoih lo, biakna dang a zuite hoih ci-in thu kigen za hi. Biakna tawh kisai theih bang mah nei lo hi. Ahi zongin a lungsimah vantungmi hoih om dingin ngaihsun lo hi. Vantungmi khempeuh sia khin dingin ngaihsun hi.

Tua kikhopna mankhitteh Francis in Khristian thuhilhsia-te va hopih hi. Hih thuhilhsia-te in SDA ahihlam hong thei hi. Francis in Adventist pawlpi za ngei lo hi. A vanzuakna gei-ah uham mi khat kiangah Adventist pawlpi na thei kha hiam, ci-in dong hi. Tua mipa in SDA pawlpi in Satan pawlpi hi, ci-in dawng kik hi. SDA pawlpi in kii nei sapi, cihte gen gen uh hi, ci hi. Francis in Adventist pawlpi lut ding ngaihsutin nei ngei lo hi.

Kha 8 khit ciangin Francis in thugenna khatah amah zong va pai hi. Nisim pai-in kaal khat bang va pai hi. Tua kikhopna-ah Adventist pastorate in thuhilh uh a, hih thugente in thman thutak gen uh hi, ci-in Francis in mu hi. Francis in a lawmte mi 3 tawh kituiphum pah uh hi. Francis in kum 20 pha hi panin Jesuh thu gen nopsa mahmah hi. Thugen kisinna laibu, DVD cihte lei-in thugen kisin hi. Kum khat khitteh khedap vanzuak nusia-in khua khat khit khua khatah pai-in, Khristian hi lo mite tawh thu kikum uh hi. Tua bangin Pasian thuhilhin a zin kawikawi-na pan tui kiphum ding a ut a omleh pawlpi makaite zasak hi.

“ A thuhilhnate tungtawnin Khrih in nalamdang bawl hi. Kha khat sungin mi 50 in tui kiphum ding ngen uh hi.”

Mun khatah biakna dang sia khat in Khristian hi lo sia-te sam a, Francis tawh thu kinial ding vaihawm hi. Biakna dang pan thuhilhte hong pai-in, Francis in ni 4 sung thu kikupna neihpih hi. A ni 5 ni ciangin biakna dang sia-te in a mite uh thu kikhopna-te ah pai lo dingin zasak uh hi.

Hun khatteh palik-te in khua sung pan Francis pai khia dingin sawl uh hi. Francis in “ ko kuamah tuiphum kei ung. SDA pawlpi in ka septe hoihsa-in hong huh uh hi. Lamdungte ah thugen nadingin aw liatna vante hong pia uh hi,” ci-in dawng kik hi.

July, 2018 kumin Francis in biakna a zui mi honpi tawh kimuhkhopna, thu kikupna nei hi. Khua sung mite in Francis thugen ngai nuamsa uh hi. Mi tampi in Jesuh umin Khristian biakna ah kileh kik uh hi. Hih thu hangin khua sung makaite lungkim lo uh hi. Francis kol bulh dingin thupia uh hi.

Francis in palik zumah mat le hen thuakin a kimtengah om mipite in Francis khahkhia un. A thugen ka za nuam uh hi. Tu-in thuman thutak ka thei uh hi, ci-in awng ziahziah uh hi. Nai 6 khit bang ciangin dollar 100 tawh Francis suakta thei hi. Mipi zong tua mun panin kihemkhia uh hi.

Francis in lampi-ah thugen kipan kik a, Lai Siangtho genkholhna khat khit khat pulaak hi. Mi 27 kituiphum hi. Biakna dang pan mi khat in Lai Siangtho sinna nei-a a zawh ciangin kituiphum ding ngimna nei hi. Palikte tawh a buai-na hangin hih mipi pa in Khrih upna-in nei hi. Hih pa in palik makaite tungah “ Khristian hi lo biakna makaite thuman lo hi. Bang hangin Francis tungah thuman lo-in nasem na hi uh hiam? A kimat theih nading thu om lo hi, ci-in pulaak hi.

Francis in a zi, a tanu kum 4 khat leh kaal 3 a pha pan khat tawh khualzin kawikawi uh hi. Adventist mi pawl khat in zong huh uh hi. Pastor bek in Jesuh hong pai kik baih ta ding hi, ci-in a gen ding hi lo hi. Pawlpi sia suah kul hamtang hi lo hi. Mi khempeuh in hotkhiatna thu a gen ding i hi hi.

Tu quarter leitungbup Sabbath 13-na sumpi in Kenya gam, Kisumu khua-ah SDA zato inn adingin kipuak ding hi. MUC in Tongsial biakinn leh huang puah nadingin kipuak ding hi.