13. Dec. 28, 2019 |
Franck Mbunga Mudihu, 39
Nicky Masela Mbunga, 34
Nicky in Kinshasa Adventist Clinic a
nasem a pasal Franck tungah, “ ka gilna lua hi” hong pai in ci-in sam hi. Nicky
in a naupaai zawh kha 8 val khin hi. Naupaai ding kum 4 sung bang thungen uh
hi. Siavuante in zatang nek ding pia a, a nat veve leh, zato kilak dingin
vaikhak uh hi. Tua zan a gilna kik hi.
Nicky in gim mahmah khin, tha bei
ahih manin ding zo lo hi. Clinic ah kilak ding va pai uh hi. Clinic hong tun uh
ciangin siavuante in, “ Nickh in sisan tampi kisam ahihlam mu uh a, sisan kithun
ding gen uh hi. Zato vanzat kician zaw khatah kituah dingin vaihawm uh hi. Ahizongin
Franck in tua bangin zato hoih khatah kilak nading sum nei lo uh hi. A zi
gimpha ahihlam Franck in thei hi. Amau hanciam
theihzahin kibawl ding siavuante
tungah ngen hi.
Zato khaan neu khatah koih uh a,
siavuante in Nicky thagui mu thei pak lo uh hi. Siavuante khat le khat lau ken,
ci-in amau le amau kihanthawn uh hi. Siavuante in Franck in a zi ading thu a
nget mu uh hi. Nurse- te in thungen ngen dingin zong gen uh hi.“Hoih takin
ki-at thei uh hi.” Pasian in ompih ahihlam kiphawk uh hi. Franck in khaan neu khatah
pai-in ama kia-in thungen hi: “ Topa aw, ka zi pen ka sunghte innkuan sung pan
a tuam mahmah khat hi. Ka zi hong nungta-sak in. Ka sunghte pen Adventist hi lo
uh hi.Tu-in Adventist zato ah zato lum, cih thei uh hi. Hih lai munah ka zi si
mawh leh, …. ci-in a thunget zomsuak thei nawn lo hi.
Siavuante in specialist khat sam uh
a, specialist siavuan a hong tun nading nai lang bang sawt ding hi. Nicky in
tua tan a ngak zo diam,ci-in siavuante lunghimawh mahmah uh hi. Zato ah ki-atna
ading van kisam kim zo lo hi mahta leh siavuante in amau hihtheih bangin bawl
uh hi. Ki-at a kipat lian uhleh mei mit mawk hi.Ki-atna a vanzatte mei sungah
hal uh hi.Tua bang teng tawh ki-at zo thei uh hi.
Nicky in a khanlawh ciangin sisan tawh kidim
ahihlam mu hi. Nau pen nak nawn lo hi. Siavuante in Nicky nuntakna huut ding hanciam ta uh hi.
Nicky in bang mah nawngkai-na om
lo-in hoihtakin ki-at thei hi. Ki-atna ma zong guu lut lo-in, ki-atna zong dam baih mahmah
hi.
Zato makaipi pa Dr. Olive Kisile in
Franck tungah Pasian in nalamdang bawl hi. Pasian minphat taakcing hi, ci-in Nicky in
pulaak
hi. Mihing muhna panin Nicky a
nungta zo nawn lo ding dinmun ah om hi. Ahi zongin Pasian in a
nuntakna kem hi. Naungek sihzawh kha khat khit ciangin Nicky leh
Franck in dah mahmah uh hi mah taleh Pasian itna phawk thak uh hi. “Ka zi in mundangah
kibawl hi leh
nungta lo ding hi. Nurese, siavuante in thungetna tawh mapang ahih manun ka si nungta hi,” ci-in
Franck in tecipang hi.
Nicky nausuahna tungtawnin a beh, a
phungte in Adventist thuman theihbehna-in nei uh hi. Adventist thu umte pen tuam diak uh
hi.
Cinate kisap bangbang huh uh hi.
Tu quarter Sabbath School 13na sumpi
in Kihshasa Adventist Clinic puahphat nadingin kipuak ding hi. MUC in Tongsial
biakinn
leh huang puah nadingin kipuak ding
hi.
Nung Nipi-a kizaksak om bangin sumpi
khiatngei zah thum khia ciat ni.
