Dec 21, 2019 | Tagah khat in Tagahkepna Lei
Dawi-ai ci-in hong kimu ngei hiam?
Kum 14 a pha Patrick Kayend Omughamay ahihleh a lawmte in dawi-ai nei pa ci-in
sam uh hi. A nu in a sihsan a kipan dawi-ai nei hi.
Patrick in a u pen hi-in nau 8 nei
hi. A nu in innkuan sung kisepna khempeuh vaihawm hi. A nu in a sihsan ciangin
na khempeuh ama lutung hong tu hi. Nasem zo lo ahih manin Patrick in inn khat
pan inn khatah pai-in huhna ngen kawikawi hi. A vengte in dawi-ai nei ci-in
bang mah huhna pia nuam lo hi. Kum khat khitteh khua sung makaite in tagah
kepna-ah koih uh hi. Hih mun panin sangkah hi. Ahi zongin kum 21 a phak ciangin
tua tagah kepna kikhakin a inn uhah va ciah kik hi. A vengte in dawi-ai nei pa
ci-in simmawh uh hi. Tua a kipan kum 2 sung tawntung nuntak hamsa mahmah hi.
Plastic ip sungah tui koihin lampi lamdungte ah zuak kawikawi hi. Hai kung nuai
khatah tawlnga-in nuntak khuasakzia ngaihsun sun hi. Lamet bei hi.
A mai lam ding a hoih pen in a nu
kikhopna biakinn Adventist pawlpi sim loh mun dang om lo ahihlam hong phawk hi.
Sabbath ni khat Adventist siavuan Jack Kavale in khangnote tawh kimuhkhopna
khat nei hi. Nasep, sum zon theih nading kikum uh hi. Patrick in Internet cafe
(internet sai) khat hong ding a lunggulhna pulaak hi. Jack in tua pen sum tampi
kisam ding ahi zongin hong panpih ning, ci-in $ 50 pia pah hi.
Patrick in a cih nading thei pak
lo-in a sum ngah pen upa pa ap hi. Upa pa in “ Nang dang ading na zek
khiatma-in sawm-ah khat khia in” ci-in hilh hi. Patrick in upa pa in ka nasep
ding hong thukimpih lo hiam? ci-in ngaihsun hi. “ Ka kisapzah sum ngah zo lo,
tu n sawm-ah khat khia ding hong sawl sawnsawn, ci-in lungkim mel lo hi. Upa pa
in Lai Siangtho siksanin sawm-ah khat khiat ding vai genpih hi. Tua ciangin
Patrick in $ 50 ap pah hi. Upa pa in Patrick ading thungen hi.
Tu-in Patrick in $ 45 nei lai hi.
Tawl khat khitteh kawl lukhu khat, sabuai khat, cell phone a hoih pha nawn lo 2
lei hi. Sabuai tawh lampi khat ah “ Public Phone” ci-in a kuama peuh in sum
pia-in phone thei hi. A lawmte in Patrick nasep lawhcing lo ding hi, ci-in gen
uh hi. Patrick in ni khat in $ 2.50 khawng bek met hi. Tua hi-in motorcycle
khat kawmin zan ciangin mi pua kawi kawi hi. Khat vei vei ciangin $ 300 met hi.
Pastor in sumhau pawlkhat kaikhawmin
Pasian nasepna-ah kihel dingin thusinkhopna khatah Patrick in thei kha hi.
Pasian nasep nadingin Patrick in zong $ 200 kamciam pia hi. Bang hangin kamciam
pia cih zong thei lo hi. A lawmte in mihai pa, ci-in,
