11. December 14, 2019 | Sup Ding Bangmah om lo
By : Sintayehu Kidane Berhanu, 39
Sintayehu
Kidane Berhanu in Addis Ababa University ah kum nih sung a kahna ah a hun
beilam phawk kha lo hi. Saturday ni-in laivuan ding a theih ciangin, sia-te tawh
va kimu hi. Limtakin degree khat ngah nuam hi.
A
siapa kiangah “ Saturday ni pen Sabbath hi,” cih ka thei hi. “ Ni buppi Pasian
nasem ka hi hi. Biakinn ah ka kikhawm thei ding hiam? ci-in dong hi. A sia pa
in zahpih hi. “Hih college in minthang hi. Biakna tawh kisawh kha lo hi. Hih
bang ngetnate kuamah kipia lo hi,”ci-in dawng kik hi.
Sintayehu in a innkuanpihte kiangah
pulaakin Saturday ni-in laivuan a neih loh ding pulaak hi. Ahizongin a
innkuanpihte in Sab-bath ni laivuan dingin hanthawn veve hi. Germany gam a om a
pa no khat in hopih a, “Na nu le pa in hong nusia khin, nang pen a u pen na hih
manin na naute teng na kep kul hi,” ci hi. US pan a sanggamte khat in “ Sabbath
ni-in laivuan inla, tua khitteh
kituiphum kik in,” ci-in sawl hi. “
US ah zong tua bang SDA thu-um tampi om hi, ci hi.
Sintayehu in a neutung a kipan Akiki
Mission Sangah sangkahin, a sangkahna ah kituiphum khin ahih manin tua bangin a
kigen thute nial hi. “ Khat vei bek mah kituiphum ding hi, ci hi.
“ Mawhna khat bawl ding in tua
khitteh kituiphum kik ding cih pen mawhna lianpi hi; Pasian in a vanglian
Tokhomah tu hi. Sab-bath ni nasem lo dingin thu hong pia hi,” ci-in dawng kik
hi. Pastor khat in Sabbath ni-in laivuan ding hong gen phial leh zong zuih ding
hi lo hi. Satan hong khemna hi. Satan in kum khat tawntung na sangkahna susia
nuam hi. Tua hi-in Sintayehu in Sabbath ni-in laivuan ding ngaihsun lo hi.
“ Pasian in vantungah om hi mah
taleh ka tuahkhak hamsatnate khempeuh thei hi. Pasian in na khempeuh thei-in
Sabbath ni tawh kipelh ding hong vaihawmsak keileh, Pasian in kei adingin a
hoih penpen ding hong geelsak hi ding a, ka ngak kul ding hi,” ci-in pulaak hi.
Sintayehu in Sabbath ni-in a laivuan lo hi. A siapa in kia-sak hi. Ahih hangin
amah kha-sia lo hi. Lamet bei tuan lo hi.
A kum kik ciangin kah kik hi. Tua
siapa mah in Sabbath ni-in laivuan ding gen hi. Sabbath ni laivuan lo ahih
manin tua subject kia kik hi. A thum vei-na hi ta hi. University ah sangkah
thei nawnlo hi. Sintayehu in sangkah thei nawn lo dingin kingaihsun hi. Hi mah
taleh lungkham lo hi.
A omna khua panin tai 25 gamlatna
khua Addis Ababa ah Adventist sang ah laihilh dingin kisam hi. Kum khat khitteh
a sangkahna lui university in a thukhun pawl khat laih uh hi, cih thu za-in,
thum vei lai kia-te GPA 2.0 val a ngahte in university zom kik thei hi, cih thu
a omteh amah zong university sangkah kik dingin va pai hi. A sia lui pa in
mundangah na kituah khin ahih manin sia thak khat in lai hilh hi. Sintayehu in
a li vei phi kikna tawh university panin degree khat ngah hi.
Tua panin Adventist sangah sangsia
dingin kitel hi. Tawl khat nasem khit ciangin sang zopbeh a, MA degree zong
ngah hi. Sangsia panin AWR ah nasem hi. Tu-in TV tawh thugenna khatah nasem hi.
Sintayehu inAddid Ababa Univeristy
sangnaupangte tawh kimuh khopna nei zel zel a. Sabbatth ni tawh kisai buai-na
tuakte thuman thutak tawh nuntak ding hanthawn hi. “ Ka sangkahpih tampi in
university panin degree ngah ngei lo dingin hong ngaihsun uh hi. University pan
degree ngah uh a, nasem pah uh hi. Tu-in ken zong degree ka ngah a, amaute
sangin nasep hoih zaw ka ngah hi. Thuman tawh a nungta lo mi in na khempeuh
suplawh ding a, ken ka hihleh Pasian nei ka hih manin na khempeuh a nei ka hi
hi,” ci-in tecipang hi.
Tu quarter Sabbath School 13na sumpi
in Congo gam Phillip Lemon Adventist University ah hall khat lam nadingin
kipuak ding hi. MUC in Tongsial biakinn leh huang puah nadingin kipuak ding hi.
