1. October 5, 2019 | Kenya
2017 kumin Phylis Odindo a taklam
khe natpi-in na hi. Thuak lah mahmah hi. Kenya gam kisumu khua-ah kumpi zato
khatah va kilak hi. Siavuan, siamahte kuamah omlo (strike) ahih manun kilak
thei lo hi.
Sum neih loh banah a natna dam thei
lo ahih manin clinic khatah kilak hi. A kilahna munah Xray kila thei lo, a
vante nei lo uh ahih manun siavuan pa in a khe tankhia dingin khe- tut thuah
ding gen hi.
Phylis in a tapa khat bek tawh om
hi-in, a khe tankhiat ding ngaihsun thei lo hi. Inn ciah kikin, a khe noptuam
tuan lo hi. Clinic ah hong pai kikin siavuanpa in khuk nuai panin a khe tankhia-in
khe-tut thuahsak hi. Kaal 3 khit ciangin Phylis a cina pha mahmah hi. Tang zo
lo hi. Zatopi ah va kilak kikin Xray kila-a a khe a muat ding kipan hi, cih mu
hi. A khuk tunglam nehto tektek hi. Tua hi-in khat vei a khe attan kik kul hi.
Phylis in a khe ki-at kikin, kaal 3 sung zato lum hi. A cina semsem a lamet bei
hi. A pawlpi- a Nupi Makaipi nu Anna hawh dingin sam a, Anna in Phylis a muh
ciangin lametna om hi, ci-in hanthawn hi. Anna in thungetsak a, tua khit
ciangin tuidawnsak hi.
A zingciangin zato-ah Anna in a
lawmdang nupi kimkhat tawh Phylis kiang va hawh uh hi. Tua bangin ni khat khit
ni khat Phylis va veh uh hi. Church pastor pa leh upa-te in zong va veh uh hi.
Phylis in a lupna tung panin thungen hi. “ Topa aw, hong hehpih in. Bang hang hiam
cihleh tapa khat bek ka nei hi,” ci-in thungen hi. A pasal in a sihsan khit
zawh kum 11 cingkhin a, a pasal nusiat khitteh a tapa khat neihsun in SDA
pawlpi taisan hi. A pasal sih khitteh a pasallamte in inn van honpi khat la uh
a, a tapa hehlua-in tua bangin SDA pawlpi nusia hi. Kenya gam mun khat
khatte-ah zi in pasal nopsak nading masuan lianpi nei hi. Pasal a sih masak
leh, ama sihna a zi kingawh hi. Phylis teek nu le teek pa in zong Phylis pasal
sihna a zi ngawh uh hi.Tua hangin a neihsateng lakhia uh hi.
Pawlpi mite in kha 3 sung nisimin
Phylis inn ah va hawh uh hi. Zato-ah sum bei khempeuh amau mahin siik uh a,
health insurance bawlsak uh hi. Zato pan tuakin a innsapna-ah zong pawlpi mite
va hawh uh hi. Pawlpi mite in ama nisim kitangsapnate huh uh hi.
A lamdang thu khat hong piang hi.
Zato lum cina mi 8 in kituiphum ding ngen uh hi. Phylis tungah a bawlzia-te uh
a muh uh ciangin, hih cina zato lum mite zong SDA suak nuam uh hi. Tua khit
ciangin a vengte nupa 7 in zong tui kiphum ding lunggulh uh hi.
Mundang panin Phylis nu hong tung a,
Nupi Makaite in zing-an limtak na bawlsak uh hi. Phylis nu in tua bangin pawlpi
mite gamtatzia a muh ciangin amah zong Adventist pawlpi ah kituiphum ding
khentat hi. A nu leh a sanggam numei khat kituiphum uh hi.
Phylis nuamna kibehlap a, a tapa
zong tui kiphum a, 2018 kumin zi nei hi. Phylis khe nat a kipan mi 25 kituiphum
uh hi. Phylis in hih thu lamdangsa hi. A tapa in pawl sung hong lut kik hi. Bang
hang hiam cihleh ka khe a kitankhiatna hang hi, ci hi. Tu-in khe khat bek ka
nei hi. Ahi zongin mi tampi in kikhelna-in nei-in mi 25 in pawl hong lut uh hi,
ci-in teci pang hi.
Kenya gamah SDA missionary a pai
masa penpen Canada gammi
A.A.
Carscallen
hi. 1906 kum Britain gam pan va tung a, Kenya a tun zawh kha 14 ciangin inn neu
khat lamin Luo pau sin hi. Luo pau tawh Matthew Lai Siangtho teikhiatsak hi.
1913 kumin British For-eign Bible Society of London in ciaptehsak hi.
Tu quarter leitungbup Sabbath 13-na
sumpi in Kenya gam, Kisumu khua-ah SDA zato inn adingin kipuak ding hi. MUC in
Tongsial biakinn leh huang puah nadingin kipuak ding hi.
