Innkuan Nuntakna Tuktehna Kikhenna (Azom 4)
Kiteenna in Khantawn
Kiciamna.
—Khangnote
adingin kiteenna in lenkhopna-in kingaihsun hi. Kiteenna-ah athupi zaw tavuante
ngaihsun khalo hi. Kiteen kiciamna in sihna in akhenlohin kikhih tawntung ding
ahihna lak hi.1
Zuthawl kipiakna
khempeuh phatakin ngaihsut ding ahi hi. Ahangin kiteenna in khantawn manding
ahi hi. Nuntak laitengin bangci nuntakuh hitaleh kikhen loh ding thu ahih manin
numei leh pasalte in nak ngaihsut masak ding ahi hi.2
Kiteenna
Telkhialhnate Jesuin Puahpha.
—Judah mite lakah pasal khatin thuneu
mahmah khat hangin zi a maktheih nading thu ngah uh hi. Kima khin lehlah a zi
in aut peuhpeuh kitenpih kik thei hi. Hih ngeina in mawhna leh siatna tampi
natun hi. Mualtung thuhilhna-ah Jesu in thumaanlohna hang lobuangin kikhenna om
thei lo ding hi, ci hi. “A zi ama mikhempeuh, mi tawh mawhna losiah a kimak leh
nu-le-pa mawhna a bawl a suak hi: a kima numei a teenpihte zong nu-le-pa mawhna
a bawl ahi hi,” Jesu in ci hi.
Kikhen theihna tawh kisai in Phariseete
in Jesu dong kik uh hi.Jesu in piancil a kiteenna na genpih hi. “Note
ngawngkhauh nahangin Moses in zi ama theidingin hong phal hi: ahih hangin a kipatcil
panin tua bang hi lo hi,” Jesu in ci hi. Eden huan a kiatma-in Pasian in a bawl
na khempeuh “hoih mahmah hi” ci hi. Kiteenna leh Sabbath zong, Pasian’ minthan
nadinga mihingte’ phattuam nadingin a kibawl ahi hi. A siangtho nupa kopte khut
lenin Piangsakpa in pasalin “a nu leh a pa nusiain a zi a bel ding hi: pumkhat
a suak ding uh hi,” a cih ciangin kiteenna in leitung bei dongin Adam suan
leh khakte in a nei zom ding uh ahi hi. Tawntung Pa in hoih hi, a cih in
mihingte khantoh nading leh thupha lianpi ahi dingin a gen ahi hi.3
Khialhnate puahin mihingte tungah Pasian’
lim leh meel a guang kik dingin Jesu leitungah hong pai hi. Israel
siapite lungsimah kiteenna tawh kisai ngaihsut khialhna na om hi. A siangtho
kiteenna na zangkhial uh hi. Mite ngawng khauhlua uh ahih manin thu neuno khat
hangin a zite ma uh hi. A ut leh a tate tawh khenkhia-in a zi zong mundangah
hawlkhia theilai hi. Hihpen gitlohna khatin kingaihsun a, hawlkhiat a ngahte in
thuaksiatnapi nei uh hi.
Hih siatna apuahdingin Jesu hong pai
ahi hi. Kiteen ni khatin Jesu in nalamdang na bawl hi. Kiteenna in asiangtho niin
baangloin a kikep ciangin a siangtho ahi hi, ci in Jesu in tangko hi.4
Kikhen ding a ngaihsunpa
Thuhilhna.
—Kiteen
kizopna na ngaihsutdan pen a khial ahi hi. Kiteenna a palsatte bekin kiteenna
khel thei hi. Hun haksa hunah om i hih manin,
Jesu Chrish sungah upna kip lobuang, ngaihmuan ding omlo hi. Thungetna tawh a vil
hi kei leng, Satan vaihawmna tungtawnin Pasian kiang panin a kikhenkhia thei
vive i hi hi.Na lungsim tawlngasak hi lecin, na cidamna hoih zaw ding hi. Ahi zongin
kimakna tawh kisai-in lungbuai-in, lungsim khaikimlo, tangtakin ngaihsunlo
nahih manin na ngaihsutna maanlo hi. Mihingte in Pasian’ thukham a pelh
nadingun amau adingin thukham bawltawm theilo uh hi. Amaute in Pasian’ dikna
tuktehna thukhamah ahong pailoh phamawh hi.
Zi in pasal
kiangpanin ahih kei leh pasal in a zi kiang panin a taikhiat theih ding pen
lampi khat bek Pasian in omsak hi. Hih thu phatakin ngaihsun un.5
A kikhenkhin Nupate
Thuhilhna.
—Sanggamnu
sanggampa aw, tawlkhat sung na omkhawm kei uh hi. Lungduaina, migitna, leh
kithuakzawhna nei hi le-uh cin hih bangin kikhenna omlo ding hi. Tuate in nupa
kikalah a om tawntung ding ahi hi. Bangbang a piang zongin a kuama peuh in
no ngaihsutna tuktehin vai nahawm kei ding uh hi. Na utbangun khensat ding zong
hi lo hi. Lungsim a nemsak Pasian’ Kha Siangtho in note sungah na hong sem
henla, tate a pantah thei ding lungtang hong pia hen.
Lungtomin, kamkhauh a
pau lo dingin, no deihna bek thu-sa loin, pasal in zi tungah, zi in pasal
tungah thu a khunglo dingin no adingin vantung Pa kiangah kong thumsak hi. Na
nihun a cingtaak lo zia leh tong na nei uh hi. Pasian’ ukna sungah omnailo
nahih manun na kizopna uh pilna omlo hi.
Pasian’ ukna nuaiah a
lutdingin note kong thum hi. Lungsim a nasak ding kampau dingin hong kizeet
ciangin bangmah gen kei un. Hih sanah gualzawhna ngah nailo nahih manun kam
tawh a khial dingin hong kizeet den hi. A khial zongsatna khempeuh gualzawh ding
ahi hi. Pasian tungah kipum ap un. Jesu Chrih Suangpi tungah kia un. Kitamzan
un. Pasal leh zi hihna tawh no leh no ki-uk un. Chrih kiangah huhna ngah dingin
zuan un. A hehpihna a mawkna in note hong pia ding hi.
A beisa na nuntakzia
adingin kisik un. Kitheihsiamna ngahin zi leh pasal-in omkhawm kik un.
Kilungtuaklohna leh lungnoplohna a piangsak a beisa thute nusia un. Topa sungah
thala un. Leitunglam kongvangte khak unla, vantunglam kongvakte hong un.
Khuavak ngah nadingin -thungetna tawh vantunglam kilamto hi le-uhcin khuavak
leh nuntakna ahi Topa Jesu in na thungetna uh hong za ding hi. Amah, Dikna
Nitangin na lungsim khuavak taan ding hi. Ama ompihna khuavak na sungah
nasap leh lungnoplohna a piangsak kammalte na pau keiding hi.6
Lametna A Neilo A Kibawlsia Zi.
—Nong laikhak kangah
hi. D. in kikhelna takpi na muhsak kei leh ama’ kiangah ciahkik ding kong
hanthawn ngam kei hi. Zite tungah a neih lungsim puakte hangin Topa lungdam lo
hi. Tua bangin a ngaihsutlai leh nang mailam ding zong hoih tuam tuanlo ding
hi. Zite bawldan amah in thei lo hi.
Hih thu hangin ka dah
mahmah hi. D adingin zong ka dah hi. Ama’ khensatna zui dingin na ciahkik ding
kong kun ngam kei hi. Nang tunga kong gen bangin ama tungah ka gen hi. Ama’
ukna nuai-ah kipia kik lecin na nuntakna kisia ding hi. Amah a kikhel ding ka lametsak
hi.
Na thuaknate Topa in
hong theihsak hi.Topa sungah thala in. Amah in nang hong nusia lo ding hi.
Nangmah kong hehpih hi.7
A Kinusia Papi.—“Na Singkhuam
Pua-in.”
—Na
vai bang kibawl theilai hiam, ka thei kei hi. Na zi na khahsuah ding longal gen
ding ka nei kei hi. Nang tawh a omkhawm nawnlo dingin a khensat leh omkhop ding
ngaihsutna in gentheih huai hi. Nang a nusia dingin a khensat bangin kipasal
sakin la nasingkhuam pua in.8
Kikhenkhin napi
Pasian’ mai-ah Kiteenglai.
— Gam thukham tawh kikhenna na neikhin
uh zongin Pasian’ mai-ah na kikhen nai kei uh hi. Pasian’ thukhunin sang zaw
hi. Mawhna khat bek om a tua-in nu-le-pa mawhna ahi hi. Tua bekin Pasian mai-ah
nupa kizopna khensat thei hi. Gam thukhamin kikhenna a hong piak hangin Lai
Siangtho muhna-ah nupa mah na hilai uh hi. Tua in Pasian’ thukham ahi hi.
Tua sanggamnu in
pasal dang nei thei lo ding hi. A pasal in nu le-pa mawhna bawl hi, cih lai a kiphah
matengin kuamah dang tawh kiteenna om theilo hi. Tua ciang bekin a deihdeih
tawh kiteeng thei pan hi.9
Thu-umlo Lawm tawh
Kikhenna.—A
zi in thu- umlo a hi-a amah a langpan ahi zongin, tua tungtawn bek tawh a pasal
in a zi-ma theilo ding hi. Pasian’ thukham tawh a kituakin a zi in amah a nusiat
nop kei nakleh a pasal in a zi teenpih ding hi. A pasal pen kilangpanin,
kibawlsia-in, kinawngkai-sak ahi zongin, Pasian kiangah tha la zaw hen, Topa in
a ngen khempeuh hehpihna thupha pia thei hi. Lungsim siangtho-in, thukhun
kician nei-in, khensatna kip nei dinga, bangci khensat ding, cih Pasian in
lampi pia ding hi. Ama thuaknate tawh khensatna nei thei lo hi. Ngaihsutna bek
tawh kikhalna om ding hi.10
Kiteenna kip, Zi in
alungsim Khelzawding.
—
Na pasal kiang panin lai ka ngah hi. Pasal in zi, zi in pasal thukhun tawh
kituakin a khen theih hunin nu-le-pa mawhna bek ahi hi.
Na lungsim a tak tailo
ahihleh Pasian’ minthan nangin na lungsim khel lecin hoih zaw lo ding hiam?
Zi leh pasalin
kizahtakna leh kingaihna a lamto ding uh ahi hi. Lungsim, kampau, leh gamtatnate
uk ding kisam a, khat leh khat thangpaihna a omlo dingin na kizom ding uh hi.
Khat leh khat kikin bawl dinga, khat leh khat na ki-itkim theih nadingun tha na
kipiak ding uh ahi hi.
Na nihun Topa na zongpha
un. Itna leh migitna tawh khat leh khat tungah na tavuante uh kisepsak un.
Pasal in nasep hanciamna nei ding a, innkuan panpih nadingin hanciam ding
hi. Tua in a zi kiang panin zahtakna a ngah nading hiding hi.
Sanggamnu aw, na lungsim
na vom suakleh Pasian lungdamlo ding hi. Na pasal maisak in. Amah in na pasal
hi-a, na tavuante na khitna leh zi na hihna tawh amah na itna in na thupha ngah
nading ahi hi. Na leei-ah migitna nei in. Tua in na thukham hita hen. Na lungsim
na khelkul dinga, zong na khel thei hi.11
Kibatlohnate na muh
uh sangin na hoihnate uh na kilawh nadingun sin pha mahmah un. Ziadam tawh
kizopna in na nuntakna uh hong bawl thaksak ding hi.12
Kikhenna leh Pawlpimi
Suahna.
—A
thuaksia sanggamnu A.G. vai tawh kisai in, mawhna sungah a lut, a pasal vai-ah,
amaute in picinna nei lo uh hi. Ahi zongin pawlkhatte pen pawlpi mi kipia kik
a, kisikna taktak, leh Pasian’ mite santham a ngah uh ciangin a kisangkik hi bek
hi. Hih vai in pawlkhatte haksatna tawh kibanglo a, a nuai-ah kong gen beh hi:
1. Thukham 7na palsatna-ah a mawhlamte
in kisikna apulaak kei uhleh, a suplawh a lawmin ama lampanin buaina omlo in
kimakna a ngahleh, suahtakna ngah ding a, vai a neihleh thusia lai ding hi.
2. Kimakna hangin amau leh amau buai-in,
a tate zong abuaisak uhleh mawhna a neilote mawhsak nading Lai Siangtho in
genkha lo ahih mahbangin kipsuak ding hi.
3. Hun, nasep, thungetna, lungduaina,
upna leh Pasian’ deih bang a nuntakna in kipuahphatna piangsak ding hi. Kiteenna
kiciamna a palsat khat tawh omkhop ding pen mun khempeuh maizumna tawh kidim
ahih manin kimakna in natna tawh kibang hi; kimakna in khantawnding hi a,
lungsim nasak hi. A mawh banglo lamlam Pasian in hehpih hen!. Kiciamma in
kiteenna phatakin ngaihsut masak ding ahi hi.
4. Zahtakkai, mi hoih numei pasal
tampite in vantung a tum khit uh ciangin Satan kiangah mansel takin kizuak
uha, Pasian’ nasepna daisak uh hi. A khakna ah meikhuk tung uh hi. Pasian in
hehpih hen! Mawhna sungah a lutte in banghangin mawhna tawh kituakin kisikna
neilo uh hiam? Chrih kiangah kidenna in hehpihna, leh damna banghangin ngenlo
uh hiam?13
