LONDON—Naupang kum 10 pha minih pen asangvuah
Nulehnu Palehpa te asanlohna hangin sang ni 5 suspended ngah ci hi. Hithupen
June 20, 2019 ni-in apiang hi a asangvuah color zemdingin hi ginalo te limte
akipiak ciangin Farrell kici pasalno khat in ken hih lim zemlo in ka om theidiam
acihciangin Asiate in hipen sanglai hi tuabangin utleh utloh tawh kisailo ding
hi ci in gen hi.
Leitung sia semsem in thuhoih leh thuhoihlo kikhen
theilo zahdongin hunte ongpai ahihman in kidop huai mahmah hi. Tua bek thamlo
in nidang ciangin hisangin ong siazaw semsem lai ding ahihman in thungen in ki
ap ciatni.
1Nitawp ni hun pen a lauhuai hun ahih ding lamtak phawk in. 2Tuahun ciangin mite in amau angsung ding bek ngaihsunin, huaihamin, kisialin, kihisakin, mi zahko-in, nu leh pate' thu mangloin, lungdam theihna mel neiloin, biakna lungsim neiloin, 3mi khualloin, hehpihna neiloin, mi gensia-in, ngongtatin, kihtakhuai-in, thuhoih deihloin, 4ciampelin, thu khualloin, kiphasak gawpin, Pasian donloin pumpi nopsakna bek deihin, 5biakna thu a puathamteng zui napi-in biakna hangin vangliatna thu a omte deihlo ding uh hi. Tua bangin a gamta mite na pelh in. 6Tua bang mite pawlkhat, mite inn-ah va hawh khiankhianin, deihna nam tuamtuam leh mawhna lungsim tawh a kidim numeite na thuzawh uh hi. 7Tua bang numeite in thu a zakzak uh hangin a man leh a manlo khen theilo uh ahih manin thuman thutak thei zolo uh hi.
2 Tim 3:1-7
