NA NUNTAKNA HAKSA NASA LUA HIAM?
A gelh:Mungsan
Nupi naupaai in genthei pipi-in kha 9
bang naupaai-in nausuah hun ciang zong nasa mahmah taleh a nau a suah khit teh
lungkim mahmahin a ta zuutzuut, namnamin a lunguh dam mahmah hilo ahi hiam?
- Naungekte hong suah khit ciangin a pumpi,
lungsim ong khan nop ciang a ci khawngsa-in dam lo thei zel hi lo ahi hiam?
- Laisin dingin sang i pai ciang
siate’n lai-at dan hong hilhin lai-at i
kisinna in laikung (pen, pencil) na letna khutme-te bawk gawpin meima piang
ngei hi lo ahi hiam?
- Gol zawk deuh ciang, siik sakol
(bicycle) tuan dan i sin a, i siam ding
ciang haksat tuahsiatna, kitukna, nak pan si luang, ahih kei leh liamma khat
tek kituak kik tek phial hi lo ahi hiam?
-Tan 10 Lai na sin laitakin haksa sa
mahmah leh lunggim mahmahin ihmut zong
cim ngeilo liang a hanciamin na om hang Tan 10 laivuanna na on (pass) ni-in tua
khempeuh bangmah hilo zah dongin na manghilhin LUNGDAM mahmah hi lo ahi hiam?
Tu-in tuateng khempeuh bangmahin na
phawk nawn kei zongin na tuahkhak hun laitakin nang adingin a lian pen, a haksa
pen hi kha ding hi.
-Tua ahih manin tu a na tuah lunggim
haksatnate in nang a ding a sia leh lungneu nang hilo zaw a, na tuah khak ngei
nai loh, na neih ngei nai loh nuntakna ahi, a Sang / nuam zaw nuntakna na tun
theih nang lampi ong khunsak kahlei-te ahi hi.
-Haksa na sakna a liat tektek leh na
ngah ding na thupha zong lian mahmah a, a liat luat kei leh zong a thuak zote a
ding thupha om veve hi.
Lunggim
lungkham luat nang bangmah omlo hi. I tuahkhak haksatnate in ei a dingin hoih
bel hi.
