Khe Neilo, Nuntakna Thak
September 28
Thirteenth Sabbath Program
Hunpatna La “Kumpipa Bia Un” TD. 3A; SDAH.83
Mipi muakna Superintendent
Hunpatna Thungen Chair person
Tangthu “Khe Neilo, Nuntakna Thak”
Hunkhakna La
-“Bangzah na Lian!” TD.41; SDAH.86 Hunkhakna Thungen -Lesson Hilhpa
Lepani Kuruduadua, 60
Fiji
Lepani in a nuntakna
pen kimanna nei kisa nawnlo hi. Sangsia panin pensen a la, Lepani in, Naqarani
aa biakinn
a puah laitak in,
temta tawh a taklam khe sat kha hi. A meimaa pen dam thei lo hi. Ahangin ama’n
zunkhum natna nei ahih manin nasia semsem hi. A tawpkhakna ah a siavuan pa-in,
a khe tankhiat ding a kul lam gen ta hi.
Operation a man khit
ciangin kha tampi sung lumcip lai ahihmanin, alungsim sungah, nuntakna bang hi
nawn mawkleltak hiam ci-in hong ngaihsun
ta hi. A dahna a bulpi pen in, khe langnih hoih sa-in pawlpi sungah kum 17 sung
tawntung a om sungin Khris kiangah khaa manpha khat nangawn a tutzawhlohna hang
hipi pen hi. Tu-in ahihleh khe khatbek neita hi.
A khe a kitansak khit
zawh khasawm khit ciangin, Lepani in khetuh khat hong ngah kikta ahihmanin
lampai hong kisinkik phot hi. Nikhat khit nikhat, “Khe khatbek ka neih zenzen
hangin, Pasian a’ dingin kasepding om gige hi,” ci-in ngaihsun hi. Thu a nget
kawmin sawtpi laipek a, a pawlpimite tawh effort bawl dingin a ngaihsutsut uh
khua khat hong phawk kik hi. Tua khua ah, Ad-ventist pawlpi mi innkhat a om lam
zongh hong phawk kik hi. Tua innkuante in, a effort bawlna vuah ahuh dingun
huhna nget dingin khensat hi.
Taxi khat kawmin tua khua
ah a va pai leh tua innteekte’ tanu Anna in na dawntuah hi. Amah ahuh dingin a
lamet, tua inn-kuante pen tuikulh galkhat lam panin Nadi khua-ah a peem uh
ahihlam zongh, hong thei hi.
“No innkuan in koi
bangin biakpiakna bawl nei vua?” ci-in Anna kiangah dongh hi.
Tua nu in, pawlpi cih
meel zong anei khol lo Nico tawh khat veivei hun bawl khawm thei zeel ahihna uh
gen hi.
“Tomcik sung thu
ngenkhawm ni maw, Nico’ inn ah zongh hawh nuam ingh ei,” Lepani in ci hi.
Tua khit a sawtlo-in
Lepani leh Anna, Nico’ inn ah, a va hawh uh leh, thakhat thu-in kongg hong
kihongg vat in, pasal khat hong pusuak khia hi.
“Kalaisai, notegeel
pen ka lametet leengla te na hi ve vua maw!” ci-in hong awng khia beba hi.
Nico zongh a
leenglate innsungah tumsak iin, ama’ tangthu bantakin hong suut ngiatngiat hi.
Jesu’ thu a vagen ding mi khatpeuh a vahawh
nadingin thu a ngetngetna thu hong gen hi. A inn ah Pasian’ thu a vagen masa
penpente’ pawlpi ah a lutpah dingin Pasian’ tungah kamciam a piakna thu zongh
genbeh hi. Tua zingsang teekteek mah in, an-sing ding gamlakah a tomtom
laitakin, a ngakngak lenglate hong pai taktak tading ahihna a lungsim sungah na
kilo khol khinzo hi. Thakhat thu-in inn ah aciah pah vinghvengh leh kuamah na
om lo hi. ki pumsil phot in tawmcik sung angak laitakin inn pua lam panin
Lepani’ aw` a za pahlian ahihna hong gen hi.
“No pawl hongsuak pah ning ei. Mai Sabbath ciangin,
kazi le ka tanu thum tengtawh hong kikhawm pah nung ei,” Nico in ci hi.
Amau’ pawl a suahpah nading thu a gen ciangin,
Lepani zongh lungdam lua kisa in, thu hong ngetsak pah hi. “Mai Sab-bath ciangin
nang’ kiangah kong hawh zaw ding a, na inn ah kikhopna biakinn khat i hongg zaw
ding hi,” Lepani in ci hi.
Kha sagih sung sitset, Lepani in Nico’ inn ah
kikhop biak-piakna va neih pih den hi. A khuapih pawlkhat zongh va kikhawm uh
hi. Lepani in tua lai-ah effort a vabawl ciangin, Nico tawh, a zi tawh, a tanu
thumte tawh simkhop in, khaa manpha 16 tui hong kiphum uh hi.
Pawlpi mimal hong khantohna tawh kizui-in, inn sung
aa kikhopna panin biakinn tuam dang khat hong nei-in tua lai-ah hong kikhawm uh
hi.
Tu-in Lepani, kum 60, pha ta a, Pasian’ sungah
angtang mahmah hi. Tu kum sungin khua dang khat ah pawlpi khat phut zo lai
dingin ki lamen hi. Mai kum ciangin zongh, a khua thumna ah pawlpi thak khatmah
phuhzawh lai nadingin ngiimna nei hi.
A khe neih nawnlohna
in a nuntakna kheel ahihna gen hi. “Khe nih ka neih lai-a, ka sep zawhloh, khe
khat ka neih
ciangin ka sem zo hi. Ka sepding nate ka phawk thei zaw hi” ci hi. Tu
ni-a i Sabbath 13 na Mission sumpi khenkhat tawh “Save 10,000 Toes” kici “kheme
10,000 te Honkhia In” cih nasep-na ah ki huh ding hi. Tua pen Fiji gam a,
zunkhum natna daalna nasepna leh tua natna a nei khinsa mite huhna ding nasepna
ahih hi. Phaltak aa nong piakkhiat uh sumpite’ hangin lungdam mah- mah hi.
