Tuahsiatna in Hongnawk Ciangin
Joeli Rabo, 67
Fiji, September 14
Fiji gam-ah Aa-mah-khaan kusale a sem, Joeli Rabo
in a zato lupna tung panin, a gei-a lungkham lua kisa-a mangbangh a nii hong en
to hi.
“Ka ta aw, tua pawlpi
pen na nusiat kul limlimh hi. Ih khua ah nong tun kei limlimh ding hi. Tua pen
nang’ tungah samsiatna ahi hi. Tua bek thamloh in thu upna thak peuhmah i khua
sungah nong phuat peuh mah leh kaamsiatna in i khua hong tuam ding hi. A ni
kibang lo-iin, nang guak in Pasian bia nahih manin lem-vet lo hi. Tua ni pen
maan lo hi. Tu mah in zongh, tua na biakna ni maan lohna hangin a gau na
thuakthuak khin hi.” a nii in ci hi.
Joeli in bandage tawh
a ki tuam beelbaal, a baantawn en-suk hi. Mawtaw tuahsiatna hangin a khut
langnih in kitan hi. A tute nih zong si lailai hi.
Joeli a ki tuiphum
khit ciangin a lamh kiatna ahi, Nabouci-wa khua ah tua a muh thak upna pen
hopsawn ding nakpi takin lunggulh mahmah hi. Himah taleh a khuapihte in saang
nuam dek lo-in, muhdahna bek a thalawh hi. A tamzaw pen a sanggamte, a behte
vive hi zaw lai uh a, amaute ahih uh leh Khrisian mah a kici, pawl dang vi ve
ahi uh hi. Tua pipi mah in, Joeli in thumaan tang-kona khat vaihawm veve a, mi
10 hong ki tuiphum uh hi. Tua khit ciangin biakinn mun ding khat hong geel pah
hi. Biakinn mun ding, pawlpi mite tawh a puahsiang ni ding` hong vaihawm uh hi.
Innmun a puah ni
ding` uh a zaan ni in, Nadi Vanlengtual ah, kum 27 apha atupa kha dingin
zingsang lol takin mawtaw tawh a pai uh hi. A mawtaw sungah a tupa’ nu leh
anaute nih tawh, ama’ ta kum 13 apha khat tawh tuang khawm uh hi.
Zingsang nai 4 pawlin
Joeli lusu kha ahih manin a mawtaw lamnawl ah pial hi. Kum 27 leh 16 apha, a
tute nih a phual mah ah sipah uh hi. Tua a si te’ nu leh kum 13 apha, a tupa
neupen te bel zato ah ki puak hi. Amah pen a baan tegel kitan hi. A tapa
ahihleh lamdang takin them cik zongh liam vet lo hi.
A khua vuah Adventist
biakinn a lamnopna a khawl ding deihna tawh zato a, a lum Joeli’ kiangah, a nii
in a veh kawm in a hopih ahi hi.
Joeli in ahihleh a
lupna tungpan in a nii na en to gige hi. “Nii aw, nang’ tapa khat bek na nei
lai hi. Ni khat ni ciangin
na tapa Adventist
hong suah nading ahih nakleh, Hih zato sunga, lupna tungah si phial mah leng
zongh, na tapa’ nuntakna ki khel nadingin ka nuntakna kapiak theih manin
Pasian’ tungah lungdam ka ko lai ding hi. ci hi.
A nii zongh, a
nunglamah ki heii khiasim hi. A khitui tolh ziahziah hi. Tua bangin kimuang
ngam takin thu a gen hangin, biakinn a lamh zawh ding bel ki lamen taktak zo lo
hi. Zato ah kha tampi a lup sungin, hi bangin thu a ngen hi. “Topa aw, Na
deihna
taktak a sem mah ka hiam, cih ki thei zo nawn
ke’ng.”
Ahizongin zato panin
a tuah ciangin, biakinn lamh nading vai tawh kisai-in, lung hiang nawn vet lo
hi. Ellen White’ cihmah bangin, “Upna hang a, thahna a thuak Abel hun lai pek
pan kipan, Pasian’ mite’ngah thaman pen gentheih thuakna ahi hi. Taanglai i
pupite in Pasian’ tungah a cihtak man uh leh a thupiakte a zuih man un: gimna,
gentheihna thuak uh hi. I pawlpi’ Lutangpipa in zong eite tang’ dingin na thuak
khin zo hi. Ama’ nungzuite leh pawlpi masate in zongh na thuak khin uh hi; thu
umh mi awn tam-pite in zongh na thuak uh hi; puahpha makaite in zongh na thuak
uh hi. Tua ahihleh, nuntak tawntungna a lamen, Khris hong kilat-kik ciangin
pauban om lo-a, a dawn ding’ eite in, amaute’ sangin tua haksatnate bang hangin
thuak ngamlo zawsop ding i hi hi-am?” ci hi. (“Testimonies for the Church,”
Vol. 1, page 78).
“Lungdamna thu a
kigen laiteng, thuakna om ding, banghanghiam cihleh dawimangpa heh hi,” ci-in
Joeli in thei gige hi. Kha khat sungin biakinn lamh kizo siang takpi hi.
A khua vuah biakinn
khat nei ta ahihmanin Joeli lungdam hi, ahizongin Kiuva kici khua ah zongh
pawlpi phuh ding lunggulh lai hi. Himah taleh tua huhau in kuama’ tungah siatna
a tun ding deih lo hi. Tua ahih manin a pawlpi mite tawh na semkhawm in, kaal
khat in nihvei ta ann tang in, tua khua ah inn khat khit inn khat lut in thu va
ngen uh hi.
“Topa aw, ka khua
vuah tuahsia ngiingei khin zo ingh. Tu-in na thu manpha khua dang khat ah ka va
puak hi. A beisa hun a, gentheihna te hong tuak kik sak nawn kei in. Nong
hehpihna tawh abeisa hun a ka thuakna te ka theihkik loh nadingin ka sep-na
peuh ah hong makaih tapeuh in maw Topa.” ci-in nisim in thu ngen den hi.
Lamet ngam hetloh
pi-in, tua khua mite khat in, Adventistte paakta in, a inn vuah kikhopna a va
neih pih ding uh, va kunh bil-bel hi. Tua pa mah in a nunglam ciangin Adventist
biakinn lamh nadingin innmunh khat piakhia hi.
“Thungetna leh
antanna in, pawlpi olno takin phut thei hi,” Joeli in ci hi.
Tua khit ciangin a
khua thumna, Buretu khua ah pai leuleu hi. A pawlpi mite tawh thu ngenin, ann
tangg leuleu uh hi. Tua khua hausapate a innkuan un lamdang takin hong ki
tuiphum uh hi.
Ahizongin biakinn a
lamh ma-un buaina lianpi khat in Joeli hong vaat mawk hi. Tua khua hausapa
zunkhum natna tawh hong si vat mawk hi. “Adventist a suah man-a, daan thuak
hi,” ci-in a khuapihte hong lau ngeingai mawk uh hi.
Adventist nasepna a
do nadingin khua hausapa’ sihna sa-tan in a zangh hilel a, biakinn ahihleh
kilam zo veve ding hi, ci-in Joeli in umh hi. Tu kuata Sabbath 13 na mission
sumpi tawh a kihuh ding ahi, zunkhum natna daal nading nasepna ah amah zongh ki
hel hi.
“Pasian in tua
khuasungah gualzawhna ngah veve ding hi,” Joeli in ci hi. Nung lam a, a nii’
kiangah agen ahi, “Na tapa in gup-na a ngah nading ahih nakleh ka nuntakna ka
pia zongin phamawh sa kei ingh,”acih hong phawk kik hi. A nii’ tapa leh ama’
tate li tui hong kiphum uh hi.
“Ka nii a sih madeuh
in ka va hawh leh, a tapa khat neih lai sunh sunh, Pasian’ thu ka theihsak a,
ka pianthak sakna hangin lungdam hong ko kik hi. Pasian in ahihleh na khempeuh
uk takpi mah hi,” Joeli in ci hi.
