5. August 3, 2019 | A Nasemte khat in Huzaap

A Nasemte khat in Huzaap

Geoffrey Samuel, 51

Solomon Islands, August 3

Solomon Tuikulh gam a, Innlamna Company ah Makaipi ahi Geoff Samuel in, kum khat sung bekbek a, pong 90 (Kg 40) gihna akiam a khutnuai-a nasempa khat a muh ciangin a mit bang umzolo phial mawk in lamdang sa mahmah hi.

Ama’ giltuui veva en kawmkawm in, “Kei zong tua dan in ka hih thei peuhmah tam maw?” ci kawmkawm in a gil zawtzawt hi.

Geoff ahihleh kg 130 gik zen` hi. Kum 10 sung sitset bang sikhang le lungtang kinawhsai luatna natna thuak khin hi. Hanmual lampi pheiizuih hak lo ding`, ci-in amahmah ki ngaihsun hi.

Adventist innkuan panin khangkhia bek lo in, pawlpi sangte ah kah ngei ahih manin Geoff in Adventist te’ cidamna thupuakte pen za ngei bek thamloh in thei mahmah hi. Himah taleh a theihna leh a pumpi pianzia kinaak` lehbulh mahmah hi. Solomon Tuikulh tung aa teng` midangte mah bangin, Adventist pawlpi mite’n zongh nitaak an pen tam neek penpen zawsop uh hi. Tua lak ah, Geoff pen suuk penpen hi.

An a neek ma`in hibangin, “Topa Pasian aw, hih an nongpiak manin lungdam mahmah ingh. Ka gawlduhna a kikeem zo dingin thahatna hong pia in” ci napi, aduh zahzah ne veve mawk hi.

2017 kum kipat lam ni khat, ama’ khutnuai-a nasem ahi, innlam daandingte lim neuneu aa, asuaih siam Herik kiangah Geoff hong pai-iin vaneh pheii pheii hi.

“Tua zahtak a, na gihna na khiaptheih daan ong hilh dih in lawm aw” va ci ngeungau hi.

Herik in zongh Ellen White’ gelh laibu ahi, “Counsels on Diet and Foods-Neekledawn tawh kisai Ngaihsut hoih piakna” cih pen hoih takin sim in, anneek kidawm in, thasaanna bawl a, a zuihna thu a gen hi.

“Kei’ hihdan mah in ong hilh thei mah ning ei” ci hi.

“Cik ciangin kipan thei ding ka hia lawm?”

“Na ut pah naak leh tuni zongh kipanpah thei lel ni ei” ci hi. Anih un Solomon Island Housing Limited zumpi panin hong ciah in, tuipi geii singkung liimliap nuai-ah minit 45 sung

khawng thasaanna, exercise hong bawl khawm uh hi. Setkan 20 sungkhawng bek thasaanna nangawn Geoff a’ dingin hanciam pii mah aa, hanciam hong kuul pian mawk hi.

“Ka kipat ciil ni in, setkan 20 nangawn pen cinh lah dekdek ingh. Ahizongin setkan 5 ta bang ka behlap zawh ciangin ka lung-dam mahmah hi. Tua daan in nisim in tua tanh ta khawng ka beh-lap zawh tohtoh nadingin ka hanciam hi” Geoff in ci hi.

Tua bangin ahih tawntung ciangin a gihna nakpitakin hong

kiam a, midang tampite in zongh hong zom ziahziah ta uh hi. Herik in tua bangin makaih a, Geoff in ahih theih bangin huh den hi. Tu-in ahihleh pawl tuamtuam, biakna tuamtuam pan in mi 200 val bangin nipikaal khat in ni li ta, Adventist te’ neih cidamna ding

aa    thasaanna innpi sungah thasaanna nei dingin hong ki kaikhawm den ta uh hi.

Ahihna peuhpeuh uh thungetna tawh patpih in thungetna mah tawh tawppih uh hi. Kaalkhat in khatvei ta, tua a pai mite’ mi-mal teci panna dingin hun khenkhia uh hi. Herik le Geoff in neek-ledawn a thupi mahmahna bulphuh ngiat in hanthawn den uh hi. Amaute’ ngaihsut hoih piakna te pen Ellen G White tungtawn vive ahi hi.

“Tu-in hibangin i hihnate nuam nasak uh leh, khaalam tawh kisai in koi ci bangin zangh thei ding i hia leh?” ci-in Herik in amaute dongh zeelzeel hi.

“Zingsang simin, thu zongh ngen lai le-uhcin bangzah takin nuamzaw laiding cih ngaihsun sin vua lawmte,” Geoff in na cihbeh hi.

Amau’ pau in, “Hem waka!” (It works!), Senpyi lua si!, hoih lua si!,” ci-in innkhaan lianpi sunga kimawl mite’ kam panin, a pumpi tung uh-ah kilamdanna lianpi ahi, a gihna uh kiam in, a form te uh angei abatkik lam thei ciat uh ahih manun teci panna aw`te hong ging khia ziahziah ta hi.

Herik le Geoff te bel zatui zaha zatsiam siavuan khawng hi se lo uh hi. Ahizongin Pasian’ ngimna bangin mihingte in apumpi uh akep uh ciangin amau mahmahin Pasian’ damsakna ngah uh hi, cih pen Herik te lawmtate in thei uh hi.

Geoff in ahihleh a gihna nidang ngeina a ngah kik theih nadingin a hanciam pianlai kul ding hi. Tu-in zongh, kha 18 sungin pong 80 (kg 35) bang kiam khin ahih manin nidang tawh tehna-in, nakpi takin aheek nuam sa mahmah hi.

“Tu in kei zongh: taai zo, kahto zo, diang zo ta. Kei nangawn in hiciang hih zo ci lengin, mikhempeuh in hih zo in teh,” Geoff in ci hi.

Thauluatna pen Solomon Tuikulh tunga teng mite adingin buaina lianpi khat suak a, zunkhum natna tawh kizom in tua lai-a mite adingin damsakna kisam mahmah hi.

Tu kuata Sabbath 13na mission sumpi tawh “Save 10,000 Toes – Kheme 10,000 te Honkhia in” cih geelna lianpi ahi, Solo-

mon Tuikulh tunga teng mite’ zunkhum natna dona dingin kizangh ding hi. “Save 10,000 Toes,” pen 2017 kum beilam in a ki hongg hi-a, Herik le Geoff te’ nasepna ahi hi. Sabbath School mission sumpi nong piak ciat manun nakpi takin lungdam mahmah hi. Topa’n thupha tampitawh hongthuk kik ta hen.

Pound 90 Kiam Losing 90 Pounds

Herik Dun Siope, 46

Solomon Islands, July 27

Seventh-day Adventist innkuan sung panin a khangkhia, Herik Dun Siope pen Solomon Tuikulh gam a’ dingin vanleng hawl kidemna ah a minthang mahmah ahi hi.

Tahiti a kibawl South Pacific Kimawlna ah Solomon Islands ai-awh in kimawl hi. Tua khit ciangin Fiji a kibawl South Pacific Games ah zongh, a Gam ai-awh mah in va ki mawl hi. Medal tam-pi tak ngah hi.

Tua khit ciangin inn gol pipi akilam ding cianga ki bawl, inn limneu khawng bawlna tawh manlah semsem hi. Zi nei-in ta zong li nei hi. Lai Siangtho sim ngei pha meel lo in, biakinn tawh ki gam la semsem hi. Pumpi taksa exercise bawlna te khawl in, bawltawm ngabungte, aksa bungte, Coca-Cola te khawng tam pipi hong ne hong dawn ta hi. Kum sawmlekhat sung bang sawt to ta-a, Herik pen damdam in a gihna khang semsem in, Kg 105 bang tungto ta hi. Ama’ deih bang bektak pongmaan gihna ahi; pound 145 (kg 65) tungah tampi khengto ta hi.

Ni khat, Herik veilam khepeek hong na pianpian hi. Nipi kaal tampi mah cingto ta-a, tua a natna pen a khe-tawn dongin ki zeel to ta hi. Zatui zaha tawh bawlsak kawikawi taleh kidang meel lo hi. Atawpna ah, lam pai thei nawn lo hi.

Herik dah mahmah hi. A khetawn buppi ah sihuite bingin si hoihtak in kileh nawn lo ahih lam thei hi. Tua hangin a khe pen a ki tankhiat sak kul ding hi. Tua ciangin Pasian hong phawk hi.

“Ka dam nadingin zatui hong musak in, Siavuante kiangah ka pai a, kuamah in hong damsak thei lo hi” ci-in thu a ngen hi.

A thunget khit zawh a sawt lo in, a sanggamte uh Puteek khat in, Solomon Tuikulh Gam i’ khuapi ahi Honiara khuapi sunga, a inn kongkhakpi uh va kiu hi. Tua puteek pa in zongh, “Banghang peuhmah a, Herik lam pai thei lo hiam, va veh dih ning” a cih na thu a gen khit ciangin, Herik in zong a thuteng leh bawl nading zatui a omlohna thu na gen hi.

“Phazo ei, kei ma’n hong bawl ning ei,” puteek in ci hi. Ama’n ama’ bawltawm zatuite tawh nisim in Herik bawl den

hi. Nipikaal thum bang a cinkhit ciangin, Herik dingg thei ta-a,

ahizongin lam paithei nai lo hi.

“Na phei le na tante-ah sagaap om vet lo mawk hi lo ahia! Na khe a’ dingin Exercise na bawl kuul in cei,” Puteek in ci hi.

Herik in a damna hangin Pasian’ tungah lungdam ko kawm in thu ngen a, “Topa Pasian aw, kei hong zangh in. kong ki-aap hi. Mite a’ dingin thupha hong hisak in. Kei a’ ding a nong geelsaksa thute hong musak in,” ci hi.

A thunget a mankhit phet in, Herik in a lungsim sungah thu khat hong phawk vat a, a gihna a khiap ding a kisapna phawk kik hi. A nung guh suk teng na sa ahih manin zan in hoih takin ihmu thei lo hi. Lam a pai ciangin, huih diik dan lem lo in, huih kham lo hi. Agihna a tamluat manin, a khe a na, ahihlam hong phawk khia hi.

Ahizongin koi bangin gihna kiamsak thei mawk ding? Tua leh Herik in Ellen G White laibu khat hong phawk hi. Tua pen “Counsels on Diet and Foods-Neekledawn tawh kisai Ngaihsut hoih piakna” ahi hi. Neekna dawnna in i leitungah mawhna hong tutna thu a sim khak ciangin lamdang sa mahmah hi. Hih mun a sim kha hi, “I nulepa masate in agawlduhna uh a kideek lahna uh hangin Eden nopna a taan mah bangin, Eite lametna bulpi ahi Eden nopna i ngah kik nadingin zongh, i gawlduhna kipkho takin i nialzawhna tawh bek ding ahi hi.” (page 59).

Herik in a neekledawn te nakpi takin hong kheel ta hi. Bung sunga kikoih bawlsa an te nekna hong khawl ta-a, nakpi tak a hanciamna tawh caffine dat kihel dawntheih tuamtuamte hong tangg ta hi. Cikhum zatna le nawi tawh kibawl ante hong ki daam hi. Tuate tang’in Pasian in akipat panin neek dingin a sehsa, sing-gah tuamtuamte, anteh theipuamte, gahlevuite, a hawngkhauh singgahte hong ne zaw ta hi. Tua banah nitak nai li khit in an nek nawnloh ding leh, an gilvah lua a nek loh ding, cihte zong hong hanciam to hi.

Tua banah, exercise laak hong kipan ta a, a kipat lamin bel zingsang simin lamsiau den in, tua khit teh inn ah a septheih ding nasep tuamtuamte sem in tua bangin a pumpi gamtaang saksak ahih manin exercise ngah ta hi.

Kha sawmlenih, kum khat sungin, pound 90 (Kg 40) hong kiamkik in—a hoihsak, ama’ deihzah gihna ah hong tungkik thei ta hi. A ci damzaw bek lo in, ama’ uuk ahi, vanleng hawl kidemna khawngte ah hong lunglut kik zo hi.

Tuazawh kum nihna, tu-in ahih leh Herik kum 46 pha ta a, Adventist pawlpi’ neih ahi, cidamna dingin thasaanna inn lianpi sungah, makaipi sem hi. Upna tuamtuam, biakna tuamtuam, pawlpi tuamtuam panin mi 200 val bang nipikaal khat in 4 vei ta bang hong pai in cidamna hong siim zel uh hi. Tua thamloh in tua amau’ gambup cidamna lam vuankyi zumpite ah zong seminar khawng vabawlpih zel hi. Ama’ cianpiakna te pen Ellen white lai-bu sungpan direct in a lakkhiat vive hi-a, mi tampite, a gik luatna uh kiamin nuam sa mahmah uh hi.

“Hi bangin ka pianna pen Pasian in hong zat nopna khat om a, hong hi ci sak hi dingin ka um hi. Tua bangin Topa Pasian in thupha hong piak manin ka lungdam mahmah hi. Tua in ka khaa tha zongh hong hatsak tuam mahmah hi. Tua tawh kizom in kei zongh hih a neu mahmah lampi tawh mite tungah thupha khat ahi dingin Topa’n thupha hong piak lai nadingin thu nong ngetsak un.”

Tu kuata Sabbath 13na mission sumpi khenkhat pen ka gam uh Solomon Tuikulh ah2017 kum pan a, kipan ahi: “Save 10,000 Toes” cih project ah kizangh ding hi. A cihnopna in, Zunk- hum natna hangin mi tampitakte a khemete uh aki tankhiatna

hangin kheme buisum mite i huut na in, zunkhum natna beisak nading project pen Herik i nasepna ahi, ei pau in, “Kheme 10,000 te Hon khia in” cihna ahi hi. Tua lai-a, sumlepaai kisamte huhna in i mission sumpi kizangh ding hi. Mission sumpi nong piakciat ma- nun lungdam mahmah hi.