Huihpi Sungah Vantungmite
Annie Paama, 48
New Caledonia, August 24
Annie Paama pen New
Caledonia gam, Pacific khanglam tuikulhte aa teng Seventh-day Adventist innkuan
khat sung panin a khangkhia ahi hi. Ahizongin kum 16 aphak ciangin pawlpi nusia
in, a lawmngaihpa Leonce a taipih hi. A sawt lo in, ta nih nei uh hi.
Leonce in dawn thei
hi. Amh sa-in hongciah thei zeel a, thu muumal lo khat peuh tawh thu kiseel
thei zel uh hi. Khat veivei a tate khawng saat thei hi.
Nitaak khat, New
Caledonia khuapi lian ahi, Noumea khua nawl lam a om, a inn vuah, hong ciahtoh
kawm in mualdung mualvaai ah, awng iin, a kuutgawpna aw’ azi Annie in za hi. A
mi-hingpa ngawi ta ahihna thei pahlian hi.
Khuaphia vanging tawh
guah tam mahmah hi. Khuahun genkhol theite’ genkholhna ah, Cyclone Erika kici,
huihpi in New Caledonia gam nuaigawp ding ahihmanin tua nitaak in kuamah innpua
ah pai lo-in innsungah om khinkhian ding ahi, ci uh hi. A mawtaw datsi a bei
mateng Annie in hawl suak hi. Sing-kung gei khat ah lungmuan om tum mel lo in
hong khawl hi. Ahizongin huihpi guahpi nuai-ah tua mun pen muanhuai pen dingin
a lamen hi. Huih khauhpi te in a mawtaw hong muutpaai dekdek a, a sungah khua
nak dam mahmah hi. Puanlum ding bangmah a kigin kholh loh lam Annie in phawk
vat hi.
A tategeel hong ensuk hi. Amaute mawtaw sauveipi
sung tuanguh ahihman un ihmu sip diidee uh hi. Kum tampi sungah Pasian a phawk
ciilna ahi hi.
“Pasian aw, a om takpi mah nahih leh, tu zan sung
kei le ka ta tegeel hong cing hong keem in,” ci hi.
A thungetna a mankhit phet leh aci asa hong gim
ngeungau ahihmanin A tutna nunglam ah kingam in a pualam en khia hi. A mit hak
ngawh in en zeel hi. Meiite hong kizial khia denden in, vantung kihongg a mu
hi.
Tunglam en kawm gega
sa-in, launa tawh a liing hi. Vantungah a tultul-a sim vantungmite kileh suk
kileh to in,
a manlah mahmah uh a
mu hi. Pasian’ Tokhom ka mu kha hiam, ci-in lametna tawh a ngawng hong dokto
geekgaak hi. Tua khit ciangin vantung kikhaak kik in, vantung panin kahlei khat
hong kidawh suk a, a mawtaw gei uh hong baansuk hi. Khauhual pi tawh kibawl
kahlei tawh kibang hi.
Tua kahlei zui in vantungmi thum hong kumsuk hi. Annie’
muh ngei ataang kici khempeuh sangin a taangzaw uh hi. A maitang uh taang lua
ahih manin hoihtakin mucian theilo hi. Amaute saang mahmah in, khaa nei uh a,
khuavaak mahmah tawh kituam uh cih ciang bek mu thei hi. A mawtaw mai-ah
van-tungmi khat va dingg a, a lian mahmah ama’ khaate zal deedaa-in, mawtaw
nunglam dong baan phei hi. A dang nihte pen maw-taw’ vei le tak ah dingg uh a,
amaute in zong a khaa uh tawh a tuam uh hi.
Annie lau lua-in a ci
bang liing keuhkeuh hi.
Tua khit ciangin nute in a tangeek te uh luai
sungah a vei bangin a mawtaw uh hong kiveii diatdiat hi. Tua ciangin mawtaw
sunglam hong lum hithit hi.
Thakhat thu-in Annie’ launateng hong beivat ziau
in, lung-muanna hong nei hi. A mitte hong gik iin, a ihmut hong suak aa, nuam
takin hong ihmu thei ta hi.
Vasa ham ciauciaute
in Annie hong phawng hi. Mawtaw paden maan pan a et leh vantung panin kahlei
khat hong kidawhsuk leuleu khat a mu hi. Tua a keem vantungmite in a kha te uh
khup kik in, kahlei tung tawn to-in vantungah a ciah to uh hi.
Vantungmite in a
nusiat khit uh ciangin, Annie pen—a lau hi lo in, a khuadam lua in hong liing
ziahziah hi. Khualumna in mawtaw nusia ta hi.
Tua bangin a lauhuai
mahmah kawmkaal lak panin, ama’ thungetna pen a kician mahmah in ki dawng
ahihna Annie in thei ta hi. Thakhat thu in a lungtang Jesu a pia pah hi.
“Leitung nopsakna lam
ah cik mah hun in paikik nawn kei ning, Nang a’dingin anungta den dingin kong
kiciam hi, ka Topa aw,” ci-in thu a ngen pah hi.
Bang panin na omkik hiam
theihloh, Annie a nute’ inn ciang a tun nading a mawtaw sungah datsi na om mawk
hi. A lawm ngaihpa deihsaklo lua mahmah ahih manin kum tampitak sung bang ahuh
vetloh atanu hongtun ciangin itna taktawh na muak hi. A mawtaw datsi lei nading
zongh sum na pia hi.
Tua khit ciangin a
inn hong tungkik ta hi. A vengte’ innte khawng huihpi in susia gawpin a om
hangin amau’ inn pen bangmah ci vetlo in a om amuh ciangin Annie in lamdang sa
mahmah hi. A kawm tung vua kisuang Bob marley maante balkeek khia in, a kizepna
suangmanpha te khempeuh nuaizan mangin meikhuk sungah a khuul hi.
Tua bangin anate
akhulna meite akuankuan laitak mahin apasal Leonce, a nasepna panin hong tung
hi. A zi’ gamtatna in alungsim aziinsak laitak in, Annie in alungtang Jesu
apiakna thu hong gen hi. Tua khit ciangin Leonce in azaan zan`-a thupiang teng
adongh buatbuat hi.
“I tate tawh koi
lai-ah na pai peuhmah nei vua leh? I inn ka tuntoh ciangin, asungah kalut leh
kuamah na om lo, na hawm hiuhiau mawk” ci hi.
Annie in zongh apapi,
zukham kawm in, mualdung zuito aa, a ot lualua azak ciangin anupavua kibuan
zawzeen sangin pelh ziau zaw leh aphatzawknate abanban in genkik hi.
Leonce in zongh a luu
damtak in peii mualmual hi.
“Tua bel kei hi kei ning. Zaan nitaak in ke’n zuu
ka dawn loh pi” ci hi.
Annie in ahihleh
Pasian’ na semdingin akiciamna keemsuak hi. Leonce teenpih in, tui kiphum kik
hi. Tua banah Bethany Seventh-day Adventist Pawlpi-ah nidang lai-a, kum sawm
bangh phial asepngei sa, deaconess asem kik hi.
Leonce in vantungmite’
tangthu azaak khit ciangin, a ngongtotna ngeinate hemkhia in, Annie in zongh
tui akiphum nop nadingin thu angetsak hi.
Tu-in kumsawm val
gualgual a phata a tate un zongh, tua bangh zan lamdang sungah akihelkha
ahihlam uh umh zolo phial uh hi. Tuni tuhun in zongh tua bang dan tawh akibangh
thute tuak kha, theikha nuam uh hi. Tua bang om kik thei mah ahihlam An-nie in
atate’ kiangah gen hi.
“Pasian tawh na
kizopna uh hoihtak in kemcing in, kihopih den le uh cin, Pasian, note’ kiangah
hong kilangh ding hi” ci thei zeel hi.
A beisa kum thum
lai-a, Sabbath 13na mission sumpite khenkhat tawh New Caledonia gam a, tuikulh
khat ahi Mare` tun-gah a om, Naupang Sabbath School innkhaan ding nih lamna ah
ki huh khin hi. Mi tampite in Pasian a muh theih nadingin Mission sumpi tawh
nong huh ciat man un lungdam mahmah hi.
gamlatna Kaitaia khua
pan in hong peem dingin a kithawi ngiat uh na hi mawk hi. Tua nupate bel a khua
vuah khrisian pawlpi dang khat ah a kikhawm uh ahi hi.
Sabbath ni hongtun ciangin Williamte’ Biakinn ah
Colin leh a zi Robyn a khatvei na hong kikhawm uh hi. Tua lai-a, pawlpi mi 12
te in lungdam takin na maimuak uh a, thu kigente a ngaih khit uh, hun man
ciangin sun-ann te zongh nuamtak in a nekhawm uh hi.
“Ka pawlpi mite pen pawlnuam thei mahmah in, peem
thak te hoih takin na muak ziahziah uh ahihmanin amaute nupa in zongh kikhop
hong zom suaksuak pah uh hi.” William in ci hi.
Kum 75 a pha ta, Colin pen, World Masters Games
kici, cycle nawhtai kidemna ah medal ngah ngei khat ahih lam hong thei khia hi.
Robyn in ahihleh Hope Channel et nuam sa mahmah a, TV sungah William’ thugenna
ngai kha zeel hi. Sabbath ni in William a nohset kawm in, “Tu peetpeet in, ka
pastor pahtaak penpen pa mu ta ing ei” ci hi.
A sawtlo in Colin le Robyn te nupa in Lai Siangtho
hong sin uh a, tuiphumna ngah dingin kiging ta uh hi.
New Zealand gam aa Adventist pawlpi mite in,
midangte i pawlpi sungah a tutzawh ding uh nakpi takin a haksat mahmah
laitakin, Hope Channel in konggkhak tampi tak hon sak hi, ci-in William in
kipkho takin umh hi.
“Hih pen Pasian in, amau’ buaina mite in a theih
ding uh adeih khol lo mite leh biakinn sung khawng a mi’ muh muh ding a ut khol
lo mite’ tungah Pasian in, a hopih theihna nam khat hi,” William in ci hi.
“Ahangin Hope Channel tungtawn in amaute in a inn sung vuah tu hithiat kawm in
Pasian’ kammal te ngai thei uh hi.”
2016 kum, Kuata nihna, Sabbath 13na mission sumpi
tawh New Zealand gam sunga inn kim-ah Pasian’ thu a kizaak theih nadingin Hope
Channel hon nading nong huh man un lungdam mahmah hi.
