Sabbath Ni-in Na Sem
Sophie Buama, 44
New Caledonia, August 17
2017 kum October
khasung a, Pastor pa in effort a bawlna ah, Thukham Nambat lina a genna tungtawn
in Sophie Buama in Saturday pen Lai Siangtho Sabbath maan ahihna hong saang
thei hi.
Ahizongin Pacific
khanglam Piantit gamkhen khat ahi, New Caledonia khua a, anasep ahihleh khawl
tuan nai lo hi. Sophie in nipikaal khat in ni li sung—Tuesday pan in
Friday—dong, Mare` tuikulh neu tunga, khuaneu khat ahi, Mebuet khua-a, supermarket
khat ah na sem hi. A seppih khat ahi, Celine in, a dang nithum teng tavuan nala
leuleu hi.
Ahizongin khuahun
zui-in Friday nitaak lam pen nai 5:30 pan 6:30 sungin ni tum hi. Supermarket
vanzuakna saiipi pen ni-taak nai 7:00 aa khak ding hi sese hi.
Sabbath ni-a na
sepding pen Sophie patau hi. A nasep nu-siat ding lah dahzeel hi, ahangin ngah
ding haksa mahmah hi. Ama’ khasum mah tawh innkuan khempeuh kivaak hi zeel hi.
Tua ahihmanin a nasep hunsung a kikheel nadingin Pasian’ kiangah thu hong ngen
ta hi.
Friday nitaak khat,
Sabbath ni eu-kha kawmkawm in So-phie in na asep laitakin, a naseppih Celine
kiang panin phone hong ging hi. A seppihnu in, amah pen tuikulh dang khat a,
New Caledonia khuapi ahi, Noumea khua ah a om laina thu leh Mare` tuikulh ah hong
ciah nading vanleng tiket a ngah zawh lohna thu agen ahi hi.
“Hehpihna tawh zing
ciangin kei taang`in nong sepsak pak thei dia?” ci hi.
“Hi thei lo ee. Kei
kikhawm ding hi veng,” “Zing ciang pen ka Pasian biak ni ahihlam nang zong na
theih hi lo maw lawm” Sophie in ci hi.
Tua zawh a sawt lo
in, New Caledonia khuapi mah ah a om, a supermarket neinu’ kiang panin text
message hong lut leuleu hi.
“Zing ciangin saii na
hon kul in cei. Saturday ni-in, na, nasep loh phamawh ei,” ci-in kigelh hi.
Sophie in zongh thuk
kik a, “Hilo hi, zing ciang pen ka Pa- sian biak ni ahi hi, tua manin
supermarket ka hongg theikei ding hi.” ci hi.
Tawmvei khit ciangin, saii neinu in thuk kik a,
“Phamawh kei ee leh. Saii na khaak lel aw.” ci-in hong gelh kik hi.
Sophie zongh hong
patau pian ahih manin, pawlpi mi, nupi khat tawh ki ho hi. “Mihing kihta kei in
la, Pasian kihta zaw in,” ci-in tua pawlpi nupinu in dawng kik hi.
Sunday ni in, a
naseppihnu tung nailo lai ahih manin So-phie in saii hongg hi. A neinu hong
kileh kik in, sai ah heh sa-in hong pai hi.
“Hih sai pen Saturday
ni-in khat vei peuhmah zong a kikhak ngei nai lo hi. Tu-a bangin khatvei zong a
ki khak kik ding ka deih vet kei hi,” ci hi.
Sophie in zong a upna
a pulaak khiat kik kawm in, “Ka tun-gah lawhsapna nong tunsak nopleh suakta
takin sem thei den lel teh,” cih beh hi.
Tua zawh a sawt lo
in, khuapi-ah a tanu tawh a hawh theih nadingin, a saii neinu in Sophie khuan
ni li la thei dingin phal hi. Ahizongin Sophie hong tunkik ciangin, a om loh
sung teng lohkik ding, ci kik miikmeek hi. Tua nili dingte’ lak ah ni nih pen
Sabbath ni tawh kituak sak sawnsawn hi.
Sophie in anasep
pihnu tawh a ni kilaih dingin a hanciam hangin a neinu in phal ngiat lo ahih
manin asep veve kul hi. Sab-bath ni tegel in Sophie in na sem hi. Zan thapaai
in Sophie ihmu thei lo hi.
Lungkia ngeungau
takin thu ngen aa, “Topa Pasian aw, Sabbath ni-in hong suakta sak in,” acih
banah pawlpi mite-in zong angetpih dingin acial hi.
A sawt lo in, saii
neinu in, nasep hun ding hungeelna thak khat hong pulaak hi. Ama’ sawlna tawh
kizui in Sophie in nisim in hunval sem khaden ahih manin a sum tampi piakbeh
den kulzel hi.
“Tu-a kipan in,
Sunday pan Wednesday dong sem ding hi cei,” Sophie’ kiangah ci hi.
Sophie in a bil, umh
zolo phial hi. A inn ah hong ciah saisai in, a pasal’ kiangah tua thu a pulaak
kawm in lungdam lua kisa in nuinui kha hi.
Tu-in ahihleh, Sophie in nidang sangin sum
tawm ngah zaw hi. Aih hangin phamawh sa se lo hi. Sabbath ni-in Pasian bia thei
hi.
“Ka khasum thupi kei,
Pasian tawh ka zatkhop hunte thupi zaw,” “Sabbath ni in suakta taka ka om theih
pen ka lungdamna hi” ci hi.
A beisa kum thum lai-a, Sabbath 13na mission
sumpite
khenkhat tawh hih
Sophie te’ biakinn zong a kihel pah, Naupang Sabbath School
innkhaan ding nih lamna ah ki huh khin hi. Nau- pangte ahi-a, uhaamte
ahi zongin Pasian atheih nadingun lampi hong honsak, phalna
tawh nongpiak uh mission sumpite hangin lungdam mahmah ungh.
