Upper Myanmar President asem Pr Kap Lian Thang in
Ngente
Pawlpi zol
Atung
a i thulu tawh kizui in June/5/2019 Wednesday ni-in UMM President asem Pr Kap
Lian Thang pen Ngente pawlpi in sam hetlo pi-in vapai to hi. Tua bangteng tawh Pr Kap Lian Thang pen Ngente
ah pai ding cih ka theih ciangin ka paileh inn mai ah mawtaw khat na khawl veva mawk a tua pen Pr Kap
Lian Thang te ii zat mawtaw na hi hi.
Nitak
nai 8 hunin Upa Pa te inn ah thu kikupna om ding ci in ong kigen ciangin kei zong ka na pai hi Mizo sia te pawlkhat leh Pr Kap Lian Thang na
om uh in mizo sia Pu Faka acih pa in chairman dan semin Pr Kap Lian Thang in
dot nop kup nop na neih uh leh ci in ong gen hi Pa Pau Mang in dotna nih ong
nei masa hi. 1. Mission tawh kizop kei leh gupna ngah lo ding maw? 2. Tithes
tawh kizop kei leh gupna ngah lo ding maw? Cih hivnamnih dong masa hi Pr Kap
Lian Thang ii dawnna ah Gupna ngah tawh kisai pen Ei mimal leh Pasian kizopna
hi ci in dawng hi.
Tua
pan Pu Tawng Pau in Sia aw Div Pre in ong makaih in Union, Section, Conference
panin mi nga ta meeting kah ding acih pen koici dan ciang hiam ci in dong hi.
Siapa in tua te pen Union in thei zaw in teh ci tam gen theih mel kei Pr Kap
Lian Thang in bel Conference ngah ngei kei nuteh, Division pa, GC president te tawh zong na makai te uh akimu
khin sa hi ci in gen. Amau lungsim tawngah ong khaktan nuamlua, ong panpih nuamlo lua leh ong gal neihlua ahihna kilang hi. 1987 pekpan in ong khaktan Zomi mipil kisa te, leh sila lungsim nei Zomi pawlkhat te leh Khanglam makaipi te ong bawldan hidan hiven maw ka ci hi.
Tua
pan kei zong ka gen theih danin na gen to in Conference te in 28 beliefs pan
apialna omlo, manual te policy te mah kizui hi. No conference te pen kha
mangthang dan a ngaihsun mawk. Sia Do Pau tapa Khup Za Tuang pen Nanphalong a
Conference Nu Cing tanu tawh akiteen lai in a chairman sem pa in tu in conference
panin khamangthang khat ngah hi hang Haleluijah ci zen hi. Tua bangzah ding
liangin Mission te Pasian zah a ngaihsun in conference te dawi bangin ngaihsut
zahdingin bang laisiangtho leh SDA doctrince tawh kipelh hiam cih donglenglah
dawnna ding om tuanlo hi. Hi bangin Conference te SDA doctrince zui in ei SDA upna
lencip te zolzol sangin lawki te sunday tangte zol in Pasian thu, Sabbath
thuman gending hizaw ahi hi. Ahizongin kawlgam Mission te nasep pen tua hilo in
dahhuai mahmah hi. Ataktak in Mission in
Pasian thu tangko in Conference in zong Sabbath thuman tangko ding ahi hi. Tua
ding mah in kibuai saksak nawnloh nadingin kum tampi zum kong mangkong ah
sumleipaai, hunlehni te tampi bei khin ciangin thukimna la in kibuaisak lohding
ei muntuakpan Pasian nasep sem ding ci in Agreement kibawl khin a hi hi.
Tuabang
teng tawh Ngente Upa pa in bel ko Mizo
te ii Conference ngah zia khawng ka muh uh ciang Conference a deih ngiat hi ung
ci. Mission a ka om lai un Worker khat bek ong kipia tua hun lai in Ngente ah
kumpi sang sangin Pawlpi sang ong kizuan zaw tham. Sangnaupang mi 70 bang apha
pen worker khat bek ong kipia.Conf in worker thum bang ong pia hi. Ka hamphatna
uh. Cihkhawng zong gen. Biakinn lamna di zong ong huh hi ci in gen
Dawi
Mangpa in ahun tom salua ta in abeisa hun a thukhenzum a kitut hun te bei ta in
tu in member te local Church te ah Dawimangpa ong vak kawikawi hi ta aitam maw,
Pasain nasem te mah Dawimangpa in zang nuamzaw ding a ci in ka ngaihsun hi.
Pilvangin kidawm tek ni.
Pr.
Kap Lian Thang in bel Pr. Kha veilua ahihman in apaito hing ci hi, ahizong kha
vei taktak ih hihleh aom sa, thu um sa te ih va suksuk sangin aza ngeilo, aza kha
lo pawldang tampi tak om a Mission in fund gamdang huhna mah lamen a mikhamul
nuai ah ih ngah sum lom pipi te tawh Pasian nasem leng bangzah in ih Topa
lungdam ding hiam ci ingh e. Mimal
kimciat in akhentel theidingin thupha namcin Topa in ong pia ta hen Amen.
