BRAZIL
| June 1
Beatriz
de Jesus Santana, 23
Brazil gam a Itaparica kici
tuipigei sehnel tuikulh tungah khangnote in kumthak dawn in Pasian tungah
thupha ngen luakisa in maanhai te sungah a san kilkel te tawh a haite uh laamto
in kituah sak ziahziah uh hi. Khat in, “Pasian aw kum tawntung na thupha hong
pia in,” ci-a, adang khat in, “Hong hausak in” ci-in, a thumna pa in, “Ka
ngaihnu ding hong musak in” ci hi. Beatriz in ahih leh a lawmte’ thunget teng
Aratuba Beach kici, mi painop mahmah na khua, a khua uh Salvador panin ferry tawh
nai khat khawng kipai lai-in, tua khua ah mi awnthum bang a ten na, tuipi gei
panin na ngai hithiat hi. Party pawi bawl na leh zudawn na in bang hangin a
nuntakzia khangto sak thei mawk hiam cih lamdang kisa hi.
“Pasian’ kiang pan na khat
pepeuh ka ngen nuam kei hi. Tu kum sunga hizah thupha hong lutna hangin Pasian’
tungah lungdam ka ko nuam zaw hi” Beatriz in ci hi. “University Scholarship
ngah lai, engineering company panin internship hoih khat ngah sawnsawn. Na hoih
tampitak tukum sungin hong piang hi” Beatriz in ci hi. Kaal kik Monday ciangin
nasepna ah Beatriz ngap phamel lo hi. Zumkhak sung tengin tha beisak lua kha
hi. A boss, Ana Christina in hehpih tak in a kiangah vatu kawm in a cell phone
sung pan minit thum khawng a sawt video khat hongkawm hi. Pastor khat in Jesu
thu a genna Beatriz in lunglut takin hong en hi. Tua Pastor pa in a dangte’
gendan in gen lo hi. A zingsang kik ciangin Beartriz in a dang video
tomnono te Ana Christina kiang pan a cell phone sunga WhatsApp sungpan ngah
leuleu hi. A zing ciangin video dang khat hong tung leuleu hi. Tua bangin video
te a banban in en a, thugen Pastor pa’ omzia le heekzia te pen a lungnop huai
hithiat mahmah-na amuh ciangin lamdang sa mahmah hi. Beatriz i’ pianna apa pen
azi tawh a kikhen khin, zu a
dawndawn mi khat hi-a, a pata un kitawng thei zel uh hi. A kitotna uh a bulpi
pen in Beatriz zong party pawite ah pai in zudawn hong kipatna pan hi pha pen
hi.
Ni tampi khit ciangin Beatriz
in tua pastor pa’ min pen google sungah hong mu hi. Tua Pastor pa pen Ivan
Saraiva hi-in, Adventist Hope Channel pan in TV ah Portugi pau tawh “It Is
Written” a genpa ahi hi. Beatriz in TV pan in hoihtak in ngai den a, a thuzak
te maan maw maan lo ci in ama’ Lai Siangtho tawh taih den hi. Thukham sawm leh
Sabbath thu hongzak ciangin lamdang sa mahmah hi. Nipikaal thum sung vilvel TV
program pan in Lai Siangtho a sin khit ciangin Beatriz in a beisa hun a,
akhialhna te Pasian’ tungah mawhmaina ngen hi. Pasian sungah a lungsim sungkhia
in, a thungetna pasian in adawn kipatna ahi hi. Kikhop nading biakinn hong zong
ta hi. A lawmte khat in Sunday biakinn khat ah zol ta leh thukham lina sunga
Sabbath kici pen tawhkituak sa lo in, bangdia ka lawmte’ pawlpi in Lai Siangtho
zui lo ahi tam maw, ci in lamdang sa mahmah hi. Ana Christina in Beatriz Pasian
tawh kizom ta ahih lam a theih ciangin, mi 12 khawng a kikhopna Sabbath School
ah zawn hi. Tua kikhopna inn ah kikhop pen Beatriz in nuamsa mahmah hi.
“Angpomna tawh ong ki nohset in, ong ki welcome mahmah hi. Lungmuanna taktak
tualai mun ah ka ngah hi” Beatriz in ci hi. “Bang hangin ong theih ngei nailoh
pi uh sanggam bangin hong bawl thei mawk uh ahi tam! ka ciah ding ciangin, ‘na
sunpha oh leh’ khawng bang hangin hong ci tangtang uh a hi tam!” ci-in a pawlpi
muh thak te’ om zia pen lamdang sa in nuam sa mahmah hi. Amaute in ka Lai
Siangtho theih dan hong theitel nuam uh a, koi bangin sin cih hong thei nuam uh
hi. Kei kua taktak cih ong theih ma na ngawn un amau te in kei hong kinbawl
mahmah uh hi.
Pawlpi mi
sungpan khangno nih Amanda leh Vitor te in Sabbath sim in Beatriz tawh Lai
Siangtho sin khawm den uh hi. Atawpna ah Jesu honpa le gumpa in hong sang thei
taktak ta ahih manin biakinn huangsung a, tuibualna sungah hong ki tuiphum ta
hi. Tua lai-ah Ana Christina nuamlua in kap khia hi. Tu in Beatriz in a pa, a
nu leh a u pa te in Jesu a san theih nadingin thu ngen den hi. Tu-in a upa in
zong Lai Siangtho hong sinsin nuam ta hi. “Up theih nadingin nalamdang ka zangh
kei hi, na lamdang cih pen piangthei ka sa kei hi. Ahi zongin Pasian in
kasungah amaan nalamdang hong piangsak hi. Party pawibawlnate le zudawnnate ka
sung panin beisiang sak hi. Tua in Jesu a lut theihnadingin a hawmsuah sak ahi
hi,” Beatriz in ci hi.
Beatriz in nung kum in kumthak
pawi a lawmte Adventist innkuan khat tawh bawl uh a, tua lai-ah azusuah lo
lenggah tui dawnkhawm in Pasian’ piak thuphate’ hangin lungdam ako uh hi.
“Pasian tawh kinai semsem dingin ka khangto nuam hi,” “Beihun anei ngeilo ding
Pasian itna ka lunggulh hi” Beatriz in ci hi.
Tu kuata
sabat 13na mission sumpi pawlkhat tawh ka biakinn ding uh inn-biakinn pan in
biakinn tatak khat ka lamnuam uh a, tua sung mah ah, cidamna tentan, anhuanzia
tentan te kipiak theihna ding innkhan golpi te zong kilam ding hi. Mission
sumpi nongkhiat man un lungdam mahmah hi.
