8. PASALNO NIH KEM
ARGENTINA
| May 25
Juan
and Juanita
Africa gam-a
Seventh-day Adventist zato huang sung a om, Juan le Juanita te’ inn kongkhak
naupangte in hong kiukiu uh hi. Juan le Juanita te nupa pen Argentina pan in
kumkhat sung zatui lam tawh pasian nasem dingin khasum tawmcik saangin hong
kipiakhia uh ahi hi. Ahi zongin a anbuk sung pan un buhtang leh a dang nektheih
tuamtuam te angtang takin hawm khia den uh hi. Lung noplohna khat hong om hi.
Naupangte in bel nekding ki tasam lo na pi, lungnopna ki tangsam uh hi. “Ko le
ko mah, mi a huh takpi mah i hia leh?” ci-in ka ki dongdong uh hi. Naupangte’
kisapna a telzawk nadingun Juan leh Juanita a kiim vua khuaneu a khangno kum
sawm val nasep kician neimel lo gualte’ kiangah va hawh uh hi.
Tua lai-ah
naupang khat’ inn a muh uh ciangun lamdang sa mahmah uh hi. Tua pa in nau
pasalno kum 3 khat leh kum 5 khat nei hi. Phalbi sung hi sawnsawn in tua
pasalnote cina in om uh hi. A upa uh kumsawm gual pen inn ah om man ngei khol
lo hi. Tua nupa te in, tua pa’ naute’ dam nadingin nisim a neek ding uh zatang
a piaksak ding ngaihsut uh a, piak dingin zong khensatna nei uh hi. A inn vuah
inndei awng khat a omlai lam hong phawk uh a, tua pasalno cina tegel zato huang
sungah ni 10 sung zatui tawh bawl ding in hong ciah pih uh hi. Naupangte hong
nuamtuam ta-a, pa neilo ahih lam uh Juan le Juanita in hong thei khia uh hi. A
nu un gamlapi pek ah na sem a, atate bangmah khak zolo hi. Juan te in tua naupang
gel kepsuak dingin khensat uh hi. Amaute in zong tua naupang tegel a kisapna
khempeuh uh guan a, sang ah a min uh ap in, Sabbath School ah paipih den uh hi.
Innkuan hun a bawl laitak un
tua naupangte in Lai Siangtho sunga tangthute lak ah Pasian’ mite saltanna pan
a ki paikhiatpihna thu te pen amau nuntakna tawh kibang kisa mahmah uh hi.
Naupang mahmah lai uh hitaleh amau mah in a nasep dinguh zongtawm in na semthei
uh hi. Zingsang khat Juanita a thawh leh kum 5 phapan naupang pa in a khemuk
tawh deldin in pakan te a na sawpsawp laitak mu hi. “Ka zi a nuihsan phei kawm
in, no tawl mahmah ding a, tawmvei na tawl ngak tuam theih na ding uh a ci hi
ing, tua pasal no in ci hi,” ci-in Juan in genkik hi.
Hun hong bei toto in, Juan le
Juanita te nupa in tua naupangte’ nu tatak mu nuam mahmah uh hi. Aman zong a
tate it mahmah ngai mahmah ding ci-in ngaihsun uh hi. A kipumpiak uh
kum-khat-nasepna-hun hong cing ta-a, tua naupangte gel tua khua mah a, a lawm
te tawh a om theih nading uh mun hong bawlbawl sak ta uh hi. Tua zawh a sawt
lo-in Juante nupa zong mundang ah a sem dingin ciah kik ta uh hi. Akep uh
naupangno te’ upa kum 10 gual pen si khin ta hi cih thu hong zak ban vuah tua
naupang tegel zong a nu in lakik hi, cih thu za uh hi. Tua thu a zak ciangin
Juan zong, tua nupinu leh atapa nih te’ kiangah va hawh hi. “Amaute tawh ka va
kimuh bel thupha taktak hi. A nu uh zong ithuai mahmah hi. Naupangte bel tawm
zahkai pian uh hi, ahangin kimuh loh hong sawt kik pianta aih ciang aa,” Juan
in ci hi.
A kipumpiak nasep uh a nihveina
kum hong cin leuleu ciangin Juante nupa in tua a kigawmkik nuta innkuante’
kiangah atawpna dingin vahawh ding khensat uh hi. Tua mah bangin nipikal khat
sung bang Juan amaute tawh vakimu in kilawmtatna zong va nei thei kik uh hi.
Juanita ahih leh inn nasep ding om ahih manin nasepni te vaciah kik pak in,
zumkhak nite ah va pai kik hi. Juante nupa in tua innkuante, naupang Lai
Siangtho sinna bute leh amau’ pau a kigelh ‘Kidona Lianpi” bute zong letsong uh
hi. Singkung nuai khat ah amauteng mah in Sabbath School leh Sunhunpite a bawl
khit uh ciangin mangpha kikhak in ciahsan kik ta uh hi. “Tua hun bel nuam in
hoih sa mahmah ing. Ahangin ka nuntakna sungah a khanlian khat a kikhak ta
bangin ka ngaihsun
hi” Juan in ci hi. “Ka tuhsa uh
khaicite Pasian in tui nong buahsak ta hen ci-in thu ka ngen uh hi” ci lai hi.
Tu in Africa mite kiang a, a nasepna un Juante nupa lungtang pumkhel hi. Ellen
G White pen laigelh siam bek hi kei in, mailam thu a mukhol taktak mah hi, ci
in Juante nupa in phawk thakthak uh hi. Amah in a nungta upna zong nei-a, a kam
tawh a pulaak khiat thuhoihte a nuntakna tawh taksuak sak in akisam, agenthei
naupangte a ma’ inn ngiat ah kem in huh hi.
“Kei-a dingin hih pen tawlanzi
taktak hi” Juan in ci hi. “Pasian nasem tampi tak na mu ding uh a, ahi zongin a
mission nasep a inn vuah a ciahpih mi bangzah na mu ngei uh hiam? Hih bangin na
a sem mite in vantungmite zin a dodo uh ahi hi,” ci-in a deih mahmah Kamsangnu
laigelh ‘Khangtawn Lunggulh’ laimai 639 sunga laigual pawlkhat mankawm in Juan
in gen hi. Tua sungah, “Khris i’ genthei liangvai atate a’ dingin na kongkhak
na hon ciangin muhtheihloh vanmite a muak na hi hi. Vanmite tawh kilawmta ding
a, a sam na hi hi. Amaute in a manpha nopna le daihna hongpuak uh hi. Amaute muk
panin pahtawinate tawh hong pai uh a, vantung in khauhtak in thukim pih hi.
Lainatna tawh kisem khia khempeuh in tua lai-ah music hoih pente a suak hi. A
manpha mahmah a sumkhuk ahi, A mite lak ah angsung khual lo tak a, na a semte,
Ama’ tokhom pan in Pasian in na simsim hi.”
Naupangte ahuh lai-in kum 30
pha-a, tu-in kum 34 a pha ta, Juan in ei Adventist te, i lungdamna thupuak
khiatna ah lettuih a, i zatkhiat ding leh i mission nasep pen i inn ah i
ciahpih ding, Pasian’ hehpihna tawh mite’ lungsim tawng i ngah zawh ding hong
kunh ngiat hi. “Hih pen kei-a’ dingin lungtang hong khelngiat atuih acung hi”
ci-in mission nasep ding lungsim ngiat tawh a khangkhia Juan in gen hi.
