6. JESU A’ DINGIN KIPUMPIAK
URUGUAY |
May 11
Miguel Amaro
Speranza, 69
Miguel kum 69 hi ta napi thahat
mahmah lai hi. Sawt lo lai-in a lawm Yraldino “Dino” Fernandez kiang panin
sapna lai ngah hi. Uruguay khuapilian Montevideo ah Laisiangtho hilh ding ahi
hi. Miguel leh Dino te in Adventist biakinn omnai lohna tua district sung, mite’
innte ah laisiangtho va kuppih uh hi. Kum khat khit ciangin Daniel le Mangmuhna
sung sinna nei dingin mite kaikhawm uh hi. Mi 16 hong ki tuiphum uh hi. “Tua
thusinna banzom in pawlpi phuh ding ka khentat uh hi” Miguel in ci hi.
Miguel, a dang pawlpimi honkhat
leh pawlpi mithak 16 te tawh inn khat saap in, Sabbath sim in tua lai-ah ki
khawm uh hi. Vengkiim ah puansilh leh anletui tawh a va phak zel uh ciangin,
kikhawm mi hong ki behlap toto hi. A kikhopna inn uh hong hawmthawh ta uh hi.
Biakinn khat lamzawh nadingin hong ngaihsun uh a, kiim lepaam phakna ding mun
phualpi khat zong neihzawh ding hong ngaihsun uh hi. 2016 mission sumpi
khenkhat tawh leitung buppi Adventist pawlpi mite in nong huh uh ciangin La
Teja Seventh-day Adventist pawlpi in a mau neih taktak biakinn leh Lifestyle
center khat a ki nei zo ahi hi.
Tu-in ahih leh Miguel a lungdam mahmah hi. “Eite’ ngimna
bulpi in i vengte vapha ding, huhding panpih ding, inn neilo te dongin i huh
ding hi” ci-in pawlpi anhuanbuuk sungah anhuandan tentan apiak laitak in
thudongh te’ tungah gen hi. “Mi khangto nailo, mizawng tampitak i kiimlepaam ah
om lai hi” “Tua te i huh ding hi” ci hi.
Tangthu
nihna
Hih pen Miguel in Jesu kiangah
mi a tunpih cilna hi lo hi. Amah leh El Prado in pawlpimi honkhat tawh Montevideo
khuapi kiu khat a, innlelo zong neilo, tuipuan buuk peuh, leng’tung peuh ah
ateng’, kikhual namel neilo alauhuai mahmah mite’ kiangah zong a pai ngei zel
uh hi. “Mi nga in laisiangtho sinpihna 25 te’ tungah Sabbath sim in ka nei den
uh a, nekding an zong ka puak uh hi. Tua mite’ kiangah va pha in a kisapna uh
huh ding ka hanciam den uh hi” Miguel in ci hi. “Pawlpi mite in uham 47 leh
naupang 90 te kote honghuh dingin hong sawlden uh hi. Tuate in tuuk hun sungin
tuikhan ciangin a belh theih ding uh inn khat hong lampih uh hi.”
“Tua lai-a mite, Adventist
biakinn ah kikhop hong kisin pianpian ta uh hi. Pawlkhat sakol tungtuang in
hong pai uh a, pawlkhat te leng’ tawh hong pai uh hi. Tua bang a ka hanciamna
uh thaman in mi 21 hong ki tuiphum uh hi” Miguel in ci hi.
Tangthu
Thumna
Miguel in kum 27 sung Uruguay
gam ADRA ah a sep sungin a phawk phat deuh mi khat om hi. Tuapa pen Walter
hi-a, inn neilo, zunkhum nei in a khe a om nawnlo, Montevideo-a, ADRA ah huhna
ngenpa ahi hi. Walter in nekding neilo, munlemual neilo-a, Miguel tawh hong ki
theih ciangin, laisiangtho hong sin thei hi. Ni khat Miguel in Sabbath sermon
ding an huan kawm in a ki gin laitak, Walter in, “Bang thu gen ding na hia?”
ci-in dongh hi. A tuikhalset kongkhak tunga lim kisuang tawh kisai gen ding
ahihna Miguel in gen hi. Tua lim kisuang pen ‘naupang khat in ninbuakna ah nek
theih ding a om hiam, ci-a azong kawikawi lim’ ahi hi. Tua lim gei ah dotna
khat ki suang a, “Bang hangin thuumthuum na hiam” cih ahi hi. Tua ciangin
Miguel in a laisiangtho
hongg in Jesu in a nungzuipi te
kiangah a gen, Luka 9:13 sung hongsim hi. “a nek dingun nek theih khat peuhpeuh
pia un,”. Anlum le ngasa tungah na lamdang apiansak mazek in Jesu in a tom
mahmah thupiakna khat na nei hi. Miguel, a anhuan-na ah kileh kik hi. Walter in
lai khat gelh saisai hi. Tawmvei khit ciangin Walter in tua a laidal Miguel
khutsungah pia hi. “Hih pen a kizang thei takpi mah ding ahih leh na sermon
dingin hong pia ingh” ci hi. Miguel in a thugen hun sungin tua laidal sim hi.
Pawlpi mite kap uh hi. Jesu in amaute tungah akhak dan dingin Walter in gelh
hi. Tua lai sungah, “No te na thuum thuum uh hi. Ahih hang, en dih un: Na
kiimlepaam vuah inn neilo, nekding neilo, silhding neilo mi tampi om hi. Note
in na tawlngak nading uh mun na nei uh a, annek tuidawn, nikten puansilh na nei
uh hi.” cih teng a gelh khit ciangin Walter in, a ma’ tangthu gelh beh hi.
“Ne-in dawn-in, laam-in diang-in nuam kasak pih lawm tampi ka nei ngei hi. Tu
in amaute in a haksatna te uh thuum pihpih uh hi. Ken bel, ‘Bang thuumthuum
bang tautau pih nei vua leh? Kei hong en sin vua. Zunkhum nei in khe ka nei kei
si-a!’” cih teng a gelh hi.
Tua zawh kha tampi khit ciangin
Walter in a lungtang Jesu piakhia ta hi. A ki tuiphum na tui sungpan hong paikhiat
ciangin hi bangin awngh khia hi. “Lungdam ei Topa Jesu aw”. Walter’
gualzawh-otna awging Miguel in tuni dongin abilkhaa-in zaza lai hi. A ki
tuiphum zawh kha khat leh alang ciangin, Walter in nusia ta hi. “i vantung Pa
Pasian in inn ah hong ciahpih ciangin kimu kik dingin ka ki lamen hi” Miguel in
ci hi. “Amah tawh hitaleh, Pasian in a ma’ lungdamna thu hong gensak a zakha
mite tawh hitaleh akimu kik dingin ka lamen hi” ci hi.
2016 kum 13th
Sabbath a, La Teja pawlpi ading in, mission sumpi nong piak man un lungdam
mahmah hi.
