10. A KIDAWNG PAH THUNGETNA NIHTE
BRAZIL
| June 8
Gilberto
Ferreira da Silva, 68
Gilbato pen biakinn ah kikhop ding
nangawn a lunglut ngeivet lo khat hinapi bangthu hanga, Lai Siangtho sim ding
hong lunglut vat mawk cih amah le amah nangawn ki thei zo lo hi. Ki nak hanthot
lua mahmah ahih manin Brazil mi Ban maniza pa in, amahmah in Lai Siangtho hong
sin ta hi. A
laisim in lungmang sak hi. Mun khatkhat te in lunghiang sak hi. Hanciam takin a
khiatna ngaihsun hi. Mi khatpeuh in vahilhcian leh ut hi.
Kumthak nitak ciangin—
mipaante, losan te ki lawnziahziah in pawi bawlna ah a innkuan un a pai zel uh hi.
Tukum ciangin, “No teng va pai ziau vo, kei ong pai dah ning ei tu tung,” azi
leh a ta thum te’ tungah ci hi. Gilbato in geelna khat nei hi. Thu ngen nuam
hi. A innkuanpihte inn pan a paikhiat khit uh ciangin Pasian kiangah thungen in
Lai Siangtho a theihsak na ding leh pawlpi maan ahilh nadingin thu ngen hi. “Ka
nuntak sungah tua ka thunget sangin ong dawnbaih zawk adang om lo hi” a nidang
ciangin Gilbato in ci hi. A theih loh pi in Gilbato in Sabbath ni in thu angen
na hi gige hi.
Tua kum in
December 31 ni pen Saturday tawh ki tuak hi. A zingciang January 1 pen Sunday
ahi hi. Monday ni, nasep kipat ni in a sepna ngei ban pan in phone ki set hi.
Ban ah a sumkhol te kipsak kikna in letmat thuh dingin ban makai pa in a sam
ahi hi. Ban atun ciangin nidang a, a sep khawmpih pa khat director’ sabuai ah a
tu mu-a, tuapa pen tapidaw khat ahih lam zong phawk vat hi. A letmat a thuh
khit ciangin tua sabuai a tu pa, Alvaro kiangah a pai suak hi. “Alvaro aw, Lai
Siangtho koi munah sin thei ding ka hiam?” ci-in a dot kawm in, “aih hang
pastor khawng tawh ong meihset kei oh. Ong pianthak sak sawm vet kei o maw. Lai
Siangtho a thei nuam limlim bek hi’ng ei” ci kawm saisai hi. Alvaro bel
Adventist khat ahih lam Gilbato in thei lo hi. “Cabula ah Lai Siangtho sin thei
mah ni cei” ci-in ama kikhopna Adventist pawlpi hilh hi. “Tua pek bel gamla sa
lua ing, lampi zong lauhuai” Gilbato in ci hi. Alvaro in tawmvei sung ngaihsun
leuleu a, “Ei! Pawlpi ahi lo, Lai Siangtho sinna bek ahi munkhat thei mah ing
ei.” ci hi. A zingciang Tuesday ni in Alvaro in Gilbato pen mi tawmno bek a
kituah khopna, munkhat ah paipih hi. Meltheih khat zong om lohna mun ah khat
guak vapai pen Gilbato in nuam sa phamel lo ahih manin alawm Regina zawn hi. A
zi a zot leh ngah lo ahih man hi.
Tua a Lai Siangtho sin dan uh
pen nuamsa mahmah ahih manin akik ciangin zong Regina in a zuih ding kunh hi.
“Imm. ci mai leng ai ve, ong zui ning ee.” tuanu in ci hi. “Aih hang pawl bel
hong suak vet lo ding ka hi maw” a cihcih kawm in kikhop ni sim in Regina in tua
Adventist te kikhopna ah va zui den hi. tua bangin a zuih kawm in, a puan
sungah tuibual puan silh khinkhian in, tua biakinn gei penlee kanchi ah tui
vabual zel hi. Tua kum bei Dec. 31, 2006 ni in Gilbato tui kiphum ta hi. a
kumkik ciangin Regina zong tui kiphum hi. “Kei tawh tui kiphum khawm kua, a thei zo
peuh” ci-in mit tat khapkhap kawm in Gilbato in dongh hi. “ Ka nu” ci-in amah
mah in dawngkik hi.
A ki tuiphum ma deuh in athu
teng Brazil gam pangkhat lam-a om Adventist pawlpi mi ahi khin, anau nu Odete
kiangah a om anu’ kiangah pulaak hi. “Nu aw, ka nau nu pawlpi ah a ki tuiphum
ding hi ta ing ei” ci hi. phone tawh aki ho khit uh minit sawm khit khawng teh,
a nu in hong ho kik hi. “Bang hanga i nuta in kiphum ton lo ding i hiam” anu in
ci hi. “nang tui kiphum dingin kiging sa in om maw nu?” acih leh “Ka tanu in
nisim in Lai Siangtho hong hilh den hi. tu in ahih leh nang tawh tuisungah pai
ton ding hunhoih pen mawkbei sak nawn kei ning” ci-in anu in dawng kik hi. a ki
tuiphum un anu kum 84 pha-a, Gilbato 56 pha hi.
Tu-in
Gilbato kum 68 pha a, a pawlpi vuah makai-huh sem hi.
Tu kuata misian sumpi nong
khenkhiat te uh lakah khenkhat tawh, ka saap tawm uh inn-biakinn sangin a
golzaw, a hoih zaw biakinn taktak khat lam ding hi ungh. Kumthak ni-a, a thungetna
‘Lai Siangtho theih nading leh pawlpi maan theih nading namnih pen Pasian in ni
thum sungin a gen pah lian na pen Gilbato in lamdang sa mahmah hi. thudongh te
in a dot ciangin Gilbato in, “Hih pawlpi ah ka tun theihna bel, kei zonzawh thu
hi kei, Pasian’ itna mahmah in ong sap ban ah, pawlpi mite mahmah in ong it in,
ong welcome ngiat man uh hi” ci-in dawng hi. Tua
ban ah, “hih pawlpi in mite’
lungsim launa, kideidanna cih te a kipan lungsim tuam neihna khempeuh a satkham
pawlpi hi ci in ngaih sun ing. Kei mahmah zong hih leitung mite lak pan a tung
ka hi hi. kei mah bang mi tampite ahi: siavuan khawng, ha siavuan khawng, sitni
khawng a kipan biakinn cih zong a phawk kha man ngei khol lo mi tampi ka
tuiphum uh hi. biakinn cih mel zong a theih loh hangin, khat vei a ki tuiphum
khit teh biakinn pan in a pai khia nuam nawnlo phial mi tampi tak a om lai
dingte kong welcome mahmah uh hi.” ci hi.
