LESSON 12 June 15 - 21
MITE IN NA INN SUNGAH BANG
MU HIAM?
Sabbath Nitak
Tu Kaal Sung Sim Ding: Isa. 38: 39; 58: 6, 7, 10, 12; 1Kor. 7:12-15;
1Pet.3: 1,2; Heb. 6: 12; 13:7; 3Jn. 11.
KAMNGAH: “Ahi zongin note pen Pasian in a hong teelkhiat minam,
Kumpi siampi pawl, a siangtho minam, Pasian mite na hi uh a, khuamial sung
panin a lamdang mahmah ama khuavak sungah a hong samkhia pa nasepna a lamdangte
a genkhia dingin Pasian in a hong teel mite na hi uh hi” (1Pet. 2:9).
Nuntak khuasak nuam i sak
hun ciangin Topa tungah lungdam i ko hi. Innkuan sung nuamsa-in nasepna-ah daupai
tuahphat hun ciangin, cidamin, sum le paai neih hun ciang Topa tungah i lungdam
hi. Ahih keileh buai-na a tuah hun
ciangin Topa tung na lungdam veve hiam? Babylon panin Kumpi Hezekiah kiangah a
hawh mipa a kidot bangin na innah hong hawh mi tungah “bang na mu hiam? ci-in
kidong ding hileh, a pulaak ding bang thu le la na pulaak diam? (Isa. 39:4).
Mite in na inn sungah
bang mu uh hiam? Vantung mite in bang mu uh hiam? Inn sung in bang lungsim tawh
kidim hiam? Thungetna munin a kimu diam? Hehpihna, piakkhiatna, itna a kimu
diam? Ahih keileh hehna, buai-na, lungtomna, thangpaihna, kitotna a mu zaw uh
diam? Na inn sung pan a puasuak mi khat in Jesuh a phawk diam?
Hih thu dotnate in bangci
bang innsungah om i hiam cih hong theitelsak hi. Tu kaal sungin siatna,
hamsatna a tam hangin inn sung a nuamsak ding thute i kikum ding hi.
SUNDAY June 16
Kumpipa Khialhna Pan Pilna Ngah
Kumpi Hezekiah in
damna a ngah ciangin Babylo gam pan sawltakte pulaak thute sim in. 2Khang. 32:
25, 31; Isa. 38:39.
__________________________________________________
__________________________________________________
Babylon pan sawltakte in a lamdang Kumpi Hezekiah damna thu thei
nuamin va pai uh hi. Ahizongin Hezekiah in natna pan a damna thu pulaak lo hi;
tua mite tungah Pasian thuman a hilh ding phawk lo hi. Damna a ngahna thu
kipulaakna Isa. 38 leh Topa thupha piak a pulaak lohna kilamdanna thu Isa. 39
ah en in.
Pasian in sittel hi:
Babylon pan sawltakte a va uh in thupi hi. Ahi zongin kumpi Hezekiah in
kamsangte leh siampiten a makaih ding ngen lo hi. Pasian in zong khaktan lo hi.
Mite muhna-ah Hezekiah in ama nuntakna leh gam sung panin Pasian nasepna
damdamin hemkhia hi.
2 Khang. 32: 31 in Pasian
thupha-te hangin lungdamna nei lo-in a ngei-na bangin ngaihsutna in kiphatsakna
lungsim hong guan hi, cih pulaak hi. Hezekiah tung panin innkuan thupha ngahte
hangin Topa tungah thuman cihtakna kimu thei hi. A dang na phawk a om hiam?
Khristian inn khatah a valengla mite in Khrih nungzui mite tawh
kimuh theihna hun hoih hun pha khat hi. Lengla kimkhat in upna thu-te kuppih
ding ut lo hi. Tua bang mite theihsiam
ding kisam hi. Khristian mi khat in hotkhiat lungdamna thu gen ding pilvang kul
a, lampi zon ding kisam hi.
Khristian khat in neih le
lam, gualzawhna khat peuh in Pasian thupha ahihlam theitel mah taleh tua-te
kisialhpih ding hi lo hi. Tua sangin “khuamial panin khuavak sungah a om sam
khia Pa minphat ding hi zaw hi” (1Pet. 2:9).
Tua hi keileh Hezekiah bangin tua bang mite in mihing ahih hangun a
nuntak uh in a si hi-in, Khrih in tua bang mite damsak hi; amaute in mawhna
sungah misi hi-in, Khrih in sihna pan amaute thosakin, vantung tokhom tungah
tu-sak hi (Eph. 2: 4-6).
Bangci bangin na inn
in mite ading teci hi dingin na zang hiam? Koi bangin na innah hong hawh mite
tungah na upna na hawm hiam?
MONDAY June 17
Innkuan Masak In
Hotkhiat lungdamna thu
innkuanpihte tungah gen masak ding i thei ciat hi. Innkuan sangin masak zawk
ding a thupi zaw mun dang om lo hi. Jn. 1: 40-42 in inn sung hotkhiat nasep
bang pulaak hiam? Thkna. 6: 6,7; Ruth 1: 14- 18 sim in.
________________________________________________________________________________
Lawphuai zaksakna: Andrew in
a zasak mawk bek hi lo-in a sanggampa Simon in Jesuh a muh nadingin vaihawmsak
hi. Jesuh thu a gen ciangin mite ngaihnop dingin pulaak hi. Simon in a
innkuanpihte tungah Jesuh thu pulaak masa hi. Andrew tungah a pulaak khit
ciangin bang mah dang pulaak nawn lo-in, Jesuh in Simon leh Peter tawh kituah
uh hi.
Naupangte Jesuh kiang
paipih in: Innkuan sung tate tungah
hotkhiat lungdamna thu gen ding a kisaplam kiphawk kha lo pahpah hi. Amau
thuthu-in hong thei toto unteh, ci-in nu le pa tampi in ngaihsun uh hi. Tua
bangin ngaihsut ding hi lo hi. Naupangte leh khangnote in nu le pa,
innkuanpihte ettehin nungta uh ahih manin Pasian thu tawh pantahin Ama sungah
khansuah ding kisam hi. Hih thu Thuhilhkikna 6 in limtakin hong hilh hi.
Biakna, upna thute hilh hilh ding kisam hi. Nisimin mimal hi taleh innkuanin hi
taleh biakpiakna kisam hi. Naupangte leh khangnote adingin hun piak kul a,
hanciam zong kisam hi.
Naomi tung panin bang
thu na ngah hiam? Ruth 1: 8-11.
__________________________________________________ ________________________________________________
Ruth in Naomi gentheih laitak va tuak hi. Lungkia-in hehna, supna khempeuh hangin Pasian
mawhpaih hun sungin amah tawh a om a mo nu ciahkik dingin sawl hi (Ruth 1;15,
20, 21). Kicinna om kei taleh nulepa in tate
Pasian lamah a pantah ding uh, kicinna tawh kidim Pasian tungah a cihtak ding
uh hilh ding a sapna Ruth nunzia sangin teci hoih zaw dang om lo ding hi.
Innkuan in hotkhiat
nasepna mun hoih pen hi, cih thu in na innkuanpih tungah huzaap bangci bang
lungsim puak kisam hi, cih hong hilh hiam? Innkuanin Khrih a sang nai lo
sanggam tanau-te kiangah nasepna zia ding ngaihsun in.
TUESDAY June 18
Zawhna Ngah Kilemna
Biakna hangin a kikhen nupa adingin Lai
Siangtho in bang hong hilh hiam? 1Kor. 7: 12-15; 1Pet. 3: 1,2
__________________________________________________ ________________________________________________
Khristian upna kibang
nupa sungah thupha: 1Korin Masa sungah a nunna kikhel mi khat in zi, pasal a
neih ciangin upna kibang lote tawh nupa a suah uh ciangin, amau leh a tate in
Pasian langpanna hi ding hi, cih mite ngaihsutna pulaak hi. Paul in amaute
ngaihsut bangin ngaihsun lo hi. Zi ahih keileh
pasal in a nunna kikhel hangin nupa siantho-na, nupa kikaal
nopsakna a paisuak tawntung ding ahi hi.
Khristian thu-um zi ahih keileh pasal khat in thu-um lo zi ahih keileh pasal a
kipan tate siangthosak hi.
“Siangtho-sak” cih kammal in thu-um lo zi ahih keileh pasal in a
siangtho zi ahih keileh pasal tungtawnin hehpihna thupha a muh ciangin Khrih
tawh kizopna nei thei hi, cihna hi.
Kikhel nuam lo-in a lungkhuah zi ahih keileh
pasal hangin nupa kikhen ding a khentat zong om kha ding hi. Tua bang khentatna
hangin buai-na thuak uh hi mah taleh hehpihna tawh kidim Pasian kammal in mimal
deihtel theihna hong pia hi; mimal khentatna bang bang hi hen. Thu-um mi in tua
bang thute tawh kikhihcip lo hi (1Kor. 7:15).
Kilemna tawh nungta in: Upna kibang
lo nupa sungah hamsatna, buai-na tuamtuam om taleh amaute sungah Khrih kiang
pan kilemna, nopna om thei hi. Nupa kikaal kizopna kip dingin lametna nei-in, hamsat
taleh hotkhiat lungdamna thu in gualzo ding hi, cih phawk inla, thu-um lo zi
ahih keileh pasal in nupa kikaal nuamtakin a om theih nading hanciam in.
Thu-um lo a zi ahih
keileh a pasal adingin thu-um zi ahih keileh pasal in a septheihna ciangtan nei
hi lo hiam? Itna, hehpihna, lungliang lo cihtakna, kiniamkhiatna tawh sepna
cihte in thu-um lo mi khat a nunna zia kikhelsak thei vangliatna tawh kidim
teci hoih hi. Thu-um zi ahih keileh pasal in Jesuh a zahtakna tawh thu-um lo a
zi ahih keileh a pasal tungah kiniamna in vanglian hi. (Eph. 5:21) Thu-um zi
ahih keileh pasal in a zi, a pasal tungah a kiniamkhiatma-in a masa-in Khrih
tungah a cihtak tawntung ding kisam hi. Pasian tungah cihtak ding sawlna in a
gilo zi ahih keileh pasal bawlsiatna thuak ding cihna hi pah lo hi.
Pawl sungah upna kibang
lo nupa in hamsatna thuak a omleh bangci bangin na huh ding hiam?
WEDNESDAY June 19
Mi A Hawmsawn Innkuan
1Kor. 4: 16; Eph. 5:
1; 1Thess. 1:6; Heb. 6: 12; 13: 7; 3John 11 sim in. Thuciam Thak sungah zui etteh cih kammal in Khristian nunzia
bang hong hilh hiam? Teci panna leh puahphatna tawh kisai thu bang hong hilh
hiam?
__________________________________________________ ________________________________________________
Thuciam Thak in
kipuahphatna-ah a siangtho nunna etteh ding kitangsapna thupi hi, ci-in hong
hilh hi. Mihing in amau pahtak mite
omzia etteh hi; a muh nate etteh uh hi. Innkuan sungah zong tua bang mah hi.
Tate in nu le pa, pi le pu, sanggam tanaute hong etteh uh hi. Zi le pasal zong
khat le khat ki-et uh hi. Hih in zi in pasal tungah, pasal in zi tungah,
innkuan sung khat le khat tungah a muibun teci dingin na nungta thei hi, cih
hong hilh hi.
Mi tawh kizopna
huzaap: I innkuanpih mite adingin a vanglian teci dingin i nungta thei hi.
Niupa, innkuan tampi in etteh huai lo hi. I inn in Jesuh lungsim kilangsak
theihna mun hi. Mi tawh kizopna huzaap in vanglian mahmah hi. Na inn in mi huh
nading mun dingin na khentat thei hi.” The Ministry of Healing, 354.
Anne-in Lai Siangtho thu
sin ding, thungen khawm dingin na innah midangte na sap ciangin lengla-te in na
innsung khuasakna zia hong etteh uh hi. Khrih sungah a nungta innkuan in
picinna, thuman letkipna, mi tawh kizopna, buai-na leptuahna, kibatlohna om
taleh kalsuankhopna kimu thei hi.
Jer. 17:9; John 2: 25;
Rom. 3: 23 in kidop ding bang hong hilh hiam? ________________________________________________ ________________________________________________
Khrih a zui mite nung zui
in. I etteh mihingte in khialhna nei lo kuamah om lo hi. Khristian innkuan in etteh dingin kicinna
tawh kidim hi lo hi. Ahi zongin Thuciam Thak in thu- zui mite etteh dingin a
hong sawlna a hangin tua mite in Khrih nung zui uh hi. Mihing in khialhna tawh
kidim hi mah taleh mimal khat ciat in a upna a pulaak mite etteh dingin hong
sawl hi.
Bangci bangin na inn
in a hoih zaw Khristian teci hi ding hiam?
THURSDAY June 20
Kikholhna Bulpi
Lai Siangtho sungah zindo
innkuan tuamtuamte kibatlohnate en in. Bangci bangin zin do uh hiam? Isa. 58:
6, 7, 10-12; Rom. 12:13; 1Pet. 4:9
__________________________________________________
__________________________________________________
A nuai-a innkuante zindo-zia ngaihsun in.
Abraham leh Sarah: Pian.18: 1-8 _________________________
Rebekah leh a innkuan: Pian. 24: 15 20; 31- 33 ______________
Zacchaeus: Lk. 19: 1-9. Zindo siamna in zintung
mite adingin tawldamna, gilvahna, holimna omna mun hi. Zindo siamna in a
kipumpiak itna kilangsak hi. Jesuh in a
thuhilhnate-ah gilkial mi nek ding anpiakna, dangtak mi dawn ding tui piakna
cihte in Ama tungah kibawl bangin pulaak hi. I upna in zindo siamna tawh kisai
ahihna hilh hi (Matt. 25: 34-40). Khrih
min tawh inn sung pan nasepna tuamtuam om ding a, tuate lakah anne ding
misapna, na innah dongtuak cimawh mite kepna kihel hi. Tua banah mi tawh
kilawmtatna, kikholhna, mi tawh thungetkhopna, Lai Siangtho sinpihna cihte huam
hi.
Zindo-na maan takin
Pasian itna in a lawnkhak lungsim sung pan hong kipan hi. Kampau leh gamtatna
tungtawnin tua itna kimu hi. Neih le lamh kicin lohna, hun ngah lohna, sep zawh
lohna cihte paulapna-in nei-in zindo a kipan mi huh ding nial uh hi. Mi kimkhat
in thu-um mite tawh tua bangin kizopna nuamsa lo, siam lo cih zong om hi. Pawl
khat in tua bangin thu-um lo mite tawh kizopna hamsa ahih manin leengla do pelh
uh hi. Tuhun mi tampi in itna nei-in zindo leh itna kihel zindo-na thei khial
uh hi (hospitality and entertaining kibang lo hi).
Bangci bangin na inn in na upna dinmun pulaak hiam?
FRIDAY June 21
Ngaihsutbeh Ding; Ellen G. White, “ A Powerful
Christian Witness,” 35-39; “ Attitude Toward an Unbelieving Companion,”
348 352, in The Adventist Home; “
Ministry of the Home,”349-355, in The Ministry of Healing; “ The Ambassadors
From Babylon,” 340 348, in Prophets and
Kings.
Pasian nasep nadingin Inn thahatna: Lungsim
lawngin nunna kikhel ding inn huzaap hoihna sangin thugenna muibun zaw dang om
lo hi. Nang le nang huzaap nei lo, nasep bang mah nei lo, hamphatna nei lo,
kicinna nei lo-in kingaihsun kei in. Ahi zongin na inn sung pan in na hoih
lianpi sem thei nahihlam phawk inla, hun hoih khahsuah ken.” Ellen G. White,
The Ministry of Healing, 352, 355.
KIKUP DING DOTNATE
1. Na innkuan
huzaap in Khrih lungsim na phawk khak a om
hiam? Na lawmte dongin. Bangin tuabang innkuan huzaap neisak hiam? Tuabang innkuan tungpan bangthu na mu hiam?
2. Zi ahih
keileh pasal thu-um lo nupa, innkuan bangci huh ding na hiam?
3. Thu-upna
hangin zawhthawh bawlsiat thuak innkuan, mi phawkna nei hiam? Amau hamsatte leh
tua hamsatte zawh nading lampi ngaihsun in.
4. Khristian
thu-um mite in thu-um lo tate, zi ahi a, pasal, sanggam tanaute, zin le
leengla-te adingin teci hoih hi thei hi. Innsung pan upna thu hawmsawn nasep
in deih bangin a picin loh hangin na inn sung hong lut mi khat peuh a kicing
Khrih kiang na tunna lampi na hilh thei hi. Honpa min tawh huhna, citpiak
tungtawnin vantung hehpihna in nunna khel thei hi. Na innah honghawh mite na
huzaap ngaihsun in. Na innsung hongtum mite
adingin ahoihzaw teci hi dingin bang kisam na hiam?
