LESSON 11 JUNE
8 - 14
UPNA SUNG INNKUANPIHTE
Sabbath Nitak
Tu Kaal
Sung Sim Ding: Sawl. 10: 1-28, 34, 35; 1Kor. 2:2; 1Thess. 5: 21, 22; John 1: 12,
13; 3: 7; 1Jn. 5:1.
KAMNGAH: “Tua hi a, eite in i kiim i pamah hih zahin a tam teci nei ihih
ciangin eite a hong dongtangsak thei nate khempeuh le eite a hong gakcip mawhna
le khialhnate khempeuh paikhia-in, i mai-ah a om tai nading lampi a mong dongin
lungsim kiptakin tai ni. Eite hong
makai-in i upna a hong cingtaaksak Jesuh mitsuanin nei ni. Mailamah ngah ding
lungdamna hangin maizumna kihta lo-in singlamteh tungah sihna hong thuak a,
tu-in Pasian tokhom taklamah a tu hi” (Heb. 12: 1, 2).
Nuam taleng, genthei
taleng bangbang dinmun tawh i nungta zongin kimlepaam huzaap i tuakkha tawntung
hi. Nu le pa, tate, innkuan a kipan pawl sung dongin i omna, kimlepaam ngei-na
in hong huzaap hi. A dang tuamtuamte sangin a lian mahmah leitung huzaap hangin
thupiang in Sabbath panin Sunday sianthosakna hi. Sunday biakinn khatna
nawkkhaksialin kimlepaam huzaap lian ahihna a mu na hi hi.
Khristian innkuante in
tatsat lo-in kimlepaam ngeina huzaap i tuakkha hi. Khat veivei ciangin tua bang
huzaap in a hoihlam huzaap a om tei hangin a tam zaw in siatna huzaap hi zaw
hi. A lungdamhuai mahmah thu in
hotkhiatna thu kimlepaam huzaap hoih lo khempeuh zawh nadingin khuavak hong
tanin, zawhna tha hong guanin, tua huzaapte kantan zawh nading hong hilh hi.
Tu kaal sungin upna
kibang innkuan sungah “lungsim kawi, a hoih lo leitung mite lakah paubaanna a
nei lo a siangtho, Pasian tate i hihna nuntakna thu i genna hangin leitung mite
lakah khuavak bangin hoihna a kilang mite i hihna ding zia” (Phil. 2:15) i
kikum ding hi.
SUNDAY JUNE 9
A Hoih Thute Lenkip In
Hotkhiatna thu in mi
khempeuh ading ahih manin Khristian biakna in innkuan sung leh khat le khat
kizopzia ngei-na tuamtuam, tatzia tuamtuam tawh kipelh lo hi. Missionary a sem
ding mi khat in a sep nading mun a mite khuasakzia a kipan ngei-na tuamtuamte nuam
a sak loh hangin kanin a theih ding kisam hi.
Sawl. 10: 1-28, 34, 35
sim in. Koi bangin namdangte tawh kizopna-ah kilamdanna tuamtuam, kizopna hong
dal thei thu le late nawktan thei ding i hiam?
__________________________________________________ ________________________________________________
Khrih hong sihna in in
mun khempeuh a om mimal khat ciat ading hi. Mi tampi in hih thuman thei nai lo
uh hi. Hih hotkhiat lungdamna thu mite a za-sak dingin sapna aw a za mi
khempeuh in Khristian nasep hi. Pasian in kuamah deidan lo hi. Tua manin
Khristian khat in mi khempeuh a kibangin zahtakin thuman thutak tawh kizopna
nei-in hotkhiatna thu a up nadingun lamhilh ding hi.
Sawl. 15: 19, 20, 28,
29; 1Kor. 2: 2; 1Thess. 5: 21, 22 sim in. Sawltakte in midangte lakah hotkhiat
nasep a sepna uah bangci sep uh hiam? Tu-in a kizang thei bang thu guipi na mu hiam?
__________________________________________________ ________________________________________________
Ngei-na khempeuh in
mihing mawhna sung pan hong kipan khia hi mah taleh ngei-na kimkhat in Lai
Siangtho tawh kituak banah hotkhiatna thu kizelhna-ah hong huh thei hi.
Gentehna-in ngei-na khat ciat in innkuan thupisakna, khua sung, kimlepaam thupi
takin ngaihsun hi. Lai Siangtho tawh kituak ngei-na hoihte zuih ding thupi hi.
Tua kawm mahin thuman pen zuau thu tawh helhzau ding hi lo hi. Pawlpi
tangthu-ah ngei-na leh thuman thutak helhzau-na hangin Khristian upna taktak
mangthang dektak hi. Satan in hih leitung pasian ahihna zangin mihingte thuman
hong theikhial sak hi. Ahi zongin Jesuh in hong hon ahih manin a thuman sung
hong lutpih dingin Kha Siangtho in hong makaih hi (John 16:13).
Ngei-na tuamtuamte in na
upna bangtan ciang huzaap nei, bangzah Lai Siangtho bulphuh hiam? Koi bangin
hih thu nih na khentel hiam?
MONDAY JUNE 10
Innkuan Sungah Kimlepaam Huzaap
“Bang hang hiam cihleh
Abraham khit ah a tate leh a innkuan pihte in thuman leh thutangin gamtatna
tawh TOPA thupiakte a zuih theihna ding uhleh a hilh dingin amah ka teel khin
hi, ci hi” (Pian.18:19). Khua khat, veng khat a bulpi in innkuan hi. Tua hi-in
khua, veng khat omzia, khuasakzia khempeuh in innkuan tawh kizopna nei lo om lo
hi. Gentehna-in hun khatlai-in pa a sih ciangin tapa in a pa sa ne hi. Ngei-na dang khat leuleu, zi nei ding
tangvalte in a galte lutang khat a ngah zawh keileh zipi thei lo hi. Tuhunin
mun khat le mun khatah mopi, molei a kipan tate kepzia, kimakna tawh kisai
kibang lo hi.
Thumanthutak khiam lo-in, muntuamtuam,
ngei-na tuamtuamte kiangah hotkhiatna thu puakzia, amau nuntak khuasakna tawh
kizui, amau theihtelna ding kisam hi. Tua bang mahin kimlepaam nate in inn sung
hong huzaap ahihlam mangngilh loh ding kisam hi.
A nuai-a Lai Siangtho
munte in bangci bangin kimlepaam in innkuan hong huzaap pulaak hiam? Nuntak pih
ding thu guipi bang pulaak hiam?
Pian. 16: 1-3 _________________________________________
Pian. 35: 1-4 _________________________________________
Ezra 10 _______________________________________________
1Kum 11:1
______________________________________________
Kimlepaam nate tawh
kipelh thei kuamah om lo hi. I om omna
mun in hong huzaap hi. Kimlepaam panin hong huzaap thei nate lakah Khristian
khat in i upna tawh kituakin a nuntak ding masuan nei hi. Upna tawh kituak lo
khempeuh pelh ding leh upna tawh kituakte kepcing ding kisam hi.
Lai Siangtho tawh kituak
ngei-na tuamtuam a om hiam? Lai Siangtho tawh kituaklo bangte hiam? Koi bangin
thuman hemkhia lo-in upna thuzuihna-ah ngei-na tawh kalsuan ding na hiam?
TUESDAY JUNE 11
Kikhelna Tawh Innkuan Kipkho-Na
Innkuan sung hi taleh koi
koi-ah i om zongin kikhelna in a kipelh thei lo thu hi. Kikhelna kimkhatte kimu
khol thei hi. Bang hong piang ding mihing in i thei khol kei hi. Sihna, gimna
tuamtuam, gal, natna, teenna mun laih a kipan nasep cihte genkholh theih om lo
hi. Gam sung kikhelna, khua sung kikhelna hangin nuntak khuasakzia a kipan khat
le khat kizopna zong kikhel hi. Tua lo kimlepaam huzaapna hangin kikhelna
lianpi om thei hi.
Gentehna-in a nuai-a
Pasian nasem sawltakte tuahkhak kikhelnate ngaihsun in. Amau dinmunah om dingin kingaihsun in. Koi
bangin a inn sung uah kikhelna piang hiam? Kikhelnate bang tawh na nawk ding
hiam? Bangci bangin kikhel tungah zawhna na nei ding hiam? Abraham,
Sarah leh Lot
(Pian. 12: 1-5)
__________________________________________________
Hadassah (Esther 2: 7 -9)
_________________________________
Daniel, Hannaniah, Mishael leh
Azariah (Dan. 1)
Kikhelnate hangin supna
om thei a, mailam ading lunghimawhna zong om thei hi. Innkuan sung nuntak
khuasakzia tungtawnin kikhelna tungah zawhna kibang lo hi. Kikhelna hangin upna
thu-ah khantohna a piantheih mah bangin lunghimawhna, lunggimna zong om thei
hi. Kikhelna tuamtuamte tungtawnin Satan
in nasemin Pasian i muanmawhna ding leh muanlohna lungsim hong guan hi. Pasian
in a hong kamciam bangin Amah a muang mite in hamsatna, gimnate tungah zawhna
ngah uh hi.
Bangci bangin innkuan
sung hi taleh kikhelna hangin hamsatna thuak mite huh ding na hiam?
WEDNESDAY JUNE 12
Mi Masate Upna Bangin
Kalsuanna
Joshua leh a lawmte
sih khit ciangin Israel mite sungah upna paikhialhna bang piang hiam? Thukhente
2: 7 - 13. ________________________________________________ ________________________________________________
Biakna hi taleh kipawlna
khatah a phuang masa, makai khat in thu-upna leh nuntakpih thute hangin mainawt
hi. Ama khit a mite in zong makaite nungzui uh hi. Kipawlna, biakna a hatsakte
hi. Khang khat, khang nih khit ciangin khangthakte in mi masate thu guilet
tuamtuamte phawkin nei nawn lo uh hi. Biakna sungah a om uh hangin upna taktak
tawh thuzuihna hi nawn lo hi. A sawt ciangin ngei-na suaksak uh hi. Mi masate’
upna bang upna kimu nawn lo hi.
Pasian in tu le ta nei
lo-in tanu, tapa bek nei hi, ci-in kigen hi. Bang pulaak hiam? John 1: 12, 13;
3:7; 1Jn. 5:1. ________________________________________________ ________________________________________________
Khristian thuzui mite in
thuman thugil thute khang khat panin khangsawnte tungah pulaakin hilh uh hi. Nu
le pa, pawlpi tung panin i theih thute in mimal theihna hi lo hi. Khristian mi
hihna in pawl sungah omna cihte sangin thukzaw zai zaw hi. Upna maan in pianpih hi lo hi. Khang khat
panin khangah kipia sawn thei hi lo hi. Mimal khat ciat in Khrih i theih ding
kisam hi. Nu le pa in tampi hong huh thei hi. Khangno khat in upna maan a neih
nading, khentatna hoih a neih theih nadingin a huamin pawlpi ahi zong, a tuamin
nu le pa in huh thei hi. Ahi zongin a tawpkhakna-ah mimal khentatna, zuihna
tungtawnin nunna maw, sihna hi ding hi.
Pasian om hi, ci-in aum
Joe in a u ham khit nungah Seventh-day Adventist thu-um mi khat hong suak
hi. Adventist nungak khat tawh kiteeng a,
tanu tapa nei uh hi. A tate amau upna sungah khansuah uh hi. Ni khat a tate uh
nunzia a ngaihsut ciangin bang gen hiam cihleh “ka tate in keima thu-up bangin
a um hileh,” cih lunggulh hi. Joe tawh kiho ding hi lecin, ama tungah bang na
gen ding hiam?
THURSDAY JUNE
13
Kum Za Khat Hunlai Khe Tawh Taaite
Eugene Peterson in a
simnop ding Lai Siangtho khat gelh a, tua sungah “lungdamna thu’ cihna munte-ah
thupuak ci-in gelh hi. Jesuh hangin lungdamna thu in tuni dongin a kipulaak
ding thu taktak hi. Khristian innkuan in a innkuanun upna sungah khangto-in
mite tungah a pulaak ding kisam hi.
Koi bangin tomkimcing
dingin hotkhiatnathupuak na pulaak ding hiam? Matt. 28: 5-7; Jn. 3:16; Rom. 1:
16, 17; 1Kor. 2:2; 2Kor. 5: 18-21.
__________________________________________________ ________________________________________________
Sawltakte hun lai-in mun
khat pan mun khatah nawhsa takin a pulaak uh thu in sihna pan Jesuh Khrih thawhkikna
thu hi. Tu-in eite in zong amaute nungzui-in “Khrih in sihna pan thokik hi”
ci-in Ama hong hilh bangin a tangko mite i hi hi (Matt. 28: 7). Khrih in sihna
pan thokik takpi ahihna thu in Jesuh tawh kisai thu khempeuh, Pasian tawh kisai
thu khempeuh, mawhneite a hong itna thu, mawhmai-na thu banah a hong piak
tawntung nuntakna upna tawh i ngahna thu sungah hong kipsak hi.
Hotkhiat lungdamna thu
deihtakpi-na: Lai Siangtho sungah Jesuh nungzui mi masate’nunzia kikhelna thu
hong hilh hi. A innte uh Lai Siangtho thusinna-in zang uh hi; thungen khawm uh
hi; khat le khat kihuh kipanpih uh hi. A innkuan kuan-un thu-um suak uh hi.
Amaute in kicinna tawh kidim mite hiam? Hi lo uh hi. Amaute sungah buai-na om lo hi lo hi. Ahi
zongin amaute in a tuam diak Khrih nungzui mite hi, ci-in i thei hi. Amaute in Pasian a kitangsapna uh theitel uh hi;
khat le khat kizopna nei uh hi. Kipum khatna masak uh a, innkuan sung hi taleh,
pawl sungah khut khat tawi, khe khat khai bang diamdiam uh hi. Gethsemane huan sungah Jesuh thungetna a
tangtungsak mite hi (John 17: 20- 23).
Khat le khat tungah hotkhiatna thu pulaak uh a, a upna thute uh thu-um
lo mite tungah hang takin pulaak uh hi; nuntakna lauhuai dinmun lakah teci pang
uh hi.
Eite zong tua bang ding i
hi hi. Tuhun in upna thaneemsak thei thu
le la tampi om a, Pasian thu sungah a hat loh uh hangin hotkhiatna thu za nuam
uh hi. Kha Siangtho in hotkhiat lungdamna thu sungah nuam i sak nadingin nasem
tawntung hi. I nuntakna in hotkhiat lungdamna thu tawh a hong kidim ciangin
lungdamna taktak hi ding a, Pasian Kammal in ei adingin thu hoih hi ding a,
tatsat lo-in midangte i hawmsawn ding hi.
Mi tampi in a nial uh
hangin hotkhiat lungdamna thupuak a nek theih nadingun na innkuan panin kikhel
ding bang na nei hiam?
FRIDAY JUNE 14
Ngaihsutbeh Ding:
Ellen G. White, In the Court of Babylon,” 479 -490, in Prophets and
Kings; “ Words of Caution,” 324, 329; “ No Respect of Persons With God,” 330,
331, in Gospel Worker, “ Rejoicing in the Lord,” 115 126, in Steps to Christ.
Pasian a zahtak lo mi
tungah: “Khrih biakna in lungsim, gamtatna khempeuh Amah tawh kinaizaw-in hong
lamsang hi. Mi khempeuh in Tapa sisan tawh kilei-sa, Pasian it mite hi. Jesuh
khephungah mihau, mizawng, laithei, laithei lo kideidanna om lo-in nungta khawm
hi. Mawhna puakhia Ama gimna a mu mi in leitung liatna khempeuh mangngilh hi. A
hong kiniamkhiat, ama deihna nialin nengniamna hong thuakin hehpihna tawh
kidimin vantungah pahtawi-na kidim MIPA in
mihing kiphatsakna khempeuh, kiliatsakna khempeuh, kideidanna khempeuh
maizumna suaksak hi. A siangtho, siatna tawh kisawh lo biakna in vantung thuman
pulaakin thuman thutak in a siantho-sak mi khempeuh pumkhat hong suaksak hi.”
Ellen G. White, Gospel of Workers, 330.
KIKUP DING DOTNATE
1.
Na lawmte tawh Sunday ni-a dotnate kikum un.
2.
A tung a i pulaaksa Gospel of Workers, 330 sung a thute nuntakpih hi
lehang innkuan sungah kilamdanna hong om ding hi lo hiam?
3.
Koi bangin napawlpi in khangthakte makaih hiam? Hih a thupi nasep
bangci bangin na huh ding hiam?
4.
Upna thute Khangthak mite tungah pulaak ciangin bang bang hamsatna
om hiam?
5.
Bangci-in kimlepaam in a hoihlamin innkuan huzaap thei hiam? Koi
bangin innkuan sia-sak hiam?
