Thu tel khin lopi-a lawp luat kidophuai
mahmah
Ni khat vanleng hahsiang (aeroplane cleaner) khat in vanleng sung a hahsiang laitakin a hawlpa’ khan sung (pilot’s cockpit) ah, “A VANLENG HAWL CILTE’ ADINGIN A HAWL DING ZIA” – Volume 1 kici laibu khat va mu kha hi. A laibu la-in phen pah samsam a, a laimai khatna ah: A engine gin’ sakna (start) dingin amek na san (red button) mek in,” cih mu hi. Tua red button mek pah a engine hong ging pah hi.
Thangah lua kisa lawp leh
lungdam thuah khawmin a laimai kikna phen kik a: “A vanleng taisak nading-in
blue button mek in” cih mu hi. Blue
button omna mun a mek kik pah samsam leh a vanleng hong kihei deda in hong tai
pah dada hi.
A vanleng leng sak nuam lai sawnsawn ahih manin a laimai thumna a phen kik leh, “A vanleng len sak nadingin green button mek in, “cih mu hi. Tua mun mek suk pah a, a vanleng hong leng diaidiai sak thei hi. Nuamsa lua in khua phawk lo liangin van kim lai meei tung dongah hong leng diaidiai ta hi. Minute 20 khit ciangin cimtak pian ta ahih manin alaimai lina phen kik a, tua mun ah: A vanleng khawl sak nop leh sum buk nai ah volume 2 na va lei in. “cih na tuang hi. Tua vanleng sung hah siang pa zing ciangin alawp luatna teng tawh a luang hawm kivui ding hi.
Sin ding: Thu akimin tel cian khin lopi-in lawp luat manin gamtat vat leh kam vang ta ci-in mot paupau pen lauhuai mahmah hi. Sinna kim khat (half education) pen a kihtakhuai bek tham lo-in siatna lianpi apian sak ban ah sih theihna hi. Na tu na tate pilna siamna na sin sak ciangin apilna siamna a kim khat bek sin sak kha kei in Theihna/Pilna tawm/neu pen a kihtakhuai na hi. "Alexander Pope" How to Fly an Aeroplane for Begginers/ (Volume 1) cih tangthu ka muhna panin kong tei sawn hi.
Source: MUC news 4th Quarter, 2018
