Kamsang
zuau khat in Nupi nu tungah Songbox speaker gol mahmah koih in si
Mite in thuman a ngaih noploh
hun, amaute' deihna bek a zuihnop hun, amaute' zaknop thute bek a gen ding sia
a cial thuahthuah hun hong tung ding hi. 2 Tim 4:3.
Hih Kamsang pa Pastor Lethebo
RAbalango in Sunday ni akikhopna biakinn ahi Zion General Assembly ah
biakpiakna nasia tak in nei in Numei nu
tungah Speaker gol mahmah koih in silo ding hiteh zong nabeek lo lai ding hi ci
in koih a asawt ciangin Anupi nu nakzolo in si hi. Akigen na ah Nupi nupen atung lam kisiatna
lian mahmah in atuap zong sukha ci hi.
Pastor Pa in aom na Polokwane
ah a thuhilh na ah Topa Zeisu Tuipi tungah lam pai hi tua mah bangin en zong um
takpi le hang na khempeuh ih hih thei ding hi ci in gen hi. Tua ahihman in apawlpi mite sawl in nupi nu
tungah tua Speaker gol mahmah koihsak banah gik na saknai kei leh ci
zawbehlai-in atungah amah tuang ta sawnsawn lai ahihman in Nupi nu nakzolo in
si hi.
Tua bangin minutes 5 ding a tut
khitteh tua vangikpi alak khiatsak leh nupi nu na nungta nawnlo hi. Apawlpi
Elder te in a hih theihtawp in First aids vanzat te tawh ahihhih uh hangin anakguh
kitan ahihman in zato puak uh a ahizongin laplo
in sisuah uh hi. Tua banah Pastor pa in Nupi nu uplohna hi um hileh bangmah
cilo ding hi cizawbehlai hi.
Upna maanlo, Pastor maanlo leh Kamsang
maanlo tampi tak ongpiang lai ding hi. Tua ahihman in na upna ah kiptak in om
in, Pasian zatmaw zatloh cih laisiangtho tawh sit hamtangin. Isaiah 8:20 Tua
ciangin note in, “ Topa in note hong hilh thute ngai un. Aisante' thu
ngai kei un. Amaute' hong gen thute a kiman'na omlo hi,” ci-in dawng un ci
hi. King James Version ah hibangin ci hi
“20 To the law and to the testimony: if they speak not according
to this word, it is because there is no light in them. Adeihna in mikhat peuh in Thukham leh
Zeisu tetti panna alet kei leh tua mipa sungah thumaan thutak omlo ci hi.
Topa in thupha ongpia ta hen, Amen!
Source: Bible Study
