A kileh ngat mahmah thu pawlkhat

A kileh ngat mahmah thu pawlkhat                                                   

A gelh: Pa Pau Khan Thang
Elder, Langzang Church

1. JOSEPTH: 

Numei khatin mawhpih dingin a zolzol hangin ngah khia zolo a, (Pian. 39:10) = Ei bel a lem taan loh man na hi zaw.

2. TOPA ZEISU:

Lunggim mahmah thu ngen semsem.  (Luke 22:44) = Ei bel tawm khat lung nuam lo pian thunget thadah semsem.

3. HAMAN:

Mordekai akhai lup nading a aphuh khuam tungah

(Esther 9:10)=  Amah kileh khailup zaw.

4. BEREA KHUAMITE:

Nisimin Lai Siangtho simsim uh a, (Sawl. 17:11) =  En lah kum khat khatvei zong Lai Siangtho bu lawng khase lo.

5. ISRAEL MITE: Abiakbuk lam nading uh aa akaihkhop sum leh van

tuamtuamte cing val zaw liang ahih manin apia nawnlo dingin kikho zawsop uh a, (Pai. 36:6) = Ei mite bel biakinn lam nang leh music van tuamtuam lei nading, sum kidongdong ki zasak kikkik cin zo peuh mah lo.

6. PAUL:

Khebai khat lam apaisak, a dam sakna (milim bia) ten amuh uh ciangin Paul leh Barnabas paakkual leh bawngtal te tawh biak sawm uh a, ahih hangin Paul leh Barnabas in amau-te akibiak loh nading un a kham zo liailiai uh hi. (Sawl. 14: 8-18) = Tu hun ciangin khebai pipi dam sak gen loh, inn thungetsak ziau na nagawn ah tua zah tua zah ci-in kingamngam ta.

7. TOPA ZEISU:

A thuhilhna angai dingin mi khempeuh zingsang simin biakinn ah pai baih thei mahmah uh a, (Luke 21:38) = Ei bel kal khat khatvei sunsun biakinn zong tung kha lo thei, a tung sunsun tung hak peuhmah.

8. SOLOMON IN:

Zi tul khat nei zo buang a, (IKum.11:3) = En lah khat nangawn nei khia zolo, Ih neih sunsun kizem zolo sawnsawn..

9. RUTH:

Apasal asih teh anungsang lam zuan tuan lo-in a teek nu, Naomi zui teitei a a teek nu’n ciah kik ding a sawlsawl hang sawl zolo a, (Ruth 1:16-18) = Ei kiang a Mo / Zi pawl khat a pasalte uh dam lai buang napi’n ut hunhun, ciah san ziauziau, sam kikkik sam zo tuan lo.

10. EMMAUS KHUA ZUAN A APAI KHUAL ZIN MI NIH:

Lam pai kawm nangawnin Pasian thu kikum tangtang thei buang a, (Luke 24: 14)= Ei bel nipi ni leh biakinn sungah tutsa nangawnin Pasian thu i kikumkum man kei zaw a, mi’ innkuan sung, mi’ nupa kal peuh, khedap paw thak peuh, puan paw thak peuh, sam bawl dan peuh i kikumkum thei zawsop hi.

11. HANNAH:

Aging khia lo a alungsim sunga  apaupau, amuk ling bek siampi Eli in amuh ciangin  Hannah pen zukham sa a, (ISam. 1:13)= Zukham hilo-in lungsim kitamzan a TOPA ahopihpih (or) thu ngenngen na hi zaw.

Source: MUC news 4th Quarter, 2018